الجديد للمتعاقدين
 

انا متعاقد ازهرى منذ 2 - 2007
اتصلت بى زميلة اليوم وقالت بانهم يريدون الرقم التامينى
مختوم بختم التامينات ويسلم للشئون الادارية بالمنطقة الازهرية

فعلى جميع متعاقدى الازهر
استخراج الرقم التامينى الخاص بهم وايصالة للمناطق الازهرية التابعين لها
والله الموفق

شكلها كدة تثبيت(ان شاء الله)

هم كل شوية يطلبوا حاجات
على فكرة كل هذه الاوراق موجودة عندهم
الرقم التامينى
موقف التجنيد
مش عارف كل شوية يطلبوا الاوراق دى تانى ليه
يارب سهل ويكون خير
اخوك متعاقد من 2005!!

الموضوع ده عملناه من حوالي شهر

انت تعرف يااستاذ محمد اللى جانا ايامها كانوا بيطلبوا الموقف التجنيدى
والمرة دى الاستاذ محمد عاطف بيقول الرقم التامينى
الظاهر كل شهر هيطلبوا ورقة!!

,السلام عليكم
وقبل كده من سنه طلبوا فيش

ههههههههه
الفيش دة علشان التطعيم

هم يضحك(((هيثبتونا)))

وهم يبكى(((مش هيثبتونا)))

يأستاذ عيسوى
شهر شهر
مش احسن متبقى كل سنة

بس ان شاء الله انا متفائل خير
ومن اكتر من شخص ثقة من قطاع المعاهد الازهرية بالقاهرة

هو فعلا
بس امتى؟
انا من 2005 وزهقت الصراحة
نفسى اخد اجازة واهج من البلد كلها

الخير قادم قادم

ربنا يسمع منك ياحودة

على فكرة لسه الخبر ده ما وصلش قنـــا هو جاى مشئ عشان الطريق بعيده و بعدين بيريح شويه فى محطة

ياجماعة لو المتعاقدين فى التربية والتعليم اتثبتو لابد للمتعاقدين فى الازهر ان يشتكو ويطلبوا المساواة بهم ويارب يكون الوزير صادق

يا عم صلى على النبي لو في تثبيت حيكون للكل حب لأخيك ما تحب لنفس حتى يأتي الخير
وإدعي إنهم يثبتوا الكل تربية وتعليم وكمان أخواتنا في الأزهر يااااااااااااااااااااااااااا رب

يا عجبي ! علشان كده الخير قليل و شاحح اليومين دول ! يا أخي ادعو لاخوانك بالتتثبيت الاول و بلاش الافكار الوحشة دي ! يا ريت نصلح نفوسنا ! ايه ده يا راجل !