|
استفتاء عجيب وغريب
وملوش لزمة بس حبيت اعرف رايكم فعلا ومنتظر الحذف بفارغ الصبر |
الصراحة احنا بنحاول ما نجبش منتج غير مايكون مصري
بس اكيد بنجيب غيرها وانا من كام يوم جايبين من هايبر حاجات واغلبتها مصري |
انا اشتريت ميه علشان كنت عطشانه ..واشتريت شيبسى برده
هههههههه بعيد اوى انى اقولك انى اشتريت منتج مصرى محترم |
وشكرا يا خالد على الموضوع
|
مصرى مين والناس نايمين
|
انا عن نفسى مش ببص اذا كانت الحاجات مصرى ولا لا
اللى بيعجبنى بجيبة بس فى حاجات مصرى كتيير حلوة ومقدرش انكر ان فى حاجات مصرى معفنة بس اهو النفس بقى بس شكرا على الموضوع اه نسيت بس انت ليه مش كاتب فى الاقتراح بتجيب منتج مصرى اصلا ولا لا |
يعنى انا بشترى اللى يعجبنى
الصراحة مش بقرأ ده مصرى ولالأ |
اكيد كل مواطن مصري نفسه يشتري منتج بلده..........
بس لو كان منتج كويس طبعا...... وده بقي صعب نتيجه لعدم الاتقان في العمل والامباالاه...... |
المصرى الحلو موجود... احنا مبنحبش نتعب نفسن وندور .. وفى ناس بتخاف وتقول خلينا فى المضمون..
يكفيك ان تعلم .. ان اليابان ماقامتش بعد الحرب غير بشعبها اللى كان بيقف طوابير على المنتج اليابانى اللى كان اسوأ من غيره واعلى سعرا ساعتها ... لكن هنا ميتهيأليش فى ناس كتير عندها استعداد تعمل كدة |
يا عم انا بشك اصلا ان في حاجه اسمها منتج مصري
|
الانتاج المصرى اصلا ضعيف وسىء
وللاسف المواطن المصرى عنده عقدة الخواجة |
شكرا يا جماعة على المرور
اهو محدش برضو مش بيشترى كله مصرى و لا اجنبى خير الامور الوسط :D |
أنا عندي هواية النظر على الماركات
وعادة ما أكون متوقع أن أرى عبارة صنع في الصين وتملكني السعادة وتغمرني الفرحة عندما أرى العبارة الجميلة التي تقول "صنع في مصر" ولكن يا إخواني وحبايبي إذاي تبقي في حاجة نافعة في مصر وفي كابوس كابس على نفس أهالينا إسمه حسني مبارك لما يحل عن سمانا إن شاء الله وييجي واحد قلبه على المصريين حنرجع خير شعوب الأرض ونبقي أحسن من أي يابان ولا أمريكا ونهاركو أبيض شكراً خالد على الموضوع الجميل |
ما اعتقدش ان في حاجة اسمها منتجات مصرية
|
انا مفيش حاجه بمسكها فى ايديا
الا وألاقيها صنع فى الصين واليابان وماليزيا والهند نادرا لما الاقى حاجه صنع فى مصر وتبقى قيمة ;) |
| جميع الأوقات بتوقيت GMT +2. الساعة الآن 06:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.