|
مشاكل دمياط
انا من دمياط وبجد مدينة حلوة اوى بس المية بتاعتنا طعمها مش حلو خالص يعنى مش زى المية العادية هو لية كدا المية ريحتها كانها سورى مجارى مش هاقول احنا بس بنروح لناس كتير وبنشرب مية بنلاقيها كدا بجد بقيت بقرف منها ياترى دا لية واية السبب والحل اية لانة بالنسبة لينا مشكلة لان الصيف حر وبنشرب مية كتير يارت حد يتجاوب معايا وشكرا |
هو لية محدش حتى شارك برايه
وشكرا |
انا ايضا من دمياط والمياه اصبحت ملوثة اكثر من اللازم وانتشر بالمحافظة كثير من الامراض بسب عدم المعالجة السليمة للمياه فى المعامل وكل ده على عين المسئولين ياريت حد يتحـــــــــــــــــــــــــــــــــــــــــــــــ ــرك قربنا نموت |
هى فعلا الميه طعمها مش حلو
بس ده الطبيعى لان ميه النيل اللى فى دمياط اكتر منطقه فيها تلوث لان دمياط عند مصب نهر النيل تخيلو بقى لما ميه النيل دى تعدى على مصر كلها وفى الاخر تيجى على دمياط ولا اقولكو بلاش نتخيل احسن نموت |
المياة تخرج من المحطات نقية وممتازة 100 %
ولكن المشكلة بجد في المواسير القديمة الموصله للمياة التي بها العديد من العيوب بعض المناطق في دمياط تصلها المياه مخلوطة بمياة الترعه |
عيزة تعرفى لية امياه ريحتها وحشة لو شوفتى مزارع السمك كمثال واحد فقط على امتداد النيل فى اراضى دمياط فقط وما يضعه اصحاب اقفاص الاسماك كغذاء لها مثل ( اعزك الله )الحمير الميتة ومخلفات المذابح وخلافه كنتى عرفتى ليه الميه ريحتها وحشة وياريت على الرائحة فقط فهذا شىء ظاهرى واما التحليل المعملى لهذه المياه وماتحتويه من بكتريا وملوثات غير مرئية وعناصر ثقيلة تتراكم داخل اجسمنا فحدثى ولا حرج وحسبنا الله ونعم الوكيل فدمياط من اعلى نسب مدن العالم فى الفشل الكلوى على فكرة انا دمياطى زيك برده ناهيك عن صرف المصانع والمنازل والمساجد عينى عينك فى ميا النيل ولا احد لمن تنادى واهو ربنا ساترها وخلاص |
قل الحق أولا ثم ..................!
|
انا عن نفسى من دمياط الجديدة
والميه عندنا حلوة جداااا وطعمها كويس جداا مش عارفة ليه انتو بتقولوا ليه كدا ولا هى فى مناطق ومناطق ؟؟ |
اقتباس:
|
نرجو عدم وضع ميلات للاعضاء او موبايل نمبرز والالتزام بالقوانين |
انا كمان من دمياط الجديدة و الميه كويسة جدا و طعمها حلو
ممكن تقولوا ان احنا اتعودنا و مفكرينها كويسة بس انا ما اظنش و دا كمان بسبب ان الخدمات فى دمياط الجديدة لسه جحديدة تماما زى المواسير مثلا لسه نظيفة و ما صديتش |
فضفضة دمياطية
السلام عليكم ورحمه الله وبركاته
سؤال للاخوة فى دمياط وانا منهم هل تقع دمياط فى مصر؟ ولا بالكلام بس نسمع الكثير عن مشاريع وعن تجهيزات واقربهم التصدى لانفلونزا الخنازير ولكن فى دمياط حتى الان لا كلام اطلاقا وكاننا نعيش فى كوكب اخر هل الموضوع سرى أم انها مفاجأة ونكتشف عند بدأ الدراسة ان هناك استعدادات ؟ وسؤال أخر الحكومة قررت دفع المرتبات يوم 16 و17 أى قبل العيد ولكن ادارة عزبة البرج الموقرة لم تصرف المرتبات لكل المدارس هل هى بالفعل عزبة ولا تجد من ينظمها ويديرها أم العيب فينا لاننا نسكت عن حقنا والله فى يوم ذهبت لمبنى الادارة لتخليص بعض الاوراق وعند السؤال عن الموظف رد احد الموظفين انه فى السوق بيشترى سمك وجاى كمان شوية وفى يوم اخر لم اجد موظفة ردت زميلتها انها بتجيب حاجة من الفرن تحت وجاية بالله عليكم هل هذا وضع ادارة كل شىء يدار حسب الاهواء الشخصية ولا يتحكم فى الوضع الا الفوضى ؟ |
طيب ممكن نعدل الموضوع ونقول مشاكل دمياط ونعرض اي مشكلة عندكم في المحافظة وانا هدمج موضوع هنا بعنوان فضفضة دمياطية جزاكم الله خيرا |
سيتم نقل موضوعك الي موضوع مياة دمياط وتعديل اسم الموضوع مشاكل دمياط جزاكم الله خيرا |
واذا تم التفاعل في الموضوع ده يتم تثبيته جزاكم الله خيرا |
| جميع الأوقات بتوقيت GMT +2. الساعة الآن 03:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.