|
استفسار بخصوص كتاب الامتحان
بسم الله الرحمن الرحيم
بعيدًا عن المقدمات و غيره ندخل فى الموضوع علطول عشان وقت حضراتكم الكتاب لما جيت اشتريه ملقيتهوش فدلوقت متاح لى نسخة 2007 و نسخة 2008 هل النسخ متغيرة؟ إذا كان فيه تغيير هل هناك تغييرات جذرية؟ على فكرة أقصد الملخص للنظرى لأنه اللى يهمنى و ربنا يوفق الجميع |
مش عارفه يا عبد الرحمن والله
اتمنى حد يجاوبك بسرعه بالتوفيق ليك ولينا يارب |
بص هو النظري زي ما هو تقريبا مفيش اي تغيييير
بس الفرق انهم حتوا في الملحق الاولمبياد بالتوفيق |
متشكر يا جماعة ليكم و منتحرمش أبدًا
و إذا حد واقفة معاه حاجة ممكن أدورله عليها معايا عشان ناوى أودع الفيزياء بمراجعة سريعة و نحوّل بقى للعربى اللى راكنينه ده و ربنا يستر فى الأدب لأنى الحمد لله قليل الأدب خالص هاحاول أذاكره مع أصحابى مذاكرة حلوة و ربنا يوفقكم جميعًا |
ربناااااااااااااا يوفقك و ان شااااااااااااء الله تلم الادب بسرعة لانك غاااااااااااااية في الادب
ربنا معاك |
اقتباس:
متقولش علي نفسك كدة ان شاء الله كل حاجة هتبقي كويسة والله انا حاسة انى عكس الناس كلها الادب ده الفرع الوحيد اللي كويسة فيه وبعدين مش كل حاجة فيه بتتذاكر في حاجات معينة الامتحان مش بيخرج عنها وبالتوفيق ان شاء الله |
صح زي ما قااااالت روءة الادب في حاجات معينة اللي بتتذاكر
يعني مثلا لو اخدت الاسئلة اللي وردت في الاست امتحانات من 2000 للسنة اللي فاتت دة يبقي كاافي اوي و ربنا يوفقك ان شاء الله |
أه ما هو كنت بعمل كده أبص على السؤال و أقرأ حله من ملحق كشكول الأول
و كنت مثلاً مرة قبل الامتحان بأسبوع السنة اللى فاتت راجعت مع واحد صاحبى الامتحان جه من اللى راجعناه أصلاً كنا تقريبًا مراجعين المنهج كله المهم الحتت اللى ركزنا عليها و توقعناها جات فى الامتحان لدرجة أنه سأل أصحابنا قبل الامتحان سؤال من مراجعتنا جه فى الامتحان و مكنش فى مذكرة الأستاذ !!! المهم أصحابى فى اللجنة حلوها صح الحمد لله بس أيامها مكنش فيه فيزياء و بره البلد !!! الواحد بيدوخ و وقته بيدوخ و يومه بيدوخ ربنا يوفقكم و متشيلوش هم محدش بيدخل الامتحان ناقص معلومات و حتى لو ناقص فى حاجة اسمها براشيم ههههههه بهزر طبعًا أوعى حد يغش الحتة اللى راجعتها مع اللى جنبى و اللجنة سايبة و كسلت أراجعها بالآلة نقصت عليها نص أحسن عشان مغشش تانى بس صراحة درجتى كده أحلى لظروف معينة أهو قضاء و قدر سلام لأنكم أكيد زهقتم من رغىّ |
اقتباس:
ولوأنت عايز تشوف نسخة كتاب الامتحان بتاعة السنادى خش على الموقع بتاع كتاب الامتحان www.alemte7an.com مش عارف ان كان كده صح ولا ايه أصلى مش معايا الكتاب دلوقتى بس متهيقلى كده صح |
الفرق انه منزل انتحانات شاملة واولمبياد هو عاملها بنفسه بس جميلة جدا
اناعن نفسي معايا بتاع السنة اللى فاتت وصورت الولمبياد من واحد صحبى |
| جميع الأوقات بتوقيت GMT +2. الساعة الآن 02:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.