|
المدرسين فقط
تعالوا نقيم امتحان الجيولوجيا
مش سهل او نقول صعب بكرة او بعدة هنطلع كلنا على نموذج الاجابة واحنا فى التصحيح مطلوب تقييم الوزن النسبى للابواب تسجيل الاخطاء الواردة مثلا السؤال السادس رسم المستوى المحورى خط منقط والمفروض انة مستوى مش خط وغيرها من الاملاحظات انا بفتح مجال للنقاش ارجو المشاركة |
اخر الاخبار
نموذج الاجابة فى تعديلات وفى مشاكل فى سؤال المستوى المحورى بتاع س 6 لان المستوى مرسوم خط والمفروض يترسم مستوى وفية اخطاء فنية فى السؤال س6 |
ودى اجابة من الباب التانى جيولوجيا
منطقة الاعماق السحيقة درجة حرارتها ثابتة تكاد تقترب من الصفر طبعا اللى يكتب صفر غلط بس اللى انا قصدة انى اللى حط الامتحان اخطا فى وضعة لهذة النقطة ولو اى طالب كتب اجابة 2 او واحد ونصف من وجهة نظرى ياخد الدرجة كاملة حقة صح يا اساتذة ولا اية وزى ماقلت لكم النموذج مليان مشاكل ... ربنا يستر على الاولاد |
اقتباس:
كلام سيادتك صح مليون % ولو كل واحد قال علي النقط اللي شايف إنها فنيا فيها مشكلة يبقي التصحيح هيكون في صالح أبنائنا الطلاب |
ملاحظاتي في السؤال الأول ( ب ) قارن بين الأنهار الشابة والناضجة والكهلة إحنا مش بنمتحن الطلاب في معاني المفردات وفي طلبة مش عارفهم اتصلوا بيا يسألوا هو يعني إيه الكهلة ؟؟ إحنا ما خدنهاش وعلي فكرة من معلوماتي المتواضعة في اللغة العربية كلمة كهل لا تعني عجوز تكرار لجزئيات من الباب الرابع " الصخور " لدرجة أن الطلاب قالوا لي إنهم كتبوا نسيج الصخور النارية الجوفية 3 مرات وعندهم حق 1- في المقارنة بين الجرانيت والبازلت ( الثالث - ج ) 2- في المقارنة بين الدايوريت والإنديزيت (الرابع - ج - 1 ) 3- في سؤال علل : تتميز الصخور النارية الجوفية ببلورات كبيرة الحجم تري بالعين المجردة ( الثاني - ب علل - 3 ) السؤال السادس ج رسمة القطاع الجيولوجي أولا كتابة f1 , f2 علي الخطوط خطأ فادح لا يغتفر مما أوحي للطلاب بوجود جزئيات في المنهج لم يذاكروها وكان يكفي استخدامه لرقم وبعدين الكتل اليمني واليسري اللي سأل عليها تنفع صخور الحائط العلوى وتنفع جزء من الطية وأضيف صوتي لصوتك في ما يخص المستوي المحوري اللي مرسوم علي هيئة خط متقطع وشكرا لسيادتك علي اقتراحك لهذه المناقشة |
السلام عليكم انا عصام عليوه مدرس جيولوجيا بنها اشكر الاستاذ امجد علي المجهود الرائع الذي قام به واريد ان الفت النظر لشىء وهو ان المنهج يحتوي علي مالا يقل عن 100 شكل . وفي الامتحان شكل واحد فقط من اصل خمسه احتوى عليها الامتحان من كتاب المدرسه . كمان النقطه بتاعت f1 وf2 تنفع وجهتين للطيه المقعره اريد الرد لو سمحت
|
انا اتفق مع الدكتور امجد فى نسبة اسئلة الباب الرابع الصخور فى الامتحان وكذلك نسيج الصخر النارى الجوفى
وبعض الكلمات مثل عدد (بدلا من اذكر)لان هناك طلبة كتبت اعداد الاشعة وليس اسمائها وفى سؤال صوب رقم 3 من يكتب الكيميائية فقط تعتبر صواب ام خطأ ام الاجابة يجب ان تكون الكيميائية للفلسبار |
السلام عليكم ورحمة الله
اخوانى الاعزاء لن اقدم اكثر مم قدم الاخوة الافاضل استاز رمات ود/امجد والاستاذ عصام فعلا الامتحان كان قاصر جدا واغفل نقاط كثيرة فى المنهج وكرر موضوعات معينه اكثر من مرتين مثل 1-الصخور النارية اتت فى اكثر من موضع مثل س1(أ)رقم4 --س2(ب)3--س3(ج)الفرق بين الجرانيت والبازلت--س4(ج)1قارن بين الديوريت والاندزيت--س5 (ج)العينه الثانية--س6 (ج)6 ماذا تمثل الاجسام2/3/4 2-بيئة الماء تكررت ايضا كثيرا مثل س1 (أ)1-- س 2 (أ)1 --س2(ب)2 --س3(أ)--س3(ب)2 --س4(ب)1--س5(ب)1 3-الفوالق تكررت اكثر من مرة فى الرسم س5(ج)1--س6(ج)1 |
وايضا رأى الاستاذ/شريف حسان اعتزر لعدم ذكر اسمك فى المداخلة الاولى لاننا كتبنا فى نفس الوقت
|
ملحوظه اخري لم ياتي من الباب3 جيولوجيا سوي نقطه واحده وهي في
[السؤال الثالث ب رقم 4 لون مسحوق المعدن بدرجه واحده [هل ده اللي الوزره علمتهولنا في وضع اسئلة الامتحان والوزن النسبى للفصول حسبى الله ونعم الوكيل[ |
انا اريد من مدرس الرد على سوالى هذا ويقول لى انا اجيب كام فى السوال السادس دا دى اجابتى فية 1-يمثل الخطان مستوى الفالق 2-الكتل اليمنى واليسرى الجناحين للطية 3-التركيب المنطقة الوسطى ثنية مقعرة 4- نعم القباب -العروق والجدد النارية 5-الخط الذى يمثلة 1 انا عملاه الفاصل 6- 2- الاكوليث 3- الجدد الوازية 4-العروق النارية ارجو الاجابة علية بسرعة واجيب كام لان انا معنديش غلط فى الاربع الاسئلة الاخى كدة ممكن اجيب كام من 50 ارجو الرد سريعا
|
لو سمحتم اناعاوزة الرد بسرعة علشان اطمن انا مش عارفة اركز فى علم النفس من كتر مبفكر فى هذا السؤال
|
لو سمحتم انتوا لية مبتجوبوش على سوالى ارجو الرد
|
واللة الكلام بجد ....
تعليق من الوزارة سالت واحد منهم قلتلة لية كتبتم f1 ,f2 قاللى علشان اختصار فالق 1 وفالق 2 ( fault1) قلت ما كنا نكتب أ و ب وخلاص وبعدين اية وضع الطالب اللى كتب توجد طية مقعرة من غير مايقول نعم ؟؟؟؟؟؟؟؟؟؟؟؟؟؟؟؟(نقطة مهمة ) ماهو اللى وضع هذة الفقرة فى السؤال مش فنى بالمرة انا رايى الكتاب هو اللى لازم يتحدث الصور مش واضحة والمعلومات متعارضة فى كتير من الاجزاء دة فى سنة كانت نسبة الماء واليابس مختلفة فى البيئة عن الجيولوجيا ؟؟؟؟ وبعدين اية الامتحان الفوالق دة كلة اشكر الجميع على المشاركة الى بنستفيد منها وخاصة د امجد ود وائل و دشريف المحترمين والمخلصين للمادة بجد اخوكم تامر صلاح |
السادة الأعزاء الزملاء المدرسين .... من أخوكم الأصغر وتلميذكم مستر / هانى الباسل .. مدرس الجيولوجيا والعلوم البيئية من الصواب أن يكون الامتحان قوى حتى يتميز الطالب المجتهد الممتاز ... ولكن بشرط أن يراعى الفنيات الأساسية والقواعد العامة التى يجب أن يشتمل عليها أى امتحان ث.ع مثل : * عدم تكرار بعض الجزيئات لأكثر من مرة * عدم التركيز على باب بعينه ( كالرابع جيولوجيا أو الرابع علوم بيئية ) وعدم تغطية أبواب أخرى قوية وبها جزيئات كثيرة جدا مثل ( الخامس والسابع والثانى جيولوجيا ) * عدم الضغط نفسيا على الطالب واتضح ذلك من خلال ( س5 ، س6 ) فعندما يرى الطالب رسومات غريبة لم يتعود عليها فانه يحبط مما يؤدى الى التأثير عليه سلبيا فى حل باقى الأسئلة . وأخيرا وبمنتهى الاحترام أموت وأعرف ماذا يعمل واضع هذا الامتحان ؟ * هل هو أستاذ جامعة فى برج عاجى وجهبذ من الجهابذة * أم هو مستشار مادة ونسى فنيات التدريس و أسس وضع الامتحانات * أم هو جيولوجى متخصص وفولت العلم والتمكن عندى عالى بما لا يتحمله طالب ث . ع غلبان والا هو واحد مالوش فى ........ ولا الطحين ارحمنا يا وزير التعليم ... التعليم بقى سمك .. لبن .. تمر هندى وياريت حد يوافقنى أو يوجهنى اذا كنت غلطان أخوانى طلبة ث . ع لكم الله مستر / هانى الباســــل |
| جميع الأوقات بتوقيت GMT +2. الساعة الآن 12:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.