نفسك تبقي ايه في المستقبل
 

ياااااااه
كان نفسى ف حجات كتير اوى
كان نفسى بجد ابقى مهندسه كمبيوتر برمجيات حاجه م الحجات دى
بس دخلت علمى علوم
حاجه نفسى فيها بس مش عايزاها (ومتسألوش ازاى) كان نفسى بجد ابقى دكتورة عيون معرفش ليه بس حاسه ان هى حاجه لذيذه
بس طبعا بما ان فيها طب فملناش دعوة
الحاجه بقى اللى بتمناها ويارب تتحقق ابقى صيدلانيه
ياعالم بقى الكام يوم الللى جين مخبين ايه
دعواتكم

انا احلامى كتيرة اوى جايز فى احلام انهارت بس عمرى ما يأست يعنى كان نفسى ابقى فى من الايام وزيرة و اخدم الناس الفقراء بس حاسة ان الحلم دة بعيد شوية علية بس دلوقتى عايزة ادخل ان شاء الله تجارة انجلش و ابقى ناجحة جدا فى الكلية و بعد الكلية سواء فى العمل او حياتى الشخصية على فكرة احنا عمرنا ما كنا جيل فاشل بالعكس احنا جيل ناجح جدا و ذكى جدا جايز ظروف بلدنا هى الوحشة لو كان فى حاجة او عمل يشغل الشباب ماكنش فى شباب انحرف او ادمن بس للاسف البطالة هى العملة كدة و النت مش وحش بس بيتوقف على استخدام الشخص لة سواء بيستخدمة كويس او و حش ودة برضة سبب البطالة جايز اكون واقعية شوية بس دى حقيقة البلد و اى شاب شكرا ليكى اوى بجد موضوع هايل و حساس و بيمس كل الشباب:078111rg3:

شكرا ليكي علي ابداء رايك
ووجهة نظر بشكرك عليها

اكيد احنا مش جيل فاشل بس في حاجات جعلتنا كده يعني كل ما اتناقش مع حد يقول انتو مش فاضين وراكم نت وتلفزيون وموبايل
ومصمم ان ده السبب في فشلنا قال انهم زمان كان وراهم الشغل والمذاكرة وبس يعني لا نت ولا موبايل

بس انا شايفة كل ده تغيرات طارئة كل واحد استخدمها باسلوبه صح او غلط علي حسب

يا ريت يا جماعة نعرف اراء اكتر

:(:angry2:انا بشكرك على الموضوع الجميل دة بجد انا كان نفسى اتكلم فى هذا الموضوع
انانفسى ومنى عينى انى ابقى دكتورة اطفال بس دلوقتى لما تقولى طب يبقى طب من بقوك:(:(:angry2:

انا بدات مفكرش لنفسي خلاص لانى ببساطة رميت طوبتى
بس بصراحة حاليا بفكر ازاى ابنى شخصية اولادى واخليهم حاجة محترمة ف المجتمع ده
:)

احنا اتفقنا كلنا اننا مش جيل فاشل
طيب ليه بقي بنسمعها كتير هي بقت كلمة غريبة وعادية في نفس الوقت
بس اكيد لازم نثبت العكس هو اننا فعلا ممكن نكون دكاترة او مهندسين
بس برده واكيد الاجهزة الحديثة وكل ده اثر علينا
يا ريت اعرف رايكم