المتعاقدون في الفيوم و شرط محو امية 10 مواطنين
 

و الله هذا حرام الا يكفي انه ما فيش تعيين ليه نذل ابناء بلدنا و هم الذين سيحملون هموم المستقبل ؟
يا ريت ادارة الموقع تثبت هذا الموضوع
التوقيع : جميع المعلمين المتعاقدين بالفيوم

السلام عليكم
واضح انها موضة فى المحافظات والبحيرة كمان نفس الشرط ولما عمل بعض المتعاقدين وقفة واشتكوا وصوفهم انهم غير منتمين يعنى هو احنا الى هنغير الكون هما عارفين انه كله كلام على الورق ومش بيتم مين الى هيعلم فى شهر فعلا اطمن هو مجرد كلام بس ومش هيقدر يلغى العقد لانه مش شرط فيه وكمان المحافظ مش طرف فيه التعاقد بينا طرف تانى ووكيل الوزارة طرف اول

ماتقلقش يا محمد كله فعلا كلام...
عندنا هنا فى شمال سيناء قالوا نفس الكلام بس مفيش حاجة حصلت واهو فيه تعاقدات جديدة ومش شارطين شرط محو الامية.. فاكيد لو كاناو هايطبقوا الشرط ده كانوا طبقووه على الجداد.. ولا ايه؟

السلام عليكم
مش حكاية كانوا طبقوه على الجداد هو مش بيجى شرط فى العقد ده بيجى على هيئه قرار او امر من الادارة للمدير تمضى عليه
او كل المتعاقدين فى المدرسه
هقولك السنه الى فاتت طلبوا مننا كده وفعلا قدمنا ل3 للامتحان لمحو الاميه وجبنا ورقه من محو الاميه للادارة تثبت اننا فعلا قدمنا وبعدين لما رحت على ميعاد الامتحان الى انا قدمتلهم حضر منهم واحد وفيه ناس حضرلهم كل الى اتقدملهم بس المهم انى قدمت اما الامتحان فده بقه مش بايدك من الاخر فيه ناس مقدمتش لحد خالص والسنه دى فعلا طلبوا وكل العقود عملت اضراب محدش راح الى عدد قليل اعملوا كده وكله الحمد لله اتججددله العقد لانه زى ما قلت مش شرط فى العقد لانه محو الامية محليات
اما العقد بينا وبين وكيل الوزارة ولو حصل حاجه ان شاء الله هنعمل كده ومن حقك ترفع قضيه وببنود العقد هتثبنت ده وان شاء الله مش هيحصل ده كله
والكلام الى بقوله من مصدر موثوق

منهم لله
يارب يريحنا من الهم ده

معني كدة ان احنا بنعلم طلبة ولا ؟؟؟؟؟؟؟؟؟؟؟؟؟؟؟؟؟؟؟ر
احسب معايا وقولي احنا بنعلم قد اية ( المعلم المساعد )دي ان كنا بنشتغل مدرسن له 22 حصة يعني 11 فصل
11 فصل * 50طالب بالميت في الفصل الواحد يبقي كام ؟؟؟؟؟؟؟؟؟؟؟
دة المتوسط اللي احنا بنخرجهم كل سنة وبعد كدة يقول محوامية عشر ؟؟؟؟؟؟؟؟؟؟؟ر
دة يبقي عدل

لسان حال المتعاقد يقول :

أنا جمل صلب لكن علتى الجمّال

لوى خزامى وشيلنى تقيل الأحمال ..

يا عم لا تقل محو امية ولكن قل نحو الامية ان ما يحدث فى محافظة الفيوم مهذلة بكل المقاييس

قرار محو الأمية ده مش في الفيوم وحدها بل أيضاً في باقي المحافظات وعندنا في المنيا القرار ساري

المشكلة أنهم يعتبرون محو أمية عشر شرط أساسي من شروط تجديد العقد والبعض يقول من أجل التثبيت ............ فماذا تقول حضرتك يلي زعلنا

يا عم شرط التثبيت الحصول على دبلومة تربويه

ليس في محافظة الفيوم فقط ولكن في اسيوط والمنيا قرارات جائرة وظالمة جدا تدعي الى استغلال الناس يكفي المدرس ان يمحي امية طلبة مدرسته التي يعمل بها فهل يترك مصالحه وإن كانت معلمه ومتزوجه ولديها أطفال للبحث عن من يريد ان يمحي اميته الموضوع دخل في التجارة والبيزنس

حسبنا الله ونعم الوكيل

انا مش فاهم ليه المسئولين مش حاسيين بينا كل واحد بيطلع كلام على مزاجة ومش عارف ايه اللى بيحصل وازاى كل شاب فينا بيتمنى الاستقرار حتى لو كان بمجرد عقد كمان هايقرفونا ويقولوا محو امية حرام اللى بيحصل ده المهم لازم كلامنا يوصل للوزير حد عنده خبار فى الموضوع ده يرد والنبى او عن التثبيت

محو الاميه مش مشروط فقط على المتعاقدين ولكن على من تخرج كمان لكى يعمل خدمة عامه انا دفعة 2003 كل مااروح لااعمل خدمة عامه يقولولى لازم محو اميه قلت خلاص اعمل الاتنين واقدمهم فى وقت واحد قالوا لا لازم محو اميه الخدمة العامه تكون باسماء مختلفة عن الاسماء التى ساقدمها للتعاقد
باله عليكم ماهذه المهذلة التى لاتنظر اليها حكومتنا العزيزة ولا ستلتف من الاساس الا اذا حدثت مشكلة جامدة لتتدخل
شهادات واخدنا دوبلومات وعملنا كورسات وخدناها لماذا كل هذه الخنقة لماذا اتقوا الله فينا كفايه هذا الذل
واطلب كمان كما محافظ الفيوم يفرض على المتعاقدين هذا العمل يجبروا ايضا المتعينين فى كافة المجالات ويكون المحافظ اول واحد يجمع ناس لتعليمهم كى يصبح قدوتنا