سؤال :ازاي نقويي نفسنا ف الكيمياء؟
 

السلام عليكم يا ريت اي مدرس او اي طالب مجرب يرد عليا

,انا باذن الله تعالى هاخد كيمياء السنة الي جاية
و بحبها الحمد لله بس انا عايزة اعرف ازاي اقويي نفسي فيها قبل الدراسة ما تبدا عشان انا حاسه اني ناسية كل حاجة.

و جزاكم الله خيرا

ذاكرى معانا يوم بيوم وخليكى معاتا

السنه الجايه ازاي يعني انتي تانيه ولا ايه؟؟؟؟؟؟؟؟؟؟؟؟؟؟؟؟؟؟؟؟

لازم يكون مذاكرتك من كتاب المدرسة يعني لو مذكرة الاستاذ مش من الكتاب ذاكري من الكتاب
وحلي اسئلة الكتاب والدليل كويس
ولازمي تفهمي كل نقطة كويس في المنهج وربنا معاكي

انا ان شاء الله طالع تانية السنة الجاية وهاخد كيميا ان شاء الله
ومشكور مستر وائل بس كتاب الامتحان فى الكيمياء تمام .طبعا كتاب المدرسة هو الاصل بس انا بحب مذاكرة كتاب الامتحان
ايه راى حضرتك؟
انا بصراحة متشوق للكيميا .. ربنا يستر.

كتاب الامتحان فى الكيمياء ( اسئلة ومسائل ) أقوى كتاب فى السوق وان باستعملة فى الدرس من اول حصة


واليك اول خطوات النجاح

1- اختيار مدرس جيد ( شرح - مراجعة اسئلة - امتحانات دورية )

2- انتكون المذكرة ملتزمة بكتاب المدرسة


مع تحياتى مايستروالفيزياء والكيمياء

شكرا لحضرتك , اوكي ان شاء الله هنحاول نذاكر من كتاب المدرسة بس اصلا كتب المدرسة بيبقى الشرح فيها رخم اوي و ملخبط
يعني انا كنت في السنين الي فاتت ببص كده عليها بس مش بعرف اذاكر منها:bosyht9:

شكراااااااااااااااااااااااااااااااااااا أستاذ محمود

انا ابتديت دروس الكيما هو المستر كويس جدا
وانا اول ما كنت باجى من الدرس بذاكر الدرس كويس جدا وبعد كدة بحل عليه بس برده بحس انى مش فاهمة وانى خايفة جدا من الكيميا
مع انى بحبها جدا جدا جدا بس بجد قلقانة جدا وقلقى مسيطر على تركيزى بجد مش عارفة اعمل اي
مع انها لذيذة جدا

أول حاجه ربنا معاكو ان شاء الله وتقفلوا الكميا
الكميا ماده لذيذه جدا جدا
و م وجهه نظرى احين المواد العلميه اللى هتاخدها ف ثانوى احسن م الفيزيا و الاحياء
و أسهل منهم كمان
و نصيحه ليكوا بلاش توتروا نفسكوا
وانا مش فاكرة رموز العناصر و الاعداد الذريه والتكافوء والكلام ده
لان كل الكلام ده المستر أكيد هيقلهكلوا واحده واحده
و بلاش تحطوا ف دماغكوا ان ثانويه دى كابوس وصعبه وبتاع
لا والله بالعكس
لو ذاكرت وركزت هتلاقى المواضيع سهله بإذن الله
اهم حاجه انك تختارى مدرس او مدرسه شاطره يعنى تشوفى قرايبك او جيرانك يكونوا مجربين مع مستر شاطر واللى معاه بجيجيبوا درجات حلوة و اهم حاجه كمان انه يكون بيعمل امتحانات ع طول وامتحانات مجمعه علشان متتنسيش
وحاجه مهمه كمان ان المجموعه اللى معاكى تكون شاطرة مش مهم تكون اصحابك
لان المجموعه الشاطرة هتخلى المستر يشتغل اكتر ويجبلكوا اسئله صعبه وكمان هيبقى فيه تحدى وغيرة بينكو وكل واحده هتبقى عايزة تبقى هى الاشطر
ومتقلقيش خالص م الكميا العضويه
دى احلى باب ف الكميا كلها بس عايزة حبه تركيز
ربنا معاكو كلكو

انتى باديه بدرى اوى كده ليه؟