السلام عليكم و رحمة الله و بركاته


معلش يا جماعة

يعنى ياريت حد مدرس لغة عربية او حد يقدر يساعد يساعد و كلنا نستفيد


ياريت لو حد يعنى يقدر ينزل كل اسس البلاغة اللى نقدر بيها لما نعرفها نمشى بيها فى البلاغة و النصوص باذن الله..؟:):)
و لكم جزيل الشكر

او حتى حد يدلنى لو عاوزة كل الاساسيات دى تانى ببساطة اجيبها منين
انا راحة تانية ثانوى ان شاء الله و المشكلة الوحيدة فى العربى و الحمدلله :lol: :D

و بالتوفيق لجميع طلبة الثانوية العامة :)

امممممممم احاول يا حابي اشوفلك ورق البلاغة بتاعي وانزله ليكي ان شاء الله :D :D :wub:

هما 3 ورقات ...

باذن الله فيهم كل حاجة وزيادة..

احاول اكتبهملك والله ...

بس المفروض استاذ العربى هنا يخش الموضوع ...

------
=======
سلااام..وربنا يوفقك
=======
------

يا بنتى ولا ورق ولا بتنجان
والله هما كلمتين هتسمعيهم من الاستاذ و يلزقوا فى دماغك
واهم حاجة التطبيق مش الورق يعنى تفهميهم
البلاغة دى كانت عقدى فعلا
بعد القصة والادب والقراءة والنصوص والنحو بس

<div class='quotetop'>إقتباس(محمد البري @ Aug 29 2006, 10:10 PM) [snapback]205229[/snapback]</div> :) شكرا ليك جزيلا و جزاك الله كل خير B)

<div class='quotetop'>إقتباس(ahmedation_4ever @ Aug 30 2006, 01:04 AM) [snapback]205505[/snapback]</div>اهااا

شكرا ليك اوى
انا عارفة ان اللى محتاجاه حاجة بسيطة بس الاساسيات و جزاك الله كل خير :rolleyes: :)
<div class='quotetop'>إقتباس(خالدالجن @ Aug 30 2006, 08:42 AM) [snapback]205783[/snapback]</div>اكيد بس الواحد محتاج يفهمهم الاول عشان يعرف يطبق ولا ايه..؟
عمرك شفت حد بيطبق بنغير ما يعرف..؟
الحكاية انى الاساسيات استهنت باولى ثانوى اكتر من اى حد فعلا و مكنش فى زيي و مفكرتش اصلا اقرا اللى كان فى الكتاب قراية او انتبه لمدرس فى حصة لانى مكنتش بروح المدرسة اصلا
و جيت و ندمت اه
بس عاوزة الحق نفسى اكيد مش احفظ درس النصوص باساليبه
لا الواحد عاوز يطلع هو الاساليب بتاعته بنفسه عشان يضمن الدرجة نوعا ما


:lol: :lol: :lol: :lol: هههههههه....يعنى مش انا لوحدى اللى عقدتى العربى
انا بكره كل فروع العربى خصوصا النحو و البلاغة و النصوص..و..و..
الا عدا التعبير و الحمدلله لانه اصلا اللى بينجحنى تقريبا و الحمدلله دوما انا الاولى فى كتابة مواضيع التعبير على كل المستويات و افخر :rolleyes:







جزاكم الله كل خير و ربنا يقدم اللى فيه الخير يا جماعة :rolleyes: :)
و ان شاء الله بالتوفيق للجميع :)

بصى يا حابى البلاغه مش محتاجه كل ده

أولا معلهاش درجات كتير

والبلاغه مش بينطلب فيها كتير دا هو كل الحكايه

استعاره كنايه حاجه من الحجات دى يعنى

والاسئله كلها بدور حولين شرح الابيات وكدا

وحجات تافهه كلها مش مستهله كل العناء ده

اهم شىء اهتمى بالنحو القواعد كويس

لان ده هو اللى عليه اكبر كم من مجموع العربى

والقصه عن طريق الاستماع للشرح والمذكره السريعه

والنصوص بتعتمد طبعا على البلاغه بردو استعاره كنايه اطناب شرح وكدا

ومع ممارسه الحل والامتحانات بطريقه مستمره بتتعود على الاسئله لدرجه

انك ممكن تعرفى السؤال وتكملى الصيغه بتاعته من اول كلمه

والقراءه دى يعنى هتقرأى الموضوع وتعرفى هو بيتكم عن ايه وان شاء اله ربنا هيوفقك

ادعي بس وصلى واطلبى من ربنا النجاح واجتهدى وان شاء الله تحققى اللى انتى عايزاه

اما بخصوص اللى انتى عايزاه ممكن تلا قيه فى المنتدى بس فى الصفح الاخيره

ولو مش موجود هدورلك عليه واحاول اجبهولك من اى منتدى تانى ان شاء الله

وربنا معاكى واشوفك كدا دكتوره على مهندسه على مدرسه على فيلسوفه يعنى كوكتيل حاجات حلوه فى بعض

شوفى ده كدا يمشى معاكى يمكن ينفعك فى حاجه

ههه

شكرا ليك

بس انا كنت عاوزة البلاغة لانى لما ابقى واعية بها هتنفعنى فى النصوص جامد اوى و تسهل عليا النصوص
و كمان الثانوية زى ما الكل عارف الربع درجة بتفرق


و حلوة حكاية الكوكتيل دى..ههه
و شكرا لك و نصايحك


ع العموم انا هشوف اللنك و اقول لك


شكرا جزيلا



عفوا يا اخى اللنك حاولت معه مرات بس يبدو ان فيه مشكلة و مش بيقبل البيانات برده للاسف

و جزاكم الله كل خير

ملكيش حظ بقه بس انا معايا كشكول جامد جداااااااااااااااااااااااا


بس لو حاولت اكتبه هياخد وقت طويل حاولى تدورى على الحاجه دى فى اى منتدى تانى يمكن

و الله يا حابي

انا عندي 16 صفحة فيهم البلاغة كلها

ابقي فوتي عليا و خديهم

هههههههههههههههههههه

بصي يا حابي انا تحت امرك بجد ان شاء الله هدور ع الورق وهنزله ليكي بجد ودا وعد مني وربنا يقدرني واقدر انفذه ولو مقدرتش ياريت تعذريني بس ان شاء الله هلاقي الورق واجيبه ليكي

وع فكرة اتفه حاجا البلاغة دي

ثانكس للجميع

<div align="center">شوفى يا حابى أهم حاجة فى البلاغة التطبيق عليها كل شوية و المراجعة الدائمة
و لازم تفهمى القاعدة كويس أوى صدقينى لو تمكنتى من فهم القاعدة و حليتى عليها على طول الموضوع حيبقى مية بالنسبة ليكى
عايزة الكتاب بتاعك يبقى مقطع من كتر الحل و أى إجابو ما تعرفيهاش أوعى تسبيها لحد ما تفهميها و لو مش قادروة تفهميها دورى على أى حد يساعدك و أوعى تسبيها لتانى يوم
و يا سلام بقى لو تعملى لنفسك كشكول نضيف كده و تكتبى فيه كل قواعد البلاغة اللى وردت عليكى بأسلوب و تحطى فيه الأسئلة اللى وقفت أدامك بحلها صدقينى بعد كده حيبقى مرجع ممتاز ليكى</div>
<div align="center">خدى نصيحة ميرو و سبيها على ربنا :rolleyes: </div>

بصى يا حابى ماحدش فينا ماكنش مهمل فى سنة اولى
انا شخصيا كنت استازة نوم فى حصة العربى خصوصا والبلاغة كنت لازم اغيب يومها لانه كان يوم سبت ماكنتش بحب اروحه لذلك تعبت خالص فيها بس اول ما دخلت تانية اخدت عند مدرس كويس فهمهانى وهيديكى عليها فى الاول حاجات بسيطة زى الاستعارة والكناية والطباق واواعدك ان فى اول درس مش هتلاقى اكتر من كداهى سهلى حبيها هتفهميها هتكرهيها عمرك ما هتفهميها حبى النحو حسي بجامله هتجيبى فيه النهائية ودا كلام ثقة وربنا معاك يا جميل

إشتري كتاب الوسام هتلاقي فيه بلاغه كويسه او كتاب الرســاله برده كويس في البلاغه وكمان فيه أسئلة متجاوبه يعني عشان التأكد (مش لازم التعليم الإلكتروني يعني :lol: :D :P )
و في حجات ببتحفظ في البلاغه بقى زي سر الجمال مثلا ....... التشــبيه سر جماله توضيح الفكره برسم صوره لها ... المجاز الإيجاز و كلمتين كمان كده

ممكن برده تخشي على الموقع ده جميل أوي في البلاغه وفي العربي بتاع تانيه كله
هو الموقع انا لقيته في المنتدى هنا بس مش فاكر لقيته في أي موضوع
على العموم اللينك بتاعه اهو
http://www.medhatfouda.8m.com/new_page_1.htm