|
إقتراح بخصوص الركن الدينى
السلام عليكم ورحمة الله وبركاته الاقتراح ده كل ما أفتكره أنساه لما إفتكرته إنهارده قلت لازم أنزله بسرعة قبل ما الزهيمر يرجع :d المهم دلوقتى أكتر أسباب بتخنقنى فعلاً فى المنتدى القصص الوهمية اللى بشفها فى الركن الدينى كله حتى القصص اللى كنت بنزلها بنفسى بطالب بحذفها كتير زى واحد أمريكى أسلم علشان أكلة كشرى ولا قطعة شيكولاتة و الكلام اللى مش جايب همه ده:bosyht9: ما علينا .. إقتراحى إن يتم حذف القصص اللى ملهاش مصدر موثوق فيه بصراحة بعتبر القصص دى إستخفاف بالعقول مع إنها ممكن تكون مؤثرة و جايز تكون حقيقية بس اللى أعرفه إن الركن الدينى معمول علشان الاستفادة مش مجرد قصص بدون مصادر نقراها ونقول مؤثرة جداً جزاك الله خيراً عايزة أشوف رأيكم فى الإقتراح ده |
انتى هتقوليلى على القصص دى
اهو الواحد بيقراء ويسكت وبالنسبة للجملة دى اقتباس:
الكلام ده حقيقى بس يتوقف على اذا ما كانت قطعة الشيكولاته كادبورى ولا جلاكسى :d |
ههههههه
بقيت رايق أوى من ساعة ما حطيت الكوسة فى توقيعك منور يا حاج إسلام |
انا عن نفسى موافق على الاقتراح تمام
بس عاوز راى الاخ احمد المجاهد والاخت اية وان شاء الله نعدلها فى قوانين المنتدى بعد رايهم باذن الله فى رعاية الله |
عندك حق يا اسيل واخيرا قبل ما اموت لقيت حد بيقترح حاجه للقسم الديني وانا كنت احيانا قليل جدا لما ارد باخدمنها عظه معينه لكن لو اهتمينا هناخدها من قصص السيرة وعلي راي تملي غتيت كادبوري ولا جلاكسي ربنا يرضيكي ويتنفذ الاقتراح |
لا مش موافقة يااخت مها
لان فى فعلا قصص بتبقى حقيقية وبتتسبب فى هداية ناس يبقى مش نعمم لكن الغير موثوق بها بس اللى تتحذف وجزاكم الله خيرا |
اقتباس:
بصي يا ايه هي عندها حق وقالت اننا نحذف اللي مش له مصدر واظن ده حق القاريء وبعدين يا يويا هل انتي بتاخدي بالحديث الغير صحيح او الموضوع ؟ |
اقتباس:
أمال أنا بقول إيه بصى يا عم الحاج آيه :friendsxs3: انتى هتعرفى منين إن قصة الامريكى اللى أسلم علشان حتة شيكولاتة ده قصة حقيقية؟؟!! مهو لازم يكون فى مصدر يا إما نسيبها للإحساس و الشعور و الحركات دى :d !!!! يعنى اللى يجيب مصدر موثوق فيه أهلاً و سهلاً إنما قصة من غير مصدر يبقى تتحذف ولا انتى رأيك إيه؟؟ |
انا موافقه ع حته الحذف من غير مصدر موثوق ديه بس في حاجات ممكن تكون مستحيل نجيب مصدر ليها ممكن تكون قصه وهميه بس ممكن ننتفع بيها في حاجه فاحنا نكون وسط بين الاتنين مش نحذفه بس نكتب انها ممكن تكون قصه وهميه فاهماني :d |
اقتباس:
يبقى ساعتها مكانه الوحيد القسم الأدبى مش فى الدينى خالص مهو فى الأدبى هنستفاد منه برده عموماً أنا إقترحت إقتراح و قلت رأيى .. اللى شايفينه صح إعملوه :bosyht9: |
اقتباس:
ايون بناخد بالحديث الضعيف و الموضوع كمان فى الفروع مش فى الاصول يعنى واحد بيعمل حاجه غلط ممكن تستخدمى فى النصيحة حديث ضعيف او موضوع بس بشرط انه ميكونش فى الاصول وكمان القصص دى اغلبها للهداية واغلبها بتعقل ولها هدف يعنى لازم تتساب كتير لبست الحجاب علشان قصة البنت الى استهزئت بالحجاب و بالقران فاكرين قصة البت الى اتقلبت معرفش ايه كدا مش دى كانت سبب رغم انها غير حقيقيه فى ارتداء واهتمام كتير بالقران مش موافق على الاقتراح |
اقتباس:
وممكن اعرف مين انتو اللى بتاخدوا بالحديث الموضوع ؟! يعنى انتو بتوافقوا على الكذب والتأليف فى السنة ؟! حسبنا الله ونعم الوكيل اللهم اصلح حال المسلمين |
اقتباس:
هههههههههه مين جه إمتى و إزاى؟؟ :romarioxp6: أوكى يا أحمد بس القصص اللى هلاقيها معوقة زى بتاع الشيكولاتة دى هحطها فى المخالفات إحنا مش مستنين واحد يأسلم بحتة شيكولاتة علشان ربنا يهدينا ولا مستنيين قصص علشان نمشى وراها .. ربنا يصلحنا بقرآنه و سنة رسوله جزاكم الله خيراً |
سبحان الله يا مها
ليه لا ما عجب العجاب لا نملة توقف نبى وتحاوره ويحواورها ولا معجزة على ضهر بعوضة ليه لا ولا نور فى عتمت الظلام فى البحر الميت ليه ميكونش هداية انسان على قطعة شكولاته ليه واحد مكنش حيبيع الاسلام كله بعشرين سنت ليه لا وبالنسبة للاخ الى بيقول انتم مين اراهن حضرتك انك تكون فهمت ردى ولا حتى تعرف يعنى ايه فروع واصول لا اله الا الله فعلا والله يا اخى حسبنا الله ونعم الوكيل فى كل واحد جاهل ويتحدث بامور العامة ورجل جاهل يتحدث فى امور الدين |
سلام عليكم
انتو بتتكلمو فى ايه بصى يا ست مها هاتيلى عشر مواضيع من الدينى مكتوب المصدر بتاعهم تقريبا مش هتلاقى مواضيع مكتوب مصدرها نيجى بقا للقصص اللى سيادتك بتقولى عليها قال تعالى : ( فاقصص القصص لعلهم يتفكرون ) وقال تعالى : ( لقد كان في قصصهم عبرة لأولي الألباب ) اذن القصص اسلوب جزب للقلوب بتأثر فى الانسان وبيحاول يستفيد منها انما لو هنيجى نتكلم على ان القصص دى كاذبة واللا لا (كبرت خيانة ان تحدث اخاك حديثا هو لك به مصدق وانت له به كاذب ) يعنى ممكن نستفاد من اى حاجة انما حكاية كذب واللا مش كذب الحديث وضحها يعنى طبعا مينفعش يا ست مها الكلام اللى بتقوليه دمتم فى رعاية الله |
| جميع الأوقات بتوقيت GMT +2. الساعة الآن 04:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.