|
تجارة ولا أداب؟؟؟
هاي يا جماعة أنا عاوزة حد يفيدني في موضوع ضروري أوي بس يا ريت يكون حد عنده خبرة بالموضوع انا محتارة بين كليتين اداب وتجارة فياريت حد يقولي انهي الاحسن من حيث كل حاجة وياريت ضروري اوي؟؟؟؟
|
انا كمان بضم صوتى ليكى وياريت حد يرد عليا وعليكى وارجو من الجميع الافاده وربنا يجازيكم خير
|
حسب كل حاجة ازاى يعنى مثلا لو حسب الشغل يبقى تجارة مستقبليا احسن بس بالنسبة للبنات عموما اداب بتبقى افضل يعنى لو حضراتكم كويسين فى الرياضة لدرجة كبيرة يبقى تجارة كويسة لو زى كدة مش بتحبوها يبقى اكيد اداب افضل قولو اهتمامتكم وان شاء الله مع حضراتكم فى رعاية الله |
تجارة أكيد مجموعها أعلى من آداب بس أعدادها كبيرة و اللى بيتخرجوا منها كتير وده عيب لأن المحاسبين أكتر من الهم على القلب .. و فرصة الشغل فيها قليلة شوية بالنسبة لأعداد الخريجين الكتير .. و اللى بيشتغل فى مجاله يا إما بيكون واخد كورسات كمبيوتر و لغة و حاجات من دى يا إما بتكون وسطة .. كوسة يعنى بالنسبة لأداب فا هى مستقبلها من وجهة نظرى أحسن بس لو أقسام لغات يعنى مثلاً إنجليزى، فرنسى، إرشاد سياحى،لغاش شرقية،حضارة اروبية .. "إعلام أو آثار "دول أختر حاجة بيحتاجوا وسطة خصوصاً الاعلام و طبعاً كل قسم وله شروطه بعيداً عن مجموع دخول الكلية و بتختلف الشروط من جامعة لجامعة و برده بتختلف الأقسام من جامعة لجامعة بالنسبة للسهولة فا كل كلية وفيها مايكفيها .. لا دى سهلة ولا دى سهلة الاتنين عايزين مذاكرة وعايزين تقديرات كويسة علشان تكون فرصة الشغل أحسن و ربنا يوفقك الجميع |
هو انا الاول بشكر كل اللى ردوا عليا وشكرا على اهتمامكم وثانيا انا اصلا نفسى ادخل اداب كليه البنات اووووووى بس فى مشكله وانا خايفه منها ان انا جيبت فى سنه تانيه 62% بس ان شاء الله لو جيبت السنه دى فى تالته فوق ال 85% هيبقى مجموعى كله حاجه و70 فانا خايفه مالحقهاش انا حتى مش طالبه انتظام ان شاء الله انتساب بس تيجى ونفسى ادخل قسم علم نفس او فلسفه فبجد ادعولى الحقها ان شاء الله حتى تجيلى فى بلد ارياف بس المهم الحقها
|
و الله دى ترجع للتنسيق و إن شاء الله تلحقيها مش فاهمة الناس معجبة بعلم نفس ليه:romarioxp6: .. أكيد علشان أنا فيه :p شدى حيلك فى الامتحانات عايزين حاجة وتسعين كمان علشان تدخليها فى الجامعة اللى تعجبك و ربنا يوفقك |
ان شاء الله الحقها ونبقى اصحاب ونتقابل كمان بس ياريت تقبلينى صديقه ليكى لو دخلت اداب والف شكر على ردك الحلو ده وتعبك معايا
|
شوفو يا جماعة مفيش حاجة اسمها ايه احسن في حاجة اسمها انت بتحبي اي وميولك ايه وايه اللي انتي شاطرة فيه يعني لو انت بتحفظي اكتر ما بتفهمي ادخلي اداب بس لو انت بتفهمي اكتر من الحفظ ادخلي تجارة او علوم يعني اللي انت بتحبيه ومياله ليه ادخليه والبنسبة للشغل في اي كليه كلو محتاج واسطة انا شخصيا عشان بحب الانجليزي دخلت اداب انجلش عموما ربنا معاك ركزي في المذاكرة وبعد كدة الامر ده حيتحل واللي ربنا كاتبهولك هتشوفيه ربنا معاك |
لو غاويه تعقيد وقرق ووجع قلب على الفاضى
يبقى تجاره خصوصا المنصوره |
اقتباس:
مافيش حاجة إسمها تحفظى اكتر ماتفهمى وتفهمى أكتر ماتحفظى هى ثانوية ولا إيه؟!!:d الاتنين عايزين حفظ وفهم ما أنا فى آداب أهو وحفظى مش قد كده بس بفهم كويس و بنجح وشغالة زى الفل :bosyht9: شوفى انتى عايزة إيه و إيه اللى هترتحيله أكتر و ماتستهونيش بالاتنين لانهم مش سهلين للدرجة اللى بيتخيلها أى حد خارج من ثانوى و بسهولة هنجيب تقدير والكلام اللى مش جايب همه ده .. المذاكرة هى اللى هتجيبلك التقدير المحترم .. بس وربنا يوفقك |
اقتباس:
بس كده من عنيا .. شدى حيلك انتى بس وركيزى اليومين دول و إن شاء الله ربنا هيوفقك |
كلية تجارة اجمل كلية تتدخليها بس عايزة مزاكرة ومجلتها واسعة تشتغلى فى اى مكان
|
من اخر تجاره كلية روعه فى الدراسه و فى مجالات العمل رغم كبر حجم الدفعه فى قسم المحاسبه و قسم ادارة الاعمال
|
انا عاوز اخش اجيب كلية التجارة اجيب كام ؟؟؟؟؟؟؟ ارجو الأجابة
|
اقتباس:
انتساب من 75 وانت طالع |
| جميع الأوقات بتوقيت GMT +2. الساعة الآن 09:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.