|
لفين
لفين لما بيزيد الحنين ع المجروحين يصبح أنين ........من غير كلام يبقى السلام جوا النفوس ....... مكسور وندور ونبعد بس مش عارفين لو يوم هنوصل واللا يوم ... راجعين ولفين يا سكة غربة العاشقين !!! * * * مجنون ياطير مجروح عايز تروح على فين !!! وانت كسير الروح طاير بغير جناحين دي الغربة كاس مليان فيه المرار ألوان مايبانش غير بعدين لو دُقْتُه مرة تقول مشوارنا مش هيطول دول هما بس يومين واليوم يجيب اليوم تلقى الشموس بتغيب ويغيب معاها النور وندور ونبعد .... بس مش عارفين لو يوم هنوصل واللا يوم راجعين ولفين يا سكة غربة العاشقين ؟ ........ولفين !! ؟ العزب فتحي |
تحية احترام وتقدير لحضرتك
مجنون ياطير مجروح عايز تروح على فين !!! وانت كسير الروح طاير بغير جناحين دي الغربة كاس مليان فيه المرار ألوان ايه الروعه دي ياستاذ عزب يسعدني اكون اول من يعلق على رائعتك تسلم يداك تحياتي |
عموما انا دايما باجى متأخر وعلشان دايما مشغول سامحنى على تقصيرى فى الرد عليك فورا ولكن الأخت نغم سبقتنى ودايما هيا سباقة بالخير
|
لفين لما بيزيد الحنين ع المجروحين يصبح أنين ........من غير كلام أجمل حاجة فى بدايات القصائد هى الإفتتاحية اللى بتحسسك ان الشاعر دا كان لسه بيكلمك قريب منك لسه قافل معاك السماعة بس فيه تعليق:المجروحين بجراحهم هم فى أنين من هذه الجراح يعنى كدا كدا مش هاتفرق معهم لما يزيد الحنين عليهم يبقى السلام جوا النفوس ....... مكسور وندور ونبعد بس مش عارفين لو يوم هنوصل واللا يوم ... راجعين ولفين يا سكة غربة العاشقين !!! جميلة يا شاعر : السلام مكسور وكأنه شيىء معرض للكسر يعنى مش عارف يكون مجبور ولا هايكون بينكما * * * مجنون ياطير مجروح عايز تروح على فين !!! وانت كسير الروح طاير بغير جناحين دي الغربة كاس مليان فيه المرار ألوان مايبانش غير بعدين لو دُقْتُه مرة تقول مشوارنا مش هيطول دول هما بس يومين واليوم يجيب اليوم تلقى الشموس بتغيب ويغيب معاها النور وندور ونبعد .... بس مش عارفين لو يوم هنوصل واللا يوم راجعين ولفين يا سكة غربة العاشقين ؟ ........ولفين !! ؟ للغوص بقية |
اقتباس:
أشكرك على سرعة متابعتك وكما يقول الأخ الصديق الشاعر محمد علي أنت سباقة بالخير وأنت له دائما شرفني ردك تحياتي العزب |
اقتباس:
دايما مشغول .... كان الله في العون تحياتي العزب |
شكرا لكل من قرأ القصيدة
|
اقتباس:
اقتبستها كلها لأن كل كلمة فيها حكاية و اسلوبها كالعادة روعة و الفكرة مؤثرة جدا جدا و رسالة واضحة و حضرتك صورتها بحزن و أنين رائع دمت لنا مبدعا |
ابدعت وتألقت
في الملحمه الشعريه الرائعه بجد خرافه تسلم يداك ودمت مبدعا |
مجنون ياطير مجروح مجروح، تروح- ما اجمل اللعب بحرف الحاء وما أصعب التوهان وعدم معرفة المصير عايز تروح على فين !!! أعتقد انه استفهام وانت كسير الروح ما أروعها كلمة كسير هنا برعت فى اختيارها طاير بغير جناحين أوجزت صديقى الشاعر فكلنا نطير مثله بدون جناحات دي الغربة كاس مليان فيه المرار ألوان معلشى صديقى العزيز تسمحلى أعترض على السطرين دول : ليه بقى ، هذا المعنى مستهلك جدا فى الأغانى الشعبية والموروثات بتاع الكاس وآهين يا زمن وياليل يا عين والمرار والألوان وانا أعلم انك مبدع ومجدد مايبانش غير بعدين لو دُقْتُه مرة تقول مشوارنا مش هيطول دول هما بس يومين قصدك من الشرب؟ واليوم يجيب اليوم تلقى الشموس بتغيب ويغيب معاها النور وندور ونبعد .... بس مش عارفين لو يوم هنوصل واللا يوم راجعين ولفين يا سكة غربة العاشقين ؟ ........ولفين !! ؟ كلمات جميلة جاية من عبقرى وفنان وعاوزين نشوف ابداع جديد واسأل عنى مرة من نفسى |
الله الله الله عليك أستاذ عزب شاعر ومبدع دائما فى تألق منتظرين المزيد من الأبداع ربنا يوفقك |
اقتباس:
ربنا يكرمك ويبارك فيك ده بعض ما عندكم أشكر مرورك الكريم وشرفت به تقبل تحياتي العزب |
uppppppppppppppppppppppppp
|
اقتباس:
وأشكر مرورك الذي شرفت به وكل عام وأنتم بخير العزب |
تحية احترام وتقدير لحضرتك
استاذي الفاضل العزب
بمناسبة عيد الفطر المبارك كل عام وحضرتك بالف الف خير اسