|
أنا بحبه
بسم الله الرحمن الرحيم *لو لاقيت العلامه دى انزل ع الهامش فى اخر الصفحه يمكن تلاقى حاجه تفيدك ويمكن لأ ***** أنا بحبه نغمه ماكدونالز الشهيره وانا لا هتكلم عن ماكدونالز ولا المقاطعه ولا اى حاجه انا هحكى حدوته كده حاولوا تستحملوها للاخر *** بعد عوده طالبه الثانويه العامه الغلبانه صاحبتنا من اخر امتحانتها وبدأ هذا الاحساس الغريب التى افتقدته كثيرا الاحساس بالفراغ ولا شىء غير الفراغ وكأنها جمل سابوه فى القاره القطبيه الجنوبيه او بطريق اهبل ع مشارف الصحراء استلقت ع السرير وبدأت تمارس رياضتها الصيفيه وهى البحلقه فى حاجه ثابته وكان السقف دايما هو الحاجه دى والواحد يبدأ يستغرق فى الاحلام الأحلام بأى شيء وبكل شىء الا ان رغبتها المكبوته فى هذا الوقت من الحر الشديد كانت بتتمثل فى كبايه عصير وبدأت احلامها بكبايات عصير القصب انا كبايات عصير قصب مليانه ع الاخر والخلق مبتشربش* ولم يتوقف الحلم عند كبايات القصب الا انها وجدت هذا الصوت الشهير " اشربى العصير " واذ بها ترمى بنظرها -ايام مكان فى نظر- ;) ايه ده يا ولاد ده محمود سعد ده ولا ايه ؟؟!! ده مش محمود بس وخيرى وتامر يا نهار انا عملت ايه وجدت نفسها امام تلاته من اشهر الاعلاميين المصريين وها هى ع كنبه البيت بيتك تحتضن المخده الصغيره وع وجهها حمره الخجل -دى كانت ايام قبل مالبنات تقلع برقع الحيا - :d واذ بخيرى رمضان يوجه لها سؤال وع وجهه تلك الابتسامه الهادئه "ايه سر نجاحك يا سمنه ؟" سمنه دى انا !! ونجاح ايه اللى بيقول عليه المشكله او المش مشكله ان اول رد فى دماغى واول صوره كانت بابا تامر:" اه طبعا كل البنات باباهم هو سر النجاح وفارس الاحلام" واستطرد محمود مكملا سؤال" طب احكلنا عن بابا " وبدأت صديقتنا سمنه تتحدث بهذا الاسلوب الطفولى الجميل :romarioxp6: " بابا ده اجمل حد شفته فى حياتى كل مالواحد يفتكر ايام وهو صغير ايام مكان بيشيلنى ع كتفه ويأكلنى بأيده *ويعصرلى العنب فى بقى عشان مكنتش بعرف امضغ القشره *ويوم مدماغى اتفتحت عشان خاطر فرحتى بالغساله الجديد ولما شالنى ودانى المستشفى والدكتور كان بيخيطلى دماغى الا انى ونا فى الظروف دى منستش اللماضه ولقيت نفسي بقول للدكتور انت شكلك وحش اوى قالى هخلص من راسك وادخل ع لسانك بفتكر بابا وهو واقف جنبه وع وجهه تلك النظره التى تمتزج فيها احلى معانى الحب بالحنان بالابوه بالعطف بكل المشاعر الجميله *ويوم مفتكر سنودتشات الحلاوه والمربى اللى كنت بتغطهالنا جامد عشان انا واخويا مكناش بنحب نشيل اطباق بأدينا وبنمشي نبهدل الشقه *ويوم مكنت هغرق فى الاسماعيليه وانك ضحيت بحياتك وفضلت تشرب ميا عشان تبعدنى عن المنطقه الغويطه دى -من يومها وانا اتعقدت- وكرهت الميه وسنينها *وساعه مكنت بتعد جنبى بالليل ايام مذاكره الثانويه -الله يحرقها- كل ده عشان انك عارف كوييس انى بمل من هدوء بليل ومش بعرف اركز غير فى الدوشه :006et4: *ويوم مجالى اكتئاب قبل يوم الاحياء واخدتنى عشتنى بره واقعدت تهزر معايا وجبتلى الايس كريم اللى بحبه لغايه ممزاجى بئا حلو *وفاكر ايام مكنت بتسمعلى الاحياء لغايه مكنت بتحفظها احسن منى وتنبأتلى بالصفحه اياها اللى جت فى الامتحان!! -شكل الامتحان كان متسرب وهو بيشتغلنى- :022yb4: *ويوم محضنتنى يوم منزلت معيطه من امتحان الرياضه عشان السالب الملعونه اللى نسيتها ومسحت دموعى وقلتلى فى ستين داهيه التعليم المهم تفضلى بتضحكى -مع انى عارفه انه اهم حاجه من وجه نظرك وكفايه انك قلت كده- *ووقفتك فى الشمس طول اللجنه عشان تطمن عليا لما اطلع *فاكر المشكله اللى حصلت بينك وبين الناظر زياد بتاع المدرسه فى الابتدائى لما هزقته عشان ماخدش اجراء مع الواد حموكشا لما زقنى وخبطنى فى العارضه بعد مكانت فرقتى كسبانه 3 -صفر المعفن نفسي اشوف وشه المباراه انتهت بعد اصابتى 6 - 3 للفرقه التانيه ماعلينا *وانك كنت دايما تجبلنا انا واخويا احلى هدوم واغلى حاجه بالرغم ان الحجات دى كانت بتخرم الميزانيه بس كانت اهم حاجه ان احنا نكون مبسوطين :friendsxs3: *وفاكر مين اللى حببنى فى عصير القصب اللى اتسبب فى ان اعضاء المنتدى يقروا الموضوع ده ;) *ويوم مذنبتنى عشان كنت بغضب ع الاكل وخاصه الكشري المصرى لغايه ماتعلمت الادب وبقيت باكل عدل *ويوم نتيجه تانيه لما كانت الدموع فى عنيك من كتر الفرحه انا بحبه انتهى الحوار وشكرنى المزعيين الجمال دول الا انى بلاقى فجأه الصوره اتشفرت قدام عنيا احم هم هينقلوا البيت بيتك ع الشو تايم ولا ايه؟؟ ولا القناه الاولى هتتشفر واذ بالصوره تتضح مره تانيه ويظهر هذا اللون الابيض المميز لسقف بيتنا ياه انا رجعت تانى بنهض وع وجهى تلك الابتسامه الواسعه ومابين اليقظه والنوم بلاقى فجأه بابا قدامى بيقلى ابعتلك اخوكى يجبلك عصير قصب الا انى بضحك وبقله شكرا يابابا انا شربت كتير النهارده طبعا انتوا فاهمنى ;) ***** قد يكون الاسلوب طفولى او عامى بعض الشيء :006et4: بس انا بفضل الاسلوب ده بيوصل اسرع وخاصه فى موضوع زى ده لان احنا طول عمرنا هنفضل الاطفال الصغيرين قدام اهلنا الناس اللى حبناهم عشان اى حاجه وكل حاجه والفتافيت الصغيره الجميله اللى فى حياتنا واللى بتخليلها طعم ولون وريحه كمان *** ده مش بابايا انا بس ده باباك وباباكى عملوا معاكوا زى معملوا معايا يمكن امتر يمكن اقل يمكن كانوا بعاد فى سفر او انه متوفى بس المشكله مش فى الموت المشكله كانت دايما فى الحياه احنا لازم نفتكرهم دايما نبوس ايدهم لو موجودين ونطيعهم ولو مش موجودين نخليهم يفخروا بينا ونقرالهم الفاتحه كل ابهتنا بيجمعهم عامل مشترك هو انهم بيحبونا جدااا وبالرغم انهم مش شرط يكونوا