بخصوص الغرف الصوتية
 

السلام عليكم
ازيكم يا جماعه
يا ريت يا اخوان نتفق على حل فورى وعاجل لموضوع الغرف الصوتية
الى قلب شات ده
بجد ولله حرام علينا كدا
احنا الى بنشيل الوزر كدا بسبب المهازل الى بتحصل فيها دى
يا ريت بجد نشوف حل
انا الحمد لله مظبط اقسامى وكلها شغالة تمام
انا ممكن ادخل وامسك الغرف
بس تكون المواعيد متحدده مش معاد يتغيرلى كل شوية
ونتفق انا ومشرف كمان نظبطها ونشتغل فيها اليومين دول
وكمان عايز اعرف ليه شلتوا احمد مدرس الغد من على الغرفه 2
بجد كان مظبط العملية خالص ليه شلناه

وعليكم السلام ورحمة الله وبركاته
ياريت فعلا نبص شوية للغرف الصوتية وننظمها شوية
وتقريبا انا سمعت ان كل الى كانوا من الطلبة مشرفين عليها اترفعوا
يعنى محدش بقى مشرف عليها
فياريت تدوروا على مشرفين
لان بجد مايفرقش الشات عنها فى شئ
انا دخلت بالليل مرة قاعدين الطلبة بيحكوا واللى بيغازل فى فلانة
سلطة خالص
فياريت ياريت ننظمها شوية
وبعت لعمو عصام قبل كدة وقولتله يدينى باسورد وابقى مشرفة فيها
ومستعدة تابع فيها
لكن للاسف لا حياة لمن تنادى
مش مهم الكلام الكتير
المهم ان الكلام ده يتنفذ بس
ولو بضع منه
وجزاكم الله كل خير

انا كمان مستعد اشرف على الغرف الصوتية دى
انا كنت ماسكها ايام ثانوى انا واحمد صلاح والحمد لله العمل كان زى الفل

إحتمال إستبدال الغرف الصوتية بأسلوب أرقى وارد من العام القادم
لقد وصلنى أكثر من شكوى بشأن إستخدام الغرفة بشكل غير مقبول من قبل الطلبة
حاليا التحكم الخاص بها مع الاستاذ عصام و سوف يقوم بالرد

لو حد عايزني في حاجة يبقي يقولي إذا كان الميعاد يتناسب معايا
ان شاء الله مش هتأخر
بالتوفيق

طيب تمام ان شاء الله السنة الجاية ربنا يسهل
لكن احنا بنتكلم فى السنة دى خاصة ان امتحانات الثانوية خلاص شغالة اهيه علشان نسيطر ع الوضع الايام دى

منا رديت و قولتلك الأستاذ عصام هيرد لأن تحكم الغرف معاه السنة دى

تم تعيين المجاهد فى سبيل الله وايه والاسطورة مشرفين على الغرفة الثانية وباسمائهم التى بالمنتدى
الباسوورد لهم
123456

على بركة الله
وطول منا متواجدة فى المنتدى ان شاء الله هابقى موجودة فى الغرفة
وجزاكم الله خيرا

وتم الان على الغرفة الاولى كمان
كده الغرفتان معاكم

معلش ياعمو عصام
حضرتك عاوز نظام الغرف يكون ازاى
نفتحها طول اليوم للطلبة ؟؟
ولا وقت الدرس بس او قبله بساعة كدة ؟

تمام
بس ياريت يا استاذ عصام
تقولنا مواعيد بكره ايه من النهارده
علشان نظبط نفسنا
وندخل قبليها بساعه ولا حاجه

مواعيد الغرفة تعمل حسب الجدول المعلن فى الشريط لكن لا يمنع حصص زيادة بين المدرسين والطلبة فى اى وقت يتجمع الطلبة والمدرس فى غير المواعيد المعلن عنها فى ظروف الامتحانات
وبالامس الغرفة اشتغلت من الثانية ظهرا حتى الثامنة صباحا يعنى 18 ساعة متصله

تمام وان شاء الله ها ابدأ اكون متواجد من يوم الاثنين