انا خايف قوى
 

انا خايف قوى قوى من الفيزياء ياريت حد يطمنى

بس يعنى صعب ان تلاقى حد مطمن للفيزيا اصلا
بس ان شاء الله الامتحان هيجى كويس
واكيد مش هيوصل لبتاع السنة اللى فاتت

السلام عليكم ورحمة الله وبركاته

يا أخي والله ولا تخاف ولا تقلق إطلاقا هو إيه سبب الخوف يعني

خايف متحلش كويس ؟؟ أصلا كل كلمة هتكتبها ف الإمتحان مش بإيدك إنت دا توفيق بحت من الله

وإنت ف الإمتحان لا تملك أي شيء غير إنك هتحل إللي ربنا كاتبهولك مهما حصل

إنت لازم تعمل كل إللي عليك الأول ووالله متقلقش وخلي عندك ثقة كبيييرة ف ربنا لأن ربنا عند ظن عبده بيه

وإدعي ربنا كتير وقوله يارب أنا هعمل إاللي عليا وإتوكلت عليك إنت إللي توفقني وأكيييد ربنا مش هيسيبك

ودايما تفتكر الآيه " قل لا أملك لنفسي ضرا ولا نفعا إلا ما شاء الله ولو كنت أعلم الغيب لأستكثرت من الخير وما مسني سوء "

خايف تنسى ف الإمتحان ؟؟ إفتكر الآيه " يا بني إنها إن تك مثقال حبة من خردل فتكن في صخرة أو في السماوات أو في الأرض يأتي بها الله إن الله لطيف خبير"

يعني ربنا قادر يفكرك حتى لو إنت قريتها بس وف نفس الوقت قادر ينسيك حتى لو إنت مذاكرها كويس صح؟؟

وتخيل مثلا لو قالولك إن أكبر موجه ف الفيزيا هيدخل معاك اللجنه ويساعدك ويحل معاك بس لازم تبقى مذاكر

هتخاف ساعتها؟؟؟؟ أكييد لا وهتبقى مطمن

ما بالك الله جل وعلا لو إنت بتحبه وبتدعيه مش هيسيبك أبدا ويوفقك لكل الحلول الصح إن شاء الله

وربنا يااااارب يكرمني ويكرمك ويكرم كل اللي معانا وإن شاء الله ثق بالله هتجيب ال 50 من 50

والسلام عليكم ورحمة الله

بص يا شريف :

لو الامتحان كان سهل يبقى مش محتاج غير تركيز عشان مضيعش درجة

اما لو جه صعب فهتكون الاسئلة الصعبة من النماذج

و التنسيق هينزل جامد و كل واحد هيدخل الكلية اللى هو عايزها ان شاء الله



يا ريت اكون بطمنك :d

ربنا يسترهااااااااااااااااا معاك ومعانا ومفيش خوف ان شاء الله زى ما اخواتى قالولك

يا اخي
خوفك ده مش هتجني منه غير ضياع الوقت و توتر علي الفاضي و مهما عملت فمش هتاخد اكثر من نصيبك اللي ربنا قدرهولك خلي عندك ثقه كبيره في الله عز و جل و تذكر دائما الايه
"قل لن يصيبنا الا ما كتب الله لنا"

كلام م الآخر يا شريف:
إنما الشجاعة,صبر ساعة.
يعني خليك شجاااااااع
هانت ع الآخر
بكرة كلنا هنضحك على نفسنا..ونستغرب كنا بنقلق من ايه!!!!
كل ميسر لما خلق له..
يالا بينا

انا مش خايفه خالص


انا مرعوبه بس

يارب
 

كلام كل الاخوة رائع وانا بشكرهم
انهم طمنونا
ثانيا احنا اغلبنا قريب من ربنا جدا
وربنا يوفقنا طول ما احنا بنعمل الى علينا:slap1qk6::d

الله يطمنك
امتحان الفيزيا زي التفاضل!!!!!!!!!!!!???????????الله يسامحك
وكمان بتقوليها كده في وشنا
الراجل بيقول حد يطمني واحنا بنطمنه بس و احنا علي اخرنا
الله يساااااااااااااااااااااامحك

حرااااااااااااااااام عليكم
الامتحان لسه فاضل عليه كام ساعة بلاش توتر
انتوا جايين تطمنوا الراجل ولا تخلوه ينتحر قبل ما يمتحن...طب سيبوه يمتحن الأول وبعدين ينتحر..