احسن ناس الا انهم عاوزينا احنا احسن ناس عاطفه الامومه شىء جميل والابوه عاطفه رائعه افتكروا معايا الحجات اللى هم عملوها عشانا كل واحد مننا عنده مواقف كتيره وزى عمل محمود سعد فى الحلم بتاعى لما طلع فاصل اعلانى هو وخيرى وتامر وقاموا اتصلوا باهلهم اطمنوا عليهم انت هتقوم تتكلم معاهم شويه وتبوس ايدهم باباك اللى خلاك راجل بتفهم وتفكر وخلاكى انسه قويه بقلب طيب ورقيق شكرا لمحمود وتامر وخيرى وشكرا ليكم ***** *العلامه دى كانت ع بيت من ابيات شعر الشاعر العامى بهاء جاهين الارض زهريه فاضيه |
اقتباس:
ههههههههههههههههه لا بجد مووع كتير حلو |
اولا يا سمسمة بجد وحشتينى عاملة ايه
ثانيا موضوعك حلو اوى اوى انا كنت محتاجة حاجة تفكرنى انى بحب بابا لانى مش بشوفه كتير الايام دى و بقيت طول الوقت مش بكلمه و حاسه انى زعلانه منه بجد مش عارفة ليه سمسم هوه انا غلطانة فى احساسى ده |
موضوع غريب جدااااااا بس ده شئ متوقع من ناس خلصت ثانويه........... شكررررا على الموضوع الرائع ده .............. [IMG]file:///C:/Documents%20and%20Settings/hamada%202000/My%20Documents/My%20Pictures/27wf9.gif[/IMG]
|
موضوع جميل ربنا ينجكم كلكم ان شاء الله
وان شاء الله تعيشى لحظة جميلة جدا عن تجربة لما تشوفى فرحة بابا بيكى يوم النتيجة فى المدرسة وتشوفى كمان وتحسى بفرحته وانتى داخلة الكلية ياه فكرتينى بالذى مضى بجد يا ريت كل واحد يقرى الموضوع يجرى على باباه ومامته ويبوس اديهم اكيد كانت فترة عصيبة واستحملوا منكم كتير وبرضوا كلنا نقرا الفاتحة على ارواح ابائنا وامهاتنا والدعاء لهم بالرحمة والمغفرة ووالدى منهم يا رب |
هههههههههههههههه
والله انتي عسل ودماغ يا اهلاوية بجد بجد موضوعك حلو اوي والاسلوب ملا دماغي بس انا ما بحب البيت بيتك ده بس المهم اني بحب عصير القصب ربنا يجزيكي خير يا بنوتة |
أنا لأن والدي توفي من زمن بعيد أرجوا الله أن يتغمده في رحمته ويسكنه فسيح جناته
أول ما جاء بذهني هو أبنتي وقرة عيني وحبيبتي مريم وكم أنا أحبها و أخاف عليها وهي النهارده عند والدتي قمت فوراً أتصل بيها وأطمن عليها يارب كل أحلام أولادنا تبقي زي الحلم بتاعك وأحسن حاجه إن كوب العصير مش غالي ومفيد يارب ميغلاش بعد الموضوع الجميل ده ههههههههههههههههههههههههه |
الموضوع جميل اوى ياسمين بس مش عارف افسر احلامك دى بايه انا اللى خطر فى بالى مش الفراغ على قد مهو الخوف والحلم الخوف من بكرة خلصتى الثانوى العام ودخله على عالم جديد وغريب والحلم بان يكون ليكى شان كبير فى المستقبل ده طموح على فكرة وهدف اتمنه انك تحقيقه حلوة اف**** واحلامك :) |
موضوع رائع تسلم الايادى
|
انتى مبدعة يا بنتى
اسمحيلى ابدى اعجابي بيكى وربنا يخليلك والدكـ :) |
والله بجد
