|
علِّميني ماحبكيش
علِّميني ماحبكيش علِّميني ازاي أعيش ... من غير ماشوفِك علِّمي طيفِك ... يبطَّل يوم يزورني ف المنام علِّمي كل الكلام ... إنه مايجيبليش ف سيرتِك علِّمي صورتك ... متخطُرليش ف بال علِّمي حتى الخيال ... إنه مايسرحشِ فيكي علِّمي ايديا تموِّت حلمها بلمسة إيديكي علِّمي عنيكي متسكنش العيون علمي الصوت الحنون ... إنُّه يطْلَع م الودان علِّمي حتى الزمان ... إنه يرجع تاني بينا قبل لحظة مالتقينا قبل مادقت قلوبنا قبل ما لمَعِت عنينا *** علِّمي الأشجار متحضُنْش الطيور علِّمي العصفور يبطل ... زقْزَقَه علِّمي العشاق يعيشوا بدون أمل لحظة لُقَى علِّمي الدنيا تبطل تبقى دنيا علِّمي الثانية ف بعادك إنها متفوتش ........ ............................... دهر علِّمي الزهر ... انه مايجودش بعبير علِّمي الطير ... لو يبطل يوم يطير علِّمي القلب الأسير ... إزاي يعيش من غير ... أمل ...............من غير ... أماني علِّميني وقولي تاني ازاي أعيش من غير .......... حياه علميني ازاي أعيش من غير ماشوفك علِّميني ازاي ........................ أموت علِّميني ازاي ........................ أموت علِّميني ازاي ........................ أموت العزب فتحي |
الله الله الله يا أستاذ عزب إيه المشاعر الجياشة دى والأحساس المرهف دا :) قصيدة روعة ربنا يكرمك وتمتعنا كمان تقبل مرورى |
اقتباس:
لك مني كل التحية العزب |
ايه دة يا استاذ عزب ايه الجمال دة
|
اقتباس:
وأشكرك على تعليقك الرقيق وسعدت بمرورك الكريم العزب |
الله بجد تحفة وكلها مشاعر رقيقة
على طول كده ان شاء الله تفضل قصايد حضرتك من احلى لاحلى |
اقتباس:
دا انتي الأرق والأجمل شكرا لتعليقك الرقيق وشكرا لمرورك الذي أسعدني تقبلي فائق احترامي العزب |
الاستاذ الفاضل
قصيدتك رائعه ومليئه بالاحاسيس والمشاعر الجياشه ومفعمه بالحب سلمت يداك تحياتي |
اقتباس:
جعلك الله نغما في سماء الدنيا تشدو به البلابل على الأغصان وسط نسيم الربيع العليل بين الورد والزهور أشكر لك متابعتك ومرورك الكريم الذي شرفت به تقبلي مني فائق الاحترام العزب |
علِّميني ماحبكيش
طلب صعب يطلبه محب من محبوبته اذ أن كل شيىء يمكن تعلمه ولكن ازاى أطلب منها تعلمنى انى ما أحبها هانشوف ونعيش مع قصيدة أخى وصديقى وحبيبى عزب علِّميني ازاي أعيش ... من غير ماشوفِك طلب المستحيل من محبوبته كيف ان يغيش وهو بالقرب منها من غير ما يشوفها كثيراً ما نلقى بأنفسنا فى تجاربك وبحارك أيها الحب وبعدها نبحث عن المداواة نبحص عن المركب علِّمي طيفِك ... يبطَّل يوم يزورني ف المنام طلب آخر مستحيل وهو ان تمنع طيفها من زيارتك بالمنام طبعا مش هاتقدر ، تقدرى يا حبيبتى تعملى كل شيىء مادى : تمنعى نفسك عنى ، تمنعى أشم ريحتك ، تمنعينى اشوف عيونك ، تمنعينى أشوف خيالك لكن قوة الدنيا كلها لو أتت لكى لن تستطيعى منع طيفك من زيارتى مش هاتقدرى تمنعى قلبى يفكر فيكى ولا عقلى يسرح معاكى علِّمي كل الكلام ... إنه مايجيبليش ف سيرتِك الله الله يا صديقى يا شاعرى دخلنا فى سكة اصعب طلبت منها تعلم الكلام انه ما يتكلمش عنها مايجبش فى سيرتها علِّمي صورتك ... متخطُرليش ف بال جميلة أيضا بس ياريت شاعرنا كان يرسمها أحسن من كدا علمى صورتك انها ما تترسمش انها متتلونش مش عارف يا صديقى بس حاسس انها جاءت مش مرسومة كويس علِّمي حتى الخيال ... إنه مايسرحشِ فيكي الله : كيف يا شاعرى ماتقدرشى طبعا علِّمي ايديا تموِّت حلمها بلمسة إيديكي تموت حلمها؟؟؟ ياريت توضحها علِّمي عنيكي متسكنش العيون علمي الصوت الحنون ... إنُّه يطْلَع م الودان علِّمي حتى الزمان ... إنه يرجع تاني بينا قبل لحظة مالتقينا قبل مادقت قلوبنا قبل ما لمَعِت عنينا *** عمنا وحبيبنا اسمحيلى برهة بس أشرب حاجه لأنى بصراحة تعبت مش عارف هاتعمل ايه معاها فى باقى القصيدة |
اقتباس:
العزب |
شكرا لكل من قرأ القصيدة
|
upppppppppppppppppppppp
|
قصيدة جميلة جدا يا فندم
تسلم ايد حضرتك ورمضان كريم وفى انتظار المزيد |
إيه يا عمنا قلبك مفرفر خالص و عمال يزيق لدرجة إنه طالع عندى فى السماعات .
شئ جميل أن تقلب الوضع بالرفض لإثباته و كل شطرة بتقول جديد ..الإيدين الميتة باللمس و كأن الفولت عالى و الصوت إللى بيطلع م الودان.. الشجرة و الطيور و الزقزقة طبعا مش هطول عليك... كل ذلك يدل على أنك شاعر متمكن تملك أدواتك و بتلوى رقبة الكلام زى ما إنت عايز.. آه ... بس كلمة " علمى" يا حلو اتكررت أكتر من الازم أكتر من 20 مرة و عدهم.. ..طبعا دا مش نقد عشان الناس بتزعل ... لكن ممكن تسميها غيرة على العمل لأنه عجبنى.. و ترك انطباع .. مع خاص تحياتى .. السعيد حافظ . م أ.لغة إنجليزية و عضو إتحاد كتاب مصر |
| جميع الأوقات بتوقيت GMT +2. الساعة الآن 06:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.