|
مساعده يا جماعه.وسكون شاكر لمن يساعدنى.
السلام عليكم ورحمة الله وبركاته.
انا بقى طالب ذاهب ان شاء الله الى اولى ثانوى انا الحمد لله ظهرت النتيجه وجبت درجة تمام هى.280\300.... اريد ان اعرف الثانويةوطبعا قصدى اولى ثانوى هى اية المواد اللى هاخدها ان شاء الله وطبعا هى ايه اللغه الاسهل واللى الكل بيقول دى سهله وكنت ايضا اريد ان امسك كل مادة بالتحليل لها والنقد حتى اعرف كيف اقدر اجيب الدرحه النهائيه مثال: اللغه العربية وعندك التعبير فيها مش أى حد يقدر يجيب الدرجه كامله فيها وهكذا... طبعا منتظر الردود وجزاك الله خير الجزاء.:) :) :) :) :) :) :) :) :) |
السلام عليكم ورحمة الله وبركاته اولا الف مبروك وعقبال نتيجة الثانوية ان شاء الله ثانيا المواد بتاعة اولى ثانوى هى لغة عربية لغة انجليزية والمانى او فرنساووى او اسبانى والمواد الادبية تاريخ جغرافيا فلسفة المواد العلمية فيزياء كيمياء احياء رياضة جبر هندسة رسم او موسيقى حاسب الى تربية زراعيية او اقتصاد منزلى دول كل المواد بتوع اولى ثانوى هى اولى ثانوى بصراحة اصعب من الثانوية العامة ذاتها وربنا مع حضرتك وجزاكم الله خيرا |
المواد زى ما قالت آيه كده هتاخد 7 مواد ترم أول و 7 مواد ترم تانى هيكونوا بإختيارك انت و مبروك على النتيجة و ربنا يوفقك فى ثانوى بإذن الله و نقولك مبروك مرة تانية :) |
جزاكم الله خيرا
وفعلا فكرة موضوع جميله انا كمان داخله باذن الله اولى ثانوى وعايزة اعرف تحليل المواد يعنى ايه المواد اللى هتحتاج جهد كبير؟؟؟ ايه هى المواد البسيطة؟؟ |
اولا مبروك على المجموع العالى دة
الله يرحم ايامنا النهائى كان من 280 ام هند بما انى لسه خارجة من السنة العقدة دى طازة فا هافيدك بخبرتى فيها اولا هتاخد 7 مواد فى الترم الاول و 7 فى الترم الاول وبيتقسموا كالتالى الاساسى فى الترمين عربى ورياضة وانجلش واللغة التانية وانصحك تبقى فرنش اسهل كتير والمواد الى بتتغير 3 بتتقسم كالتالى جغرافيا وفلسفة وفيزياء مع بعض او تاريخ واحياء وكيمياء مع بعض اكتر مواد محتاجة الحفظ الفلسفة والاحياء طويلة والفيزياء هتبقى 11 فصل عايزة التركيز المواد الاساسية سهلة لكن المشكلة فى المواد الى بتتغير يعنى الجغرافيا احفظ الخرايط والنسب والحاجات دى وزاكرها كويس هتحل فيها جامد الفلسفة حفظ من اول ورقة لاخر ورقة حتى لو مش بتحب الحفظ غصب عنك لازم تحفظها اانا والله اكتر حاجة بكرها الحفظ بس حاولت افهمها واحفظها والحمد لله جبت النهاية فيها نيجى للفيزياء طويلة جدااااااا حوالى 11 باب يعنى عايزين مزاكرة من اول يوم فى السنة التاريخ اول خمس دروس جامدين وحلوين اخر دروس بتاعت الحضارات عايزين مزاكرة جامد جداااااااااا الكيمياء حلو وسهلة اكتر حاجات مهمة الفصل التالت والخامس ومعادلات النووية دول اهم حاجة بيركز عليهم فى الامتحان والباقى تزكرهم مرة واحدة جامدة وتحل عليهم علطول لا يمكن تنساهم والتركيز الكبير يبقى على التالت والخامس نيجى للاحياء فيها كتير حاجات عايزة تتحفظ وحاجات كتير تتفهم بس اهم حاجة تحفظ كل الصور هيا 6 فصول فيهم رسم كتير شوية بس يتزاكروا ويتحفظوا كويس جدا جدا واخر فصل تحفظ النظريات بتاعت التطور كويس دة تقريبا المختصر المفيد للمواد الى عليك ويارب اكون ساعدتك بالتوفيق ان شاء الله فى رعاية الله |
اقتباس:
ربنا يوفقك يا قمراية اكتر مواد عايزة جهد الفلسفة حفظ والاحياء حفظ الصور والنظريات والحاجات دى والفيزيا طويلة وعايزة مزاكرة من اول يوم المواد البسيطة تبقى الجغرافيا والمواد الاساسية وباقى المواد معظمها حلوة وسهلة |
ميرسى جدااااااا يا احلى كوكى
الله يخليكى يااااارب على التوضيح الجميل ده يارب تكونو مستمتعه فى الاجازة دى وربنا يوفقك فى تانية ثانوى باذن الله |
طبعا وشكرا على كل من شارك فى الموضوع ونبدأ من الان.....