موضوع حلو تسل ايدك وربنا يفرحك ويفرحنا كلنا يوم النتيجه ان شاء الله بجد انا شم هعرف اوصفلكوا حبى لبابا بجد حب لا يوصف بيسمونى ف العيله بنت ابوها او محامى ابوها مش عايزة اقولكوا بجد لما بيبقى زعلان او مضايق مش ببقى طايقه نفسى ربنا يخليهولى وميحرمش حد م باباه مامته |
اقتباس:
كلنا اطفال كبار .. ويعنى انا بشبه حياتنا بحدوته كبيره وعامه الموضوع اللى عاجبنى فيه ان ناس اتأثرت بيه :d اقتباس:
انا تمام الحمد لله .. وانت كومان وحشتينا بصى يا حبيبه قلبى هى العمليه مش محتاجه لحاجه تفكرك بيه باباكى جواكى بكل حاجه عملها خليكى دايما عارفه ان سفره عشانك من التعب والشغل عشان يوفرلك الفلوس اللى تعيشك فى مستوى كويس بجد انتى متعرفيش مدى التعب اللى بيتحمله عشانك وعشان اخواتك لو كان فيه انتى مش غلطانه فى احساسك بانك زعلانه منه انا عارفه انك عوزاه معاكى وجنبك دايما بس ميكنش سبب انك تقسي عليه كلميه وقوليله كفايه غربه ..قوليله ان مفيش طعم للحياه هنا من غيرك ... وانى عوزاك تشاركنا التفاصيل اللى ممكن تكون صغيره وعبيطه بس هى اللى بتخلى لحياتنا معنى.. وشوفى رده وقوليلى :) ربنا يرجهولك بالسلامه |
[quote=صبرى البرنس;1376806]موضوع غريب جدااااااا بس ده شئ متوقع من ناس خلصت ثانويه........... شكررررا على الموضوع الرائع ده ..............
العفو وهو ممكن تهييس مابعد الامتحانات اقتباس:
ربنا يرحمه امين يارب ..و هو الاحسن من الموضوع انه يكون له رد فعل مش مجرد انى اقرا وابتسم واسكت وكويس انى فكرتكم بالذى مضى لانى عاده بحس ان جزء من الماضى لازم بفضل فى عقلنا يلا ماعلينا :d |
اقتباس:
ويجزيكى مثله يا هنا ومش مشكله البيت بيتك المهم ان اللى بقوله يوصلك بعصير القصب او البيبسى حتى :d اقتباس:
ربنا يرحمه امين .. متعرفش ردك ده فرحنى ازاى اصلا .. لما لقيت حد استجاب يعنى :d ومتقلقش عصير القصب اكيد اكيد مش هيغلى هى العمليه مش ناقصه انهم يغلوه وربنا يخليك بنتك .. خلى بالك منها ومتسافرش وتسيبها ابدا هتحتاجك اكيد بعد كده :d اقتباس:
ممكن نجيب التفسير بتاع فرويد ولا حتى ابن كثير او الراجل الحلو الامور بتاع الله اعلم عامه هو مش حلم اوى دى تخيلات بتاعه اليقظه والنوم وربنا يسهل والواحد يحقق حاجه شكلها سنه مش معديه بس عامه انا واثقه فى ربنا وواثقه فى نفسي كان فى واحده كده مارلين مونورو باين بتقول انا هكون احسن واحده فى الدنيا بس مش عارفه ليه ممكن انا اقول انا هبئا حد كويس جد ا فى المستقبل بس الفرق انى عارفه ليه مع الفرق بين التشبيهين طبعاا :d حبه غرور بئا |
اقتباس:
شووكرا اقتباس:
امين يارب :d اقتباس:
ههههههههههههه امين يارب .. يا بنت باباكى ونشوفك فرحانه يوم النتيجه ان شاء الله :d |
| جميع الأوقات بتوقيت GMT +2. الساعة الآن 04:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.