طلب من طلبه تجاره انجليش القاهره
 

لو سمحتو عايزه اعرف كل حاجه
مجموع كلي وانجليش
مصاريف
اكتب ايه في التنسيق
ارجووووووووووووووو الرد

انا ان شاء الله عايزة ادخل تجارة انجلش بس عايزة اعرف ازاى ادخلها و كل حاجة عنها و ياريت مجموعها

ناخدها خطوة خطوة ..

دلوقتي احنا عندنا حاجتين رئيسيتين في كلية التجارة في جامعة القاهرة

حاجة اسمها انتظام .. وحاجة اسمها انتساب

انتظام بياخدوا اعلى مجاميع اتقدمت في المرحلة المرحلة الاولى لغاية مايكمل العدد

اول مايكمل العدد بيبدأ انتساب يشتغل بقي ..

تجارة انجليش بقي عبارة عن قسم موجود جوا انتظام .. يعني انتساب ماينفعش انهم يرحولوه

دلوقتي بقي انتي خلصتي الامتحانات وعايزة تخشي تجارة انجليش .. هاتعملي ايه ؟؟؟؟

اول حاجة هاتستني لما التنسيق ينزل .. هاتشوفي انتي عايزة انهي جامعة .. ولتكن مثلا جامعة القاهرة

يبقي هاتختاري (تجارة القاهرة) .. تجارة القاهرة يعني تجارة انتظام ..

عشان انتساب بيبقي اسمها تجارة القاهرة انتساب موجه

بعد كدا بتستني لما نتيجة التنسيق تظهر .. وساعتها هانقولك مبروك انك دخلتي تجارة

كدا انتي لغاية المرحلة دي انتي في تجارة عربي انتظام .. طب انتي عايزة تخشي انجليش هاتعملي ايه ؟

هاتروحي الكلية وهاتقدمي ورقك في شئون الطلبة بتاع عربي في شبابيك انتظام

عشان فيه شبابيك لانتظام وانتساب

وانتي بتقدمي هاتقولي لبني ادم اللي غالبا ماهايكون رخم وغتت انا عايزة اسحب ملف شعبة انجليش

هايقوم محولك لشئون تجارة انجليش ودي بتبقي موجودة في مبنى تجارة انجليش ذات نفسه

هاتروحي هناك وهاتقولي للبني ادم اللي قاعد اللي غالبا برده هايكون سئيل ورخم زي اللي قبله

عايزة ملف الشعبة .. وطبعا هايبقي معاكي بطاقة التنسيق بتاعتك عشان يسجل اسمك بيها

هاتشتري ملف الشعبة دا بـ 150 جنيه تقريبا

هاتتلاقي فيه بيانات كتيرة اوي كدا امليها وسلمى الملف في مقر شئون الطلبة بتاعة انجليش

ودا شكله .. http://commerce.cu.edu.eg/استمارة%20التحاق.pdf

واستني لغاية ما النتيجة بتاعة القبول تظهر ونبقي نقولك مبروك بقي ساعتها

دلوقتي في حاجة اسمها مجموع اعتباري .. يعني ايه بقي المجموع الاعتباري دا ؟

المجموع الاعتباري = مجموع الثانوية العامة + مادة الانجليش + مستوى رفيع انجليش ان وجد

وهما بقي بيختاروا في الكلية اعلى مجاميع متقدمة على حسب بقي العدد المطلوب ..

السنة اللي فاتت تقريبا قبلوا 600

حوالي 4500 .. وبيخشوا في الـ 5000

انت قلقتنى اوى انا الوقتى معايا مستوى عربى
وانا علمى رياضه وجايبه السنه اللى فاتت فى الانجلش 23ونص
وباذن الله السنه دى زيهم
ومخدتش مستوى انجلش ينفع اقدم عادى والا لازم من مستوى انجلش ده؟؟؟
جاوبنى الله يخليك

لا يابنتي مش لازم ولا حاجة

كل الموضوع ان مستوى الانجليش دا بيرفعك في الدرجات عشان يكون مجموعك الاعتبارى اكبر

لكن مش شرط انك عشان تخشي تجارة انجليش يبقي لازم تاخدي مستوى رفيع انجليش

عادي يعني

بس الاهم من دا كله ان لازم يكون مجموعك في الانجليش لا يقل عن 40 من 50 .. غير كدا لن يلتفت لاستمارتك

طيب انا كنت عايزة اسال حضرتك سؤال هو الجايب مجموع اعلى من تجارة انجلش بس مجموع الانجليزى عندة مش حلو اوى يتقبل ولا لا شكرا لحضرتك بس باللة عليك جاوبنى بسرعة

انا قولتلك قبل كدا ان الشروط واضحة

مادة الانجلش لاااااااازم تكونى جايبه فيها مش اقل 40 من 50 .. والا مش هايتم قبولك

انا عايزة اسال انا جايبة 85.12% وجايبة 42.5 فى الانجلش فى امل اتقبل فى تجارة انجلش ياريت لو سمحت رد سريع

أنا قريت في شروط الكلية أن لازم تكون أعلي من 80% في مادة الانجليزي وتكون جايب مجموع حسب تنسيق التجاره العربي بمعني لو أنا فوف 80% في الانجليزي وجايب مجموع ثانوي يدخلني تجاره عربي بكده ينفع أقدم تجاره انجلش

لاحظ ان المجموع يدخلك تجارة عربي (انتظام) مش (انتساب) ..

لإن تجارة انجليش عبارة عن تجارة انتظام بس شعبة لوحدهم .. يعني انتساب لا يحقلهم انهم يخشوها

ماكدبش عليكي .. حتى لو فيه امل فدا هايبقي ضعيف

انتي اتس اوكي ممكن تجيبي مجموع تجارة انتظام ومجموع الانجليش يدخلك

ويبقي مصرح ليكي انك تقدمي فعلا في تجارة انجليش

بس من المؤكد ان مجموعك الاعتبارى هايبقي من اقل المجاميع المتقدمة ساعتها

فا ممكن مش يقبلوكي .. ويروح عليكي مصاريف الإستمارة اونطة ..

غير كدا كمان ممكن تدبسي في تجارة عربي غصب عنك

لو سمحت يا vampire انا عاوزة اعرف حاجه كمان معلش
انا جايبه في الانجلش 45 ونص ومجموعي 88 ونص
هل في أمل ان انا اقبل في تجارة انجلش
وفي ناس بتقول انها علشان بالمصاريف بتقبل معظم المتقدمين . هل الكلام ده صحيح ؟

لو 88% دا يجيب مجموع تجارة انتظام ممكن ان شاء الله تخشيها ..

كله على حسب التنسيق وعلى حسب المجاميع اللي هاتبقي مقدمة معاكي في دفعتك

يعني كمثال لو مثلا معظم اللي مقدمين في تجارة انجليش معاكي في دفعتك جايبين تسعينات في الميه

يبقي امل انك تلتحقي بيها صعب .. لإنهم اكيد هايتفوقوا عليكي وهاياخدوا مكانهم قبليكي

فا هوا انتي وحظك

لا طبعاً غير صحيح .. كله بيبقي بناءا على الكثافة المحددة والعدد المسموح بيه

حكاية الفلوس والكلام دا غلط بالمرة طبعا .. لإنك في جامعة حكومية مش بتسعي للربح

بص يا باشا انا علمي الاول جايب 88% 43 انجليش عايش في اسكندريه ايه الكلام ممكن انجليش حتى لو اقاليم ؟

i get 82.7% and 46 in English what is ur opinion