ازاى تتعامل مع حد انت مش طايقه؟؟؟
 

عمرك اتعاملت مع حد انت مش قابله؟
هل فى مره لقيت ان حد انت مش بتحبه ومضطر تتعامل معاه؟
اكيد طبعا كله اتعرض لكده
فى مبدأ بيقول تقبل الناس كما هم
بس ده ممكن يكون صعب صح
الخبراء قالوا ايه عن الموضوع ده
كل واحد بيتعامل طبقا لخبراته
كل واحد بيتعامل مع الدنيا والناس الى حواليه طبقا لخبراته فى الحياه من البيئه الى حواليه يعنى الام الاب الاسره ووسائل الاعلام والمدرسه وعن طريق المعلومات ديه بيتعامل مع الدنيا الى حواليه زى ماقلنا
لو واحد متربى فى بيت كله مدخنين ممكن يطلع مش شايف ان التدخين غلط اوى يعنى كل واحد بيتصرف على حسب الخبرات الى عاشها
خبرات الاخرين غير خبراتنا وكل واحد فينا مر بتجارب وظروفف ومواقف غير التانى علشان كده دايما بنلاقى ناس مختلفه معانا واحنا ممكن نكون مش قادرين نقبل الاختلاف ده
تصرفات الناس ديه بتئذنى بتضايقنى ممكن اى حد يقول كده ان فى ناس مش باقدر اتقبلهم مش باحبهم بيضايقونى اعمل ايه معاهم؟
ماتحكمش على حد من تصرفاته احمك عليه من معنى التصرفات ديه بالنسبه له يعنى ممكن التصرف الى بيعمله وبيضايقك يكون معناه عنده غير معناه عندك
يعنى كلمه جدع فى المغرب معناها شتيمه فتخيل لو انت بتقول لحد مغربى انت جدع هيفتكرك بتشتمه مع انك تقصد تمدحه فخبراته وتجاربه فى الحياه بتقول انه شتيمه وخبراتنا وتجاربنا فى الحياه هتقول انه مدح
مثلا واحد ابوه بيضربه فيجى يقول ابويا مش بيحبنى لانه دايما بيعاقبنى بقسوه وديه يمكن بنسمعها كتير اوى
طيب لو سالنا الاب انت ليه بتضربه هيقول ايه هيقول انا باعاقبه بقسوه علشان بحبه وعايزه يتربى ويكون احسن واحد فى الدنيا لان خبرات الاب والاسلوب الى اتربى عليه خلاه يعمل كده وحياه الابن واسلوب حياته خلاه يعتقد ان ده دليل على الكراهيه
يبقى ماتحكمش عليه انه بيكرهك شوف دوافعه الى خلته يعمل كده انه بيحبك وهى ديه طريقته انه يعبر عن حبه ليك
افهم دوافع الناس وماتحكمش عليهم من تصرفاتهم كل واحد بيتصرف حسب خبراته هو مش خبراتك انت
ماتفترضش ان الناس عارفه الى بيضايقك قولهم انت
وماتفتكرش ان الناس بتعمل تصرف علشان تضايقك وتأذيك اسالهم
بس خلاص طولت عليكم
مستنيه ردودك وكل واحد يقول هو بيتعامل ازاى مع حد بيضايقه

موضوعك جميل جدا
اما بالنسبة لتعامل مع الناس معاملاتي مع غيري محدودة جدا
لكن اكيد ببقي مضيقة جدا وده بيظهر علي وجهي كعلامات اني مش طيقة حد
اولا بسلم عليه وبمشي اقعد لوحدي الي ما يمشي ده لو كان ضيف في بيتنا
اما غير كده بجد مش عندي ناس كتير
موضوعك مميز بجد جزاكي الله خيرا

انا بعاملها كويس جدا عشان مجرحاش لان كرهى ليها مش بيبقى ليها ذنب فية

[quote=**(elktra)**;1370970]موضوعك جميل جدا
اما بالنسبة لتعامل مع الناس معاملاتي مع غيري محدودة جدا
لكن اكيد ببقي مضيقة جدا وده بيظهر علي وجهي كعلامات اني مش طيقة حد
اولا بسلم عليه وبمشي اقعد لوحدي الي ما يمشي ده لو كان ضيف في بيتنا
اما غير كده بجد مش عندي ناس كتير
موضوعك مميز بجد جزاكي الله خيرا[/quot
شكرا على الرد والمشاركه

موضوعك حلو اوى يا نور
ده علشان انتى مشاركه فيه يا قمر
و انا الحمدلله بتعامل مع كله عادى
حتى اللى مش طيقاهم
و الناس بيقولولى انتى طيبة و على نياتك ( هبلة يعنى )
لا ما تقوليش على نفسك كده انتى مش هبله
انتى ممكن تكونى على نياتك عبيطه يعنى:p:p:p:p

موضوع جميل

وفعلا للاسف بنضطر اوقات نتعامل مع اشخاص احنا مش طايقنهم خالص

لكن هنعمل ايه الظروف تجبرنا على التعامل مع نماذج عديدة من البشر

وفى الوقت ده بتعامل معهم فى حدود العلاقة او الامر المتعلق بهم

ولكن بيكون على حساب اعصابى ونفسيتى

ويظهر ذلك فى صورة صدااااااااااااااع

الموضوع أكثر من رائع
بس تعاملنا مع اللي مش طايقينه بيبقى عادي
عشان مش نعمل مشاكل
بس بنحس إنه نفاق
شكراً على الموضوع
ربنا يكرمك

والله حسب الشخص بس انا غالبا بعامله كويس او لو متضايق منه اوى ممكن احاول بقدر الامكان انى ابعد عنه واكون قليل فى التعامل معه .
تسلمى على التوبيك

والله الكلام منطقى جدااا

بالنسبه لى بتكلم معاه عادى

بس طبعا بكون بحاول انى اتجنبه

ولو الحكايه زادت حبتين غالبا بفضل السكوت

شكراا " نورهاان " على الموضوع الجميل

شكرا يا نور ..

موضوعك كويس

بس انا بفضل اني مجرحش اي حد

http://www.zwani.com/graphics/thank_you/images/13.gif

موضوع جميل جدا يا نورهان تسلم ايدك

بس بجد بتبقى اصعب حجاه لما تتعاملى مع حد بيحبك وانتى مش بتبقى طيقاه
الموضوع ده بيضايقنى جدا
ومش عارفه بحس بالذنب
ان حد بيحبنى اوى وانا اكون مبحبهوش

thank you
I try to only to give him short answes about his question
thanks again

جزاكم الله خيرا