اجتهادات العباقرة
 

اعتقد اننا جميعا قد انتهينا من دراسة الفيزياء
ونستعد الآن للدخول للامتحانات
ولكن اعتقد شخصيا ان الامتحان هذا العام لن يكون بالصعوبة المتوقعة
لأننا ببساطة قد اجتهدنا كثيرا وقمنا بحل الكثير من الاسئلة الصعبة
واتمنى من الله ان يجعل الامتحان سهل علينا



ولكن لا مانع من نعاون بعضنا في وضع بعض الاجتهادات للأسئلة الهامة لامتحان هذا العام كي نساعد بعضنا
وارجوا من كل المدرسين المحترمين أن يساعدونا بوض الاسئلة وحلولها حتى يمكننا الاستفادة منها

اختر
عند ذوبان قطعة جليد تطفو فوق سطح اناء به ماء فان حجم الماء في الاناء ........ (يزداد - يقل -يظل- كما هو )
كرة معدنية مجوفة و معلقة في الماء فان كثافة مادتها ......... كثافة الماء (اكبر من - اصغر من - تساوي )

1-يظل كما هو
2-اكبر

يظل كما هو

اكبر من

تماااااااااااااام يا جمااااااعة التانية صح بس الاولي غلط فكرووووووا شوية

طيب مش هى كثافة الماء اكبر من كثافة الجليد
يبقى هيكون حجم الماء الناتج عن انصهار الجليد اقل من حجم الجليد نفسه
يعنى هينخفض سطح الماء الكلى بالاناء
بس الجزء الطافى لما ينصهر هيعوض هذا الانخفاض

يظل كما هو
أكبر من

اعتقد انها هيظل كما هو وانا ممكن اكتبلك الاثبات لو تحب بس قولنا ايه وجهه نظرك الاول

تماااااااااااااااااام يا فدوة الاجابة يظل كما هو لو كان السؤال عن ارتفاع الماء
انما السؤال عن حجم الماء و حجم الماء هنا مثلااااا لو كان قبل وضع قطعة الجليد 1 لتر هيفضل حجمه 1 لتر برده بعد ما نضيف قطعة الجليد لكن الارتفاع هيزيد و عند انصهار قطعة الجليد يظل ارتفاع الماء كما هو و لكن حجم الماء هيزيد بمقدار حجم الماء الناتج عن انصهار الثلج

اقتنعتي و لا ؟

توقعت إن ده قصدك كنت لسة هاكتبه
سؤال بسيط و ذكى
طيب لو عندنا هواء محبوس بمكبس ايه هيحصل لدرجة حرارة الغاز لو شدينا المكبس لبره و لو دخلناه لجوه
سلام بقى أذاكر عربى
و ركزوا شوية فى العربى لحسن المواد الصعبة تبقى عكس السنة اللى فاتت
و ربنا يوفقكم جميعًا

لأ اقتنعت

انا حليت على اساس ان الاناء مملوء لحافته
وبكده لما نضع قطعة الجليد هينسكب مقدار معين من الماء
وهذا المقدار هيعوضه الجليد بعد انصهاره

وشكرااااااا جدا عالتوضيح

لو شديناه لبره درجه الحراره هتزيد
ولو شديناه لجوه درجه الحراره هتقل
صح ولا لأ؟؟؟

تمااااااااااااااااام كدة يا عبد الرحمن و لا شكر علي اقل من الوااااااااااااااجب يا فدوة

أنتوا هتشككونى و لاّ ايه
مش فيه عمليتين أيزوثرمية و أديباتية
المفروض لو لو الحجم قل الحرارة تزيد و لو الحجم زاد الحرارة تقل
بس المشكلة الضغط مش ثابت يبقى معلش سؤالى غلط
سؤال على فكرته ليه لما ترش بفلت أو راجون الحرارة بتقل هنقول علشان العملية الأديباتية أو الأديباتيكية أو الكظمية
مجرد أسماء لنفس الحاجة و آسف على السؤال الخطأ

سؤال كمان لو قالنا فلزين قللنا حرارتهم و بقم فائقى التوصيل
و رغم كده واحدة بتحصل معاه ظاهرة مايسنر و التانية لأ
هنقول أنه فيه شرط كمان المادة لازم تكون ديامغناطيسية
و تقول اللى حصل معاه ديامغناطيسية و التانية لأ

آسف على السؤال الغلط معلش بقى الواحد رمى الفيزياء و يا خوفنا تنتقم و ترمينا هى كمان
أنتم مش ناويين تذاكروا عربى و لا الفيزياء مع كله بتتذاكر

لو شدينا لبرة درجة الحرارة تقل لان الفاز يبذل شغل
ولو شديتا لجوة يبرد الغاز لان الغاز يبذل عليه شغل