مساعدة بسرعة ياجماعة والنبي
 

سلام عليكم لو سمحتوا ياجماعة ممكن تساعدوني
اولا اعرفكم بيا انا طالب تالتة ثانوي علمي رياضة جبت 64% السنة اللي فاتت والسنة ديه احتمال اجيب حوالي 65 الي 70%وممكن اقل من كدة الله اعلم في السنتين أن شاء الله يعني فعاوز اخش اي كلية خاصة او معهد عالي حلو تجارة او هندسة او نظم ومعلومات اي حاجة حلوة او ليها مستقبل وتكون معتمدة وليها شغل واهم حاجة مصاريفها تكون حلوة كدة بس والنبي ياجماعة فيدوني بليز متنسونيش

الحاجات الخاصة دى معظمها اى كلام طبعآ وزى قلتها
لكن عمومآ حدد انت منين وان شاء الله نشوفلك حاجة

انا من القاهرة ومش هتفرق معايا لو هي بعيدة عني شوية بس تكون معتمدة بس والباقي يتحل

عندك اكاديمية الثقافة والعلوم ب 6 اكتوبر مستواها العلمي متميز بس حدد الاول انت عاوز تدخل ايه عشان هندسة صعب جدا تدخلها بالمجموع ده عشان بتاخد فوق ال 80 % يعني شوف نظم معلومات هتنفعك ودى بتاخد من حوالى 60 % ومصاريفها حوالى 3000 فى السنة

ايوة بس دى ف الضياع خالص ولا ليها لازمة

اكاديمية الثقافة والعلوم مش ف الضياع ولا حاجة
او يا ريت توضحلنا حيثيات رايك يا اسطورة

ايوة صح انا مش عارف هو عمال يعقدها ليه من الصبح يعني اعمل ايه لحضرته اروح انتحر احسن عشان اريحه
ملحوظة هي نظم ومعلومات ديه مش هي حاسبات ومعلومات بتاعة المبرمجين ولا هي حاجة تانية

احسن حاجة ليك تنزل تسأل
6 اكتوبر مليانة معاهد وكليات خاصة
عندك اكاديمية اخبار اليوم ومعاهد هندسة عندنا ما اكترها ومعاهد الحاسبات بردو واسعارها معقولة
ويا ريت تسال الطلبة اللى فيها ذات نفسهم مش طلبة بره المعاهد دى لان غالبا مش هيفيدوك

بص انت قدم فى نظم فى اكاديميه الشروق
المستوى التعليمى كويس
وابعد عن اى هندسه لانك مش هتسد فيها
ولو اتخرجت هتبقى زى مدخات

ياريت لوحد هندسة اسكندرية يفيدنى عن امكانية التحويل من قسم الكيمياء الى قسم العمارة وهل هناك اى شروط وماهو المطلوب بالضبط ولكم التقدير والعرفان

فى معهد عالى دراسات نوعية الهرم قسم لغات او نظم معلومات او تجارة