رجاء انتبهوا
 

مبدئيا:أنا عضوة جديدة,لكن عندي فكرة عن المنتدى وأعضائه.
بعد كده عايزة أقول:
*طبعا كلكم متواجدين اليومين دول سواء كنتم علمي علوم أو رياضة أو مأجلين فيزياء,يعني مش ناقص حد إلا إخوانا في الله بتوع الأدبي.:d
*بعد كده مهم جدا تعرفوا ان كتير مننا اتخدع في الوقت اللي كان قبل الانجليزي,عشان كده ضروري يكون في خطة واضحة لأيام الفيزياء.
*ملحوظة رفيعة:
رجاء البعد عن وضع المسائل الصعبة,والتركيز على تثبيت المعلومات والمسائل المشهورة المهمة الوارد مجيئها في الامتحان.
*أتمنى وجود متابعة من الأساتذة الكرام,ومن الأعضاء المحترمين.

نورتى المنتدى واكيد كل كلامك صح ربنا يوفقك

معاكى حق والله

الواحد اتغر ف ايام الانجليزى وقال عندنا ايام كتير

ومخلصش اللى عايزه ف الاخر

ربنا يسهل ف الفيزيا

نورتي المنتدي وربنا يوفقك ويوفقنا كلنا

فعلا كلامك صحيح و مظبوط

بالتوفيق ليكي

:av4056bb7jp3:مرحبا بيكي:av4056bb7jp3:
انت أكيد هتتبسطي هنا ,لأن كلنا اخوات في بعض.
أحلى حاجة ان اسمك كله سعادة
(مسرة)و(سعيد).....حاسبي لتتحسدي.
أنا بقى يالا بينا

يا جماعة شكرا جدا على كل الترحيب الجامد ده, وشكرا يا (يالا بينا) على الهيصة اللي انت عملاها دي,وبعدين يا ستي اسمك أحلى.

المهم خلونا نبدأ مراجعة.

أنا هعمل مبادرة وهبدأ ب باب الأمواج(ف 1)
محتاجين في الفصل ده نعرف شوية حاجات سريعة كده:
-التعريفات المهمة زي مثلا(الموجة_الحركة الاهتزازية_سعة الاهتزازة_الاهتزازة الكاملة_الزمن الدوري_التردد_الإزاحة_الموجة المرتحلة_الحركة التوافقية البسيطة) ودي سؤالها بيكون ما المقصود بقولنا....؟
-المقارنات زي مثلا(الامواج الميكانيكية والكهرومغناطيسية_والطولية والمستعرضة) ودي سؤالها قارن بين كل من... من حيث ....
-في شوية معلومات برده مهمة زي مثلا:
*إذا انتشرت الموجة في وسط واحد,تكون(v)ثابتة, والعلاقة بين اللمدا والنيو عكسية.
*إذا انتشرت بين عدة أوساط,تكون(نيو )ثابتة,و(v) متغيرة وتتناسب طردي مع لمدا.
*سرعة الموجة لا تتوقف على لمدا أو نيو , لكن تتوقف على نوع الوسط(كثافته).
-عندنا قانون وحيد وهو بتاع تعيين سرعة انتشار موجة.
مفيش في الفصل ده مسائل صعبة.

مفيش حد معايا ولا ايه؟؟؟:040vk0:
يعني امشي أذاكر في بيتنا أحسن...:mad:

معلومات حلوة

بس ايه تعريف النبضه والموجه المرتحله

النبضة:اضطراب فردي لا يتكرر,وقد تكون قمة أو قاع.
الموجة المرتحلة:هي الموجة التي تتكون في حبل أحد طرفيه مثبت والآخر يتحرك(يتم تحريكه).

كلنا معاكى باذا الله وكلنا امام الامتحان الصعب سواسية