هو مش كان فى ميعاد؟!
 

بسم الله الرحمن الرحيم
السلام عليكم ورحمة الله و بركاته...
موضوع خطر فى بالى و كان محيرنى جدا...مسألة المواعيد اللى بنطلقها و لابد أن نلتزم بيها..لكن الموضوع بيختلف باختلاف اللى بيكون بينك و بينه معاد..خليك معايا للآخر
مثلا لو فى معاد مع واحد اصغر منك و مفيش مصالح بينكم هيبقى كتر خيرك أوى لو التزمت بالمعاد ..مش كدة .؟
طيب لو معاد مع واحد صاحبك...أكيد هتكون حريص انك تلتزم بالحضور ..ع الاقل عشان متبقاش قدامه عيل..!
طيب لو كان المعاد مع صحبتك و لا حاجة...تخرب الدنيا و تضيع كل حاجة..بس المعاد ميضعش..سبحان الله!
طب نكبر شوية ..لو المعاد مع مديرك فى العمل و لا حاجة...لازم طبعا تيجى قبل المعاد بمدة..الاحتياط واجب دة مستقبلك برده......
انسى بقى كل دة و لله المثل الأعلى...
انت عارف ان عندك معاد كل يوم خمس مرات مع ربك...رب صاحبك و رب المدير....انت عارف ان المعاد دة انت بس اللى بتستفيد منه ...المعاد دة عشان تترحم...مع ذلك ساعات بتكسل تيجى..لا إله إلا الله..! مع ان المعاد مش هياخد أكتر من نص ساعة.....ولو التزمت بس متأخر بتقول اهو احسن من بلاش..مع ان ربنا غنى عنك و عن صلاتك و عن العالمين و انت اللى محتاج لربنا و لصلاتك..فى حاجة أعجب من كدة.؟...سبحان الله ربنا بيقول
( فَأَقِيمُواْ الصَّلاَةَ إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا )..
موقوتا يا جماعة..بتأخر انت لية..فكر...
طب هسألك سؤال..لو رئيس الجمهورية اداك فرصة انك تدخل بيته..ينهار ابيض...مش هتنساها طول عمرك ..
انسى المثل و لله المثل الأعلى..ربنا بيديك الفرصة انك تدخل بيته خمس مرات فى اليوم ..ومع نذلك مش بنيجى...حقيقة أمر يعجز عن تفسيره العقل ...وتقف امامه نظريات المنطق حائرة....
...طب كفاية اول معاد فى اليوم صلاة الفجر...السنة بس خير لك من الدنيا و ما فيها ..طب فى ساعة الفجر دى الارزاق بتتوزع...والأعمال ترفع ..تخيل عندما يسأل الله ملائكته ..عن عبده فلان _ والله أعلم _ عما يعمل فى تلك الساعة ..فيقولون فى المسجد يذكرك يا رب..ثم يسأل الله عنك _ وهو اعلم _ فيقولون له نائم يارب...سبحان الله....
( أَمَّنْ هُوَ قَانِتٌ آنَاء اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَابِ )
طب هسألك سؤال و بالله عليك اصدقنى...لو بينك و بين حد ميعاد و سالت عنه فى الميعاد لقيته نايم ..هتعمل فيه اية ....مش بعيد متشفهوش تانى...
سبحان الله و لكن الله ينتظر عودتك اليه و الى مسجده...فى أكتر من كدة؟!..يا أخى المسجد حن اليك..انت محنتش؟
ولكن تذكر أن الله يمهل و لا يهملك..قد يداهمك الموت الآن..وانت لم تقوم لميقاتك ؟ ماذا ستفعل؟!
الموضوع محير جدا....من فضلك أخى حافظ على مواعيد كويس بعد كدة!!

اضيف الى تساؤلك
كيف تصبر على الشوط الاضافى لنهائى دورى السبنسة
ولا تصير وتتنطط عندما يطيل خطيب الجمعة خمس دقايق؟

فعلا حاجة الواحد لازم يلاقيلها حل

خليلك
خالد

بارك الله فيك

فعلااااااااا مهم الموضوع ده

وخطير


شكراااااااااا لطرحك هذا الموضوع

موضوع جميل و هام

فعلا كثيرون مش ملتزمين فى الصلاة

او حين يؤدون الصلاة يؤدونها بضيق و تذمر للاسف


ربنا يهدى ابناء الامة الاسلامية

و جزاك الله كل خير:)

<div class='quotetop'>إقتباس(خالدالجن @ Sep 1 2006, 09:29 PM) [snapback]207958[/snapback]</div>تعرف يا خالد...القران مسبش حاجة..وجاوب على سؤالك خير اجابة..
اسمع قول الله تعالى..
( قَالُوا رَبَّنَا أَمَتَّنَا اثْنَتَيْنِ وَأَحْيَيْتَنَا اثْنَتَيْنِ فَاعْتَرَفْنَا بِذُنُوبِنَا فَهَلْ إِلَى خُرُوجٍ مِّن سَبِيلٍ (11)ذَلِكُم بِأَنَّهُ إِذَا دُعِيَ اللَّهُ وَحْدَهُ كَفَرْتُمْ وَإِن يُشْرَكْ بِهِ تُؤْمِنُوا فَالْحُكْمُ لِلَّهِ الْعَلِيِّ الْكَبِيرِ )...
تحب نوضح اكتر..اسمع قول الله تعالى
( وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ )
.... فهل يرضى أحدكم ..أن يكون من الذين لا يؤمنون بالآخرة..
شكرا خليلى خالد على مرورك الرائع..اللى أضاف كتيير للموضوع..



<div class='quotetop'>إقتباس(dreams @ Sep 1 2006, 09:30 PM) [snapback]207959[/snapback]</div>وبارك الله فيكم ..شكرا للمرور


<div class='quotetop'>إقتباس(TEMON @ Sep 1 2006, 09:31 PM) [snapback]207960[/snapback]</div>شكرا لمرورك الرائع تيمون

<div class='quotetop'>إقتباس(hkk-happy @ Sep 1 2006, 09:32 PM) [snapback]207961[/snapback]</div>للأسف هم كتيرون جدا....وللأسف هو دة الجهل بعينه
قال رسول الله صلى الله عليه و سلم فى حديث فيم معناه..
(لو يعلم الناس فى صلاة العتمة و الفجر..والثف الاول من خير ثم لم يجدوا إلا ان يستهمو عليه لاستهمو ا عليه )
سبحان الله....
شكرا لمرورك الرائع حابى

ايوة فعلا عندك حق
المفروض ان كل اللي ف المنتدي
يشجعوا بعض علي اقامة الصلاة ف وقتها
شكرا ليكي

موضوع رائع يا محمد وباهنيك عليه
جزاك الله كل خير

الله عليك يا محمد ..

موضوع رائع والله ...

ودخل للموضوع من مدخل كويس ..
برافو والله

فعلا اهم المواعيد التى يجب ان نلتزم بها
هى مواعيدنا مع الله

شكرا على الموضوع

<div class='quotetop'>إقتباس(Assmaa @ Sep 1 2006, 09:54 PM) [snapback]207978[/snapback]</div>خلاص يبقى من دلوقتى...من غير المفروض...
أهم حاجة كل واحد يبدأ بنفسه....ثم يشجع غيره على الخير
شكرا اسمــــــاء لمرورك و اضافتك الطيبة
جزاكى الله خيرا


<div class='quotetop'>إقتباس(hassan_23690 @ Sep 1 2006, 09:56 PM) [snapback]207983[/snapback]</div>شكرا حسن لكلامك الجميل دة
جزاك الله خيرا..


<div class='quotetop'>إقتباس(ahmedation_4ever @ Sep 1 2006, 10:23 PM) [snapback]208003[/snapback]</div>شكرا احمد لكلامك الجميل دة..يارب الكلام يقع موقع الاستفادة
جزاك الله خيرا


<div class='quotetop'>إقتباس(بورسعيدى @ Sep 1 2006, 11:31 PM) [snapback]208052[/snapback]</div>....مظبوط استاذ بورسعيدى...
شكرا لمرور حضرتك و اضافتك الرائعة

السلام عليكم ورحمة الله وبركاته
جزاك الله كل خير اخى فى الله بجد موضوع اكثر من رائع فعلا هناك الكثير من الناس يحتمون بامور الدنيا ولا يهتمون بلاخره
ويهتمون بلعباد وينسون رب العباد
لو الشباب فعلا ورائهم معاد مع حتة بنت اى بنت يجرى ويلبس الحته العلى الحبل باه ويجرى ويجرى ويلف ويدوخ لغايت ما يخده
ويا سبحان الله ان رب هذه الفتاه الاحسن منها ومن احلى بنات العالم مديله الفرصه انه يقابله فى اى مكان وفى اى زمان وفى اى وقت انت انت ايه العبد التختاره وبرضه مينفذ معاد الله كا نه لا يريد لقاءه
ولتانى مره جزاك الله كل خير اخى على التزكره

جزاك الله
كل خيررررر
صدام ؟~

جزاك الله كل خير يا محمد

وأن شاء الله في ميزان حسناتك


أنا الحمد لله باحاول قدر الأمكان أصلي كل الصلوات في المسجد لكن للأسف الشديد قليل جدا أما باصلي صلاة الفجر حاضر


اللهم أهدني وأهدي جميع شباب المسلمين

وأحب أقولك أن فعلا مواضيعك تعتبر من أحسن المواضيع ودة عشان في حاجة أساسية في كل مواضيعك ما شاء الله عليك مابتنسهاش أبدا

هي الأستشهاد بالقرأن الكريم وتثبيت كلامك بالأحاديث الشريفة

ويا ريت كل أعضاء المنتدى يهتموا بالموضوع دة في كتاباتهم قدر الأمكان

وجزاك الله كل خير مرة تانية يا محمد

جزاك الله خيرا اخي