بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   ياجماعه لو سمحتوا محتجه مساعده (https://www.thanwya.com/vb/showthread.php?t=12664)

تسنيم 17-08-2006 07:02 PM

السلام عليكم ورحمة الله وبركاته
انا عضوه جديده هنا وشدنى السايت اوى لانه بجد ممتاز جدا وانا متعشمه فيكم خير وطالبه المساعده انا راحه اولى ثانوى عام ان شاء الله وجبت 97% ف الاعداديه السنه الى فاتت ومكنتش باخد غير درس انجليزى لانه محتاج تاسيس ودرس علوم لان ميس الفصل ماكنتش بتقول حاجه اصلا المهم انا عايزه حد يقولى اذاكر رياضه منين واخد درس ولا لا لانى بصراحه مش لاقيه حاجه ميفيده ف كتاب الوزاره بتاع الرياضه ف اى سنه ياريت اى حد يقدر يساعدنى يساعدنى لانى بجد محتاجه حد يحط رجلى ع الطريق الصح لمذاكرة الرياضه مع انى ماشيه فيها بس مش اوى يعنى اجتهاد بس انا عايزه تفوق

basmala 17-08-2006 07:08 PM

اهلا بيكى انتى اسمك ايه ...؟؟

بصى ماتقوليش على نفسك دحاحه علشان محدش يحسدك

اولى ثانوى متذكريش كتير اوى ...اشترى كتاب خارجى وهو هيقوم بالواجب

تسنيم 17-08-2006 07:14 PM

انا اسمى تسنيم وشكرا على اهتمامك وردك بس المشكله انى لما بحل مسائل ببقى مش عارفه احل بتاعى صح ولا غلط او كامل ولا لا

basmala 17-08-2006 07:16 PM

مانتى لو اشتريتى مثلا المعاصر الحلول الصحيحه بتكون مكتوبه فى الجزء الخاص بالحلول

انصحك بالمعاصر

تسنيم 17-08-2006 07:19 PM

يعنى انتى شايفه انى اعتمد ع شرح مستر المدرسه بس وممكن ابقى اروح سكاشن قبل الامتحانات
شكرا ع المساعده جدا جدا وطمنتينى وياريت اتشرف بمعرفتك اكتر ده لو مش يضايقك طبعا

wa_islamah2100 17-08-2006 07:20 PM

اهلا بيكى الاول معانا
واحب اقولك التفوق فى الاعداديه ليس مهم لتفوق فى الثانويه لأن كله بيجتهد فى الثانوى مش زى الاعدادى
وزى ماقلتلك بسمله اعتمدى على الكتب الخارجيه وبصى برده فى كتاب الرياضه واتمرنى كتير
وممكن تتأكدى من الحل الى بيبقى ورا فى الكتاب


basmala 17-08-2006 07:24 PM

فعلا تفوق اعدادى حاجه والثانويه العمه حاجه تانيه خالص ودنيا تانيه خالص

وياريت مذكريش اوى فى اولى ثانوى ...يعنى مش لازم تجيبى اكتر من 91

تسنيم 17-08-2006 07:25 PM

شكرا جدا ياجماعه بس اعتقد ان احنا عندنا حساب مثلثات ف اولى ثانوى مش عارفه معنديش حد اكبر منى اسالوا فدى هتبقى جديده عليا مش عارفه حاسه انى قلقانه يعنى انتقال من مرحله لمرحله والكلام ده

egypty3000 17-08-2006 08:02 PM

السلام عليكم

اولا اهلا بيكى فى المنتدى معانا


بصى ده هيعتمد غلى مدرس الفصل لو بتفهمى منه يبقى هاتى كتاب خارجى وامشى مع نفسك

لكن لو وحش انصحك تاخدى درس فيها لان حساب المثلثات مرتبط بسنه 2


والله الموفق للجميع :)

تسنيم 17-08-2006 08:08 PM

طب محدش يعرف مدرس رياضه كويس قريب م بولاق او المهندسين او بين السرايات
شكلى هتضطرد م السايت اصلا

egypty3000 17-08-2006 08:26 PM

بصى يا دحاحه

انتى لما تدخلى المدرسه هتعرفى المدرسين كلهم ومين كويس ومين لا


انصحك انك تبتدى دروس مع المرسه عادى لو عايزة قبلها يبقى موش كتير عشان متزهقيش انا كنت فى 1ث

وبدات مع الدراسه عادى

... والله الموفق للجميع

اينشتاين 17-08-2006 08:27 PM

اولا اهلا بيكى

ثانيا يا ريت ما تقلقيش خالص وزى ما الاعضاء اللى قبلى قالوا اشترى كتاب خارجى وهو هيقوم بالواجب وانا انصحك بالمعاصر

ثالثا انتى حظك حلو لانك ساكنة قريب من بولاق وكده لان انا اعرف مدرس قريب من هناك لو حبيتى تاخدى درس يعنى

رابعا بقى مش عارف اقدر اقولك اسم المدرس ولا لاء لان احنا ف الموقع مفروض بنحارب الدروس الخصوصية

بصى ريحى دماغك وخدى سكشن قبل الامتحان وعندك الشيمى حلو لو تعرفيه او الكمال ( بما انك بقى ساكنة هناك )


اتمنى اكون قدرت افيدك

سلام

محمود طه القالع 17-08-2006 08:36 PM

اولا اهلا بيكي في المنتدي
وسوف يقوم المنتدي يدور مدرس الدرس ان شاء الله
علي فكرة في موضوع مثبت في اولي ثانوي فية تلخيص لجزء من المنهج
وان شاء الله سوف اتابع مع جميع الاعضاء المنهج كامل ان شاء الله
واي سؤال في الرياضة ان شاء الله في الخدمة للجميع

تسنيم 17-08-2006 08:42 PM

شكرا جدا جدا جدا يا جماعه ع اهتمامكوا

محمود طه القالع 17-08-2006 08:46 PM

شوف التلخيص الموجود في اولي ثانوي ولو عندك سؤال
ان شاء الله
موجاب


جميع الأوقات بتوقيت GMT +2. الساعة الآن 05:59 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.