شكوى لأداره المنتدى ارجو دخول جميع الاعضاء لبحثها
 

أولا احب ان اتقدم بالشكر لاداره المنتدى والاعضاء المثاليين
ولكن احب ان الفت الانظار الى موضوع هام جدا وخطير فى هذا المنتدى وخاصه من الاداريين

الشكـــــــــــــــــــــــوى

انا برفع مواضيع هامه جدا او حتى لو لم تكن على نسبه كبيره من الاهميه
الموضوع هو انى برفع ملفات كأى عضوى وملفات ضروريه ثم اتى فى اليوم التانى
اجد انها ممسوحه طب ليه مش عارف
وفى مواضيع هايفه جدا لا تستحق الجدل والاقيها موجوده دائما طب ليه كده من اداره المنتدى
هو انا عملت حاجه وحشه
وخصوصا اهم موضوعين ( اللى يجاوب على سؤال من اللى انا وضعه يكسب عشره جنيه رصيد يعنى الحق عليا انى بشجع الطلبه و ده مش مخالف لتعليمات المنتدى طبعا)
والتانى (المهم فى ماده التاريخ واجى برده تانى يوم الاقيه مش موجود)
طب ليه هو الاعضاء اشتكوا منى ولا ايه ولا حد قاصدنى فى المنتدى ده)

ارجو الرد بسرعه والا هاخد فكره وحشه عن المنتدى ده وشكرا

ايها العضو الغالي
سأرد على نقطة واحدة ومحدده
من كلامك كتبت موضعين
الموضوع الثاني لا اعرف عنه شيئا
اما الموضوع الاول فأنا حذفته
واقرأ اسبابي واحده واحده
لو كلامي مش مقنع وانت اقنعتني هرجعلك الموضوع فورا
بس بهدوء ومن غير
اخي الفاضل
نحن ايام الامتحانات والطلبة محتاجة مراجعات ملخصات اسئلة هامة بطرق تربوية مختلفة ليستعدوا للامتحان صح ولا غلط
وبالتالي عندما تكتب موضوع يخص الاسئلة لابد ان يكون في هذا النطاق وبتلك المعايير
فهل يجوز وضع اسئلة انت ذكرت انها ليست لها علاقة بالمنهج وانما معلومات عامة
بالطبع المعلومات رائعة ولكن ليس في هذا التوقيت
وكما يقال
لكل مقام مقال
ثانيا:: ممنوع اداريا تماما وضع ايميلات او ارقام تليفونات
تخيل معي لما يكون موضوع من شروطة وضع رقم التليفون وده منتدى شباب وبنات يعني تخيل اصحاب النفوس الضعيفة لو استغلوا حاجة زي كده
ولا انت مش معايا
بس هو ده كل الموضوع هل انا مقنع ام لا
وعلى فكره انا مش هحذف الموضوع ده عشان تقرأه انت وكل الاعضاء
وبالتوفيق
في حفظ الله

السلام عليكم
اخى الفاضل صاحب الموضوع
اولا قد قام الاستاذ مروان بايضاح الصورة لك
وبين اهمية مواضيعك التى تعد من اميز المواضيع هنا
ولكن كما قال لكل مقام مقال
ونحن فى فترة امتحانات اجعل مواضيعك يا سيدى فى وقتها ولا تستعجل بها
وان شاء الله صورة المنتدى مش حتتغير عند حضرتك ابدا
ونتمنى ان نرى لك موضوعا جديدا افضل واحسن واعم من ذى قبله

انا والله زيى زيكم
انا موقفتش حد
ازاى وانا رادد بشجعه
يبقى حوقفه ازاى

يا جماعه
الى وقفه المشرف الادارى محمود طه
ولما يدخل يقولنا ليه وقفه

اه صح
العضو ده امبارح كان كاتب موضوع
عنوانه
........... امكم كلكم
وطبعا النقط مش محتاجة تفسير
والكل عارف مكانها ايه
دا يستاهل الاعدام وليس الوقف
ثم انا مالى
انا هخلينى فى حالى بقا :d

بالنسبة للموضوع
دى بتبقا حاجة تقديرية من المشرف
يعنى ممكن تكون شايف حاجة وهو بنظارته اللبنى :يشايف حاجة تانية
هخلينى فى حالى بردو :d

الاستاذ مروان قد قام بايضاح الموضوع

بشكل وافى جدا

شكرا جزيلا لحضرتك

بخصوص الوقف الذى قام بة هوة محمود طة

اكيد فية اسباب للوقف

ننتظر دخولة باذن الله

فى رعاية الله

احم انا جيت
انا هتكلم فى الوقف بس

اه صح
بالضبط كدا زى ما قال الاخ اللى هيخليه فى حاله ده
جالى بلاغ فى شرطة ابلغنا عن مخالفة قسم اقتراحات
فحررت المحضر وتم العقوبة بوقفه بالسجن مدى الحياة
بس
دمتم فى رعاية الله

أيوة وأنا الى قدمت البلاغ بالأمارة الظابط قالى روح نام بقى
أصل ياعينى صحيت الظابط من نومة :p

تم الايضاح

واغلاق الموضوع