هل تؤمن بالحسد.. ولماذا ؟ .................؟
 

انا اعلم جيدا ان هذا الموضع سيثير غضب البعض لكن الله ميز الانسان بالعقل وامره ان يفكر و يتامل فى الكون من حوله وان ياخذ بالاسباب ..........
لكن هل يوجد دليل صريح من القران ثم من الاحاديث على ان الحسد له ضرر مادى فهو قد يكون معنا مثل النفاق او الخيانه مثلا

فهل من احد عنده ادله او بعض منها لان البعض ناقشنى ببعض الادله لكنى اقنعته و ان كان منكم احد عنده من الادله من القران فارجوه يقدمها لى ليقنعنى بها وجزاه الله خيرا لذلك
............

والله اكيد فى حاجه اسمها كده الحسد والسحر مثلا مذكور فى القران بس حتى لو الحاجات دى موجوده فى ادعيه واذكار وقران وحاجات بتمنع كل ده تقبل مرورى

انا اومن جدا به

اكيد مذكور السحر والحسد في القران الكريم
بس انا ما اعرفش غير كده
وبعدين حرص علي نفسك منه وخلاص
وفي ادعيه لمنع الحاجات ديه زي ما قالت تقي
بس دا وقته
وبعدين كمان في قسم الفيزياء
ما انت عندك الاجازه ان شاء الله كامله تبقي تسال فيها الاسئله ديه عشان كلنا نستفيد
وشكرا علي موضوعك
وتقبل مروري

مش عارف يريت تتقبلونى انا يعنى حبيت اسال شويه_ فى حجات من زمان كان نفسي اعرفها_ اثناء المذاكره وشرا ليكم بس انا عايز حد ييجبلى ايات من القران .............

طبعا لازم نؤمن بالحسد و السحر

هو فى ايات كتير مثلا فى صوره القصص قصه السحره وسيدنا موسى وده مذكور فى القران وغيرها كتير وبعدين انت ايه اللى مخليك مهتم بالمضوع ده ربنا يحفظنا جميعا وخلاص

طبعا لازم نؤمن بذلك لانه ذكر في القرآن
ام يحسدون الناس علي ما اناهم الله من فضلة
ولولا اذ دخلت جنتك قلت ما شاء الله ان تري ان اقل من مالا وولدا
قل اعوذ برب الفلق من شر ما خلق ومن شر غاسق اذا وقب ومن شر النفاتات في العقد ومن شر حاسد اذا حسد

اهو عادل جابلك ايات من القران كمان بلاش تحط الحاجات دى فى دماغك بدل ما تاثر عليك

عفوا كلامك لا في مكانه ولا زمانه,ولكن:
في آية في سورة الفلق بتقول:
ومن شر حاسد إذا حسد

يا اخوانا افهمونى انا سؤالى واضح و محدد " هل للحسد تاثير فعلى على الانسان مثل الحوادث او المرض او غيره........؟؟"

يعنى ممكن الحسد يكون زى النفاق او الحقد او الغيره فقط و ليس له اثر نراه باعيننا....

الحسد مذكور في القران و السنة وليه تاسير فعلا و القصة المشهوره في السنة عن الحسن و الحسين و في سورة البقرة الاية 201بتدل علي ان في سحر وحسد يسبب الفتنه وقد نوه الرسول بقراءة سوره البقرة و الرقية الشرعيه و المعوزتين

شوف هو الحسد موجود فى القرآن و دا معناه انه موجود فعلا و لكن للاسف اغلب الناس بتفكر فى الموضوع ده بطريقة خرافية
خلونا نفكر فى الحكاية دى بالعقل
الحسد معناه تمنى زوال النعمة يعنى لو انا عندى عربية و واحدة بتحسدنى عليها معنى ده انها بتتمنى ان النعمة دى تزول منى
بس يا ترى لما هى تتمنى ده العربية هتروح منى ؟ لا
يعنى الحكاية مجرد تمنى مش اكتر و بعدين مش هيبقى ربنا ادانى النعمة دى و تزول لمجرد انها تمنت ده ولا ايه؟
و الا لو الحكاية كده كنا حسدنا الناس المبسوطة و اللى ربنا رزقهم بنعم ملهاش حصر زى المال و السلطة و الاولاد و النجاح و غيرها من النعم اللى مش موجودة عند كل الناس.
ارجو انكم تكونوا اقتنعتوا بكلامى

نعم الحسد يؤثر في الانسان
كالامراض والحسد مرض شديد

هو ده فعلا اللى انا اقصده يعنى الحسد ملهوش تاثير مادى انما هو مجرد تمنى زوال النعمه وربنا قال "و من شر حاسد اذا حسد " يعنى نخلى بالنا من الحاسد نفسه مش من الحسد بتاعه لانه ممكن هو يدبر مكايد مثلا او يحاول على تحقيق هدفه و هو زوال النعمه من الغير ................ ارجو ان اكون وضحت فكرتى واللى عنده دليل ضد كلامى يا ريت يكتبه عشان نسفيد .........