|
انا محجبة لية ؟؟؟؟
السلام عليكم ورحمة الله وبركاته " أنا محجبة ليه ؟ " أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية: 1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر… 2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق ة الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضا 3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية… 4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسيا.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني).. 5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه.. 6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية .. 7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟ والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر.. وفى النهاية تقبلو تحياتى اخوكم صوت الامة |
موضوع جميل جدا يا صوت الأمة .....
|
عن حقـ موضوعـ :022yb4:يستحق وسامـ شرفـ:022yb4: جزاكـم الله خيراا ان الموضوعـ جميل بجد , خصوصا ان في الزمن ده كتير قوي مسلمات مش محجبات وبيعتبروا ان الحجاب مش مقياس للالتزامـ وانه موضة قديمة عدى عليها الزمن وانها لما تتحجب بكده مش هتقدر تتجوز . ووالله الذي لا اله الا هو , هذا الكلام ليس له اساس من الصحة بل بالعكس الشخص المحترم لما بيفكـر في الزواج بيفكر في واحدة محجبة صاينة نفسها عشان يقدر يأتمنها على بيته وأولاده ان شاء الله . آسفة اني طولت , بــس الموضوع بجد محتاج نقاش . وجزاكـم الله خيراا, وهداكـم الله الى مايحبه ويرضاه. :039uw8: |
السلام عليكم
بارك الله فيكم اخواتى اريد الجنة و عفوك ورضاك حقيقى كلام جميل جداااااا بارك الله لكما وجعلكما من اهل الجنة نوووووووووووووووورتونى بالتاكيد شكرا |
اقتباس:
آآآميين يا رب العابمين |
جزاك الله خيراا
وجعله في ميزان حسناتك فعلا موضوع بجد رائع وهادف جداااااااا بجد حلوووو اوي اقتباس:
|
اقتباس:
السلام عليكم ورحمة الله بركاته الله عليك يا ااسامه موضوع راااااااااااااااايع بااارك الله فيك بس للاسف هنا ناس وخصوصا بنات لا ولن ترد عليه وتدليلا على كلامى ؟؟؟؟؟؟؟؟؟؟ وانتا طبعا عارف ؟؟؟؟ ولا يسعنى الا ان اقول الحمد لله وبارك الله فيك وجعله فى ميزان حسناتك اخوك سيف |
وعليكم السلام ورحمة الله وبركاتة
اختى د\ عاشقة جنة الفردوس حضرتيك نورتينى والله الحمد لله ان الموضوع عجب حضرتيك وتشرفنى ردك علية ومرورك الجميل نورتينى اخى سيف بارك الله فيك وعلى كلامك لاكن ان شاء الله حيردو لان الموضوع فى غاية الاهمية شكرا ليك وعلى مرورك الرااااااائع جزاك الله خيراااااااااااا وجزاكم كلكم خيرا ان شاء الله بارك الله فيكم نووووووووووووورتونى فى رعاية الله |
موضوع بجد جميل
جزاك الله خيرا وجعله فى ميزان حسناتك |
موضوع جميل جداً الصراحة ومقنع جداً
|
بارك الله فيكم جميعااااااااا
وجزاكم الله خيرااااااا بجد نورتونى وشكرا لمروركم الكريم فى رعاية الله |
بجد موضوع اكثر من رائع وطريقته مقنعة
بحييك عليه جزاك الله خير |
بارك الله فيك ياصوت الامة موضوع اكثر من رائع
بالفعل من شخص له اسلوب متميز بارك الله لك |
بارك الله فيكم
وجزاكم الله خيرا اسئل الله تعالى ان اكون قد وفقت فى موضوعى وجاء بفائدة نووورتونى وشكرا لمروركم الكريم فى رعاية الله |
بارك الله في كل من ترتدي الحجاب رفعة للدين الأسلامي
|
| جميع الأوقات بتوقيت GMT +2. الساعة الآن 04:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.