|
كلمتين عن مصر بلدى
قالولى قول لنا كلمتين عن مصر بلدك و اللى فيها و قفت قولت بصوت حزين بلدى سرقها اللى حاميها ----------------------- كان زمان يسرق شوال او حتى يسرقله زكيبة لكن النهاردة حالنا حال صبحت بلدنا دى نهيبة ----------------------- فيها اللى عايش فى القصور فيها اللى مش لاقى اللضى فيها الخوف يملا البحور و الظلم سارح فى الفضا ----------------------- الناس فى بلدى بقت ديابة بتنهش فى لحم بعضها معادتش زى زمان غلابة صبحت بتكره بعضها ----------------------- جوانا حب كبير لها و عتاب عليها ملوش نهاية نشتم و برده و نحبها لكن زهقنا من الحكاية ----------------------- حكاية السطان حموءة و نجله اونكل زيزفون الكل نفسه يقوله لاء بس خايف من السجون ----------------------- خلاص تعبنا من اللى فينا و لا حد عمره شال همومنا و الحق برده اكيد علينا من زمان خوفنا كاسرنا ----------------------- بس لازم يجى يوم نقوم و ناخد تار بلدنا بس اخاف نقوم م النوم بعد ما يبيعوا بلدنا |
حبيبي يابندق
جامدة جداً جداً جداً زيزفون ده سنترال ولا ايه يامعلم :d بس اتصدق مكنتش اعرف انك مصرى :d --- ابداع والله يافنان تسلم ايدك |
نورتنى و شرفتنى و وحشتنى يا حبيب قلبى
و انت عارف يا احمد انى مصرى و لو سألتك انت مصرى تقولى ايه ... ؟ ميرسى يا احمد على مرورك الغالى و كلامك |
دايما كاسفنا كده يا راجل
مبدع والله يا بندقة انا هكلم احمد نجم يجي يشتغل عندك اهو تعلمه حاجة وتكسب فيه ثواب لك خالص تقديري واعجابي الشديد واكيد متعطش للمزيد .... بمناسبة الانتخابات شوفنا منتظر في رعاية الله Messeger of Peace |
هقولك مصري ابن مصري وابن مصر الله عليه
بس بجد مواضيعك كلها بسم الله ماشاء الله عليها والموضوع جميل جدا يدوم يارب وتكتب اكتر تحياتي هند |
ميرسى يا ميزو على الكلام الكبير ده
و الأستاذ نجم أستاذى و أخى و حبيبى و تعلمت منه الكثير و لا زلت أتعلم فمن أنا حتى يتعلم منى ميرسى يا أخت هند على ذوقك و كلامك و يارب تفضل مواضيعة تعجب اخواتى هنا فى المنتدى |
مين بقه فينا اللى بيسحب السجاده يا عم :d
بجد بجد جميله جدا طبعاً مش حاجه جديده مبدع دايما يا بندق نتمنى نشوف الأجمل والاجمل ان شاء الله |
ميرسى يا حمادة على كلامك الرقيق و المجاملة الجميلة دى
يا باشا ده بعض ما عندكم ربنا يوفقنى لشئ ينال اعجابك دايما يا حبيبى |
طبعا كالعادة مواضيعك متميزة ومحدش يقدر يقول غير كده ولو حد قال كده يبقى اكيد تعبان ولا حاجة كده يعنى وياويله ويا سواد ليله من اللى هعمله فيه سيبك انت من الرغى الكتير ده
انت بجد مواضيعك رووووووووعة فوق الوصف والله لما بدخل مواضيعك ببقى عارفة انها هتكون تحفة وبحاول انى اشوف هقول ايه مببقاش عارفة بخاف اقول كلام ميديهاش حاجة بجد انت مبدع بالكلمات وبالاحساس والاخلاق بكل حاجة ربنا يوفقك ان شاء الله |
الله عليك يابندق بتقول علينا شاعره امال انت بس تبقي ايه الله عليك ربنا يزيدك يارب:) |
بندق واحشنى يا مان
بجد حلوة وعلى العموم انا جهزت العيش والحلاوة هشتريها من السوبر ماركت الى على اول الشارع هههههههههه تسلم ايدك يا مان |
جوانا حب كبير لها و عتاب عليها ملوش نهاية نشتم و برده و نحبها كلها احساس و جميله ما شاء الله |
اقتباس:
و أنا استمد الجمال الشعرى من كلماتك انتى و غيرك من الشعراء المتميزين فلو كانت كلماتى إبداع فمنكم تعلمت الابداع ميرسى يا اسماء على مرورك الرائع اقتباس:
و الله واحشنى و الحمد لله ان حد بيجهزلى من دلوقتى احسن ما اتاخد على سهوة و اموت م الجوع هههههههههههههههههههههههههه مشكور مرورك يا باشا اقتباس:
ميرسى لمرورك الأجمل و اللى بجد شرفنى و اتمنى ان كل اللى بقدمه يعجبك اقتباس:
ربنا يخليكى يا دكتورة و ايه الكلام الكبير اوى عليا ده يارب دايما اكون عند حسن ظنك و مواضيعى كلها تعجب اختى الصغيرة هدير ميرسى لمرورك يا دكتورة |
ايه الحلاوة دي
القصيدة روعة
بس إيه رأيك ورأي الإخوة ، تيجي نبطل نقول المشاكل اللي ف مصر ونقول إن بلدنا حلوة أو حتى نفسنا تكون حلوة وإيه اللي نفسنا يكون فيها يمكن ييجي وقت وفعلا نشوف بلدنا أحسن بلد ف الدنيا وأظن إن احنا لازم يكون لينا دور واللا إيه رأيكم العزب |
اقتباس:
طبعا يا بندق انت اكيد اكيد عارف رأيي بس بجد بكيتني كاني اول مرة اسمع كده عن مصر تقول ايه بقى هبلة من يومي |
| جميع الأوقات بتوقيت GMT +2. الساعة الآن 09:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.