اللغه العربيه ياريت كل اللى يشارك يضيف ازاى نقدر نحصل فى الدرجه الكامله .. التعبير ........ونبدأ به...منتظر الردود |
ها ي
اولا مبرووووووووووووووووووووووووووووووووك على الدرجات وإن شاء الله تكون سنة حلوة عليكم واللغة العربية على حد علمي سهلة والحمد لله بص يا سيدي بالنسبة للتعبير انت تضمن درجاته بأيه؟ 1- طبعا ال6 عناصر او اكتر 2- طريقة ترتيبك للأفكار وطريقة طرحك للموضوع يعني لازم تفهم اللي بيقرا موضوع التعبير بتاعك إنك فاهم اللي بتكتبه مش يعني كلام تملي بيه الورقة 3- إقرا كتير أحاديث و استعين بيها طبعا وبالآيات القرآنية و بعض الابيات الشعرية ودة طبعا هتلاقيه من خلال قرايتك لأي درس قراءة هتلاقيه متتضمن كل العناصر اللي فاتت دي ولو جبت كتاب الاضواء في اللغة العربية هتضمننها وممكن تسأل مدرس الفصل بتاعك هيفيدك كتييييييير جدا يعني وخليك متابع الاحداث الجارية لإن في نص السنة اوآخر السنة بيحاول يخليك مجاري الاحداث يعني بعد الشر مثلا عن إنفلونزا الخنازير والامراض المتفشية وازاي نقي انفسنا منها .... دة يوم لما يحب ينتقم يعني المدرس يا إما بيجبلك موضوع عن القراءة للجميع او العمل او الاتحاد قوة والفرقة ضعف المواضيع المضمونة كدة يعني والنصوص والادب طبعا حفظ حاول تهتم بمظاهر الجمال وتستخرج االاساليب الانشائية والمجازية وما إلى ذلك حجات سهلةاوى فكرة اوي معظمها بتعتمد على فهمك من مدرسك ربنا يوفقكم واتنمنى اكون افدتكم اه صحيح نسيت وموضوع التعبير مش اقل من ورقتين يعني 4 صفحات اوك ثلااااااااااااااااااام |
سلام ومتشكرا جداااااااااااااااااا للمعلومات كان افى سؤال هو انا لو اخترت الالمانى لازم . اخد فى الترم الاول كمياء احياء وتاريخ
والترم التانى فزياء وجغرافيا وفلسفه منتظر الرددددددد |
ماعتقدش
لإن اللغة ملهاش اي دعوة بتقسيم مواد الترم وبعدين دي مادة ليها ترم اول وتاني زي اللغة العربية والانجليزي والرياضيات تحياتي |
ع فكرة تقسيم المواد دي بترجع لمدرستك وحسب اسمك انا اخذت في اولي في النص الاول (كمياء وفيزياء وعربي وانجليزي وفرنساوي وجعرافيا)والنص الثاني (عربي وانجليزي وفرنساوي وتاريخ وأحياء وفلسفة )زي ما قلت حسب حرفك وحسب نظام مدرستك يعني من الاخر مش اختيارك زي ماا انت فاهمع العموم سنه اولي دي مش هقولك موت نفسك لانها مش مقياس اصلا بس هقولك اي حاجة تأخذها تذاكرها عشان تبقي دافع لك ل2ثاكيد هرد ع موضوع تاني لو شاء اللهبالتوفيق ان شاء الله
|
و انا كمان عايزة اعرف ادخل انهي لغة
|
طيب ايه افضل اللغات ؟؟؟؟؟ المانى فرنساوى
|
الفرنش اسهل
اقتباس:
انا من رايى وحسب دراستى الفرنساوى سهل كتيير خصوصا لو المدرس اللى معاك تمام وحبّبك فى المادة بالتوفيق ان شاء الله (الله وفقك يا مسيو حمادة) |
| جميع الأوقات بتوقيت GMT +2. الساعة الآن 01:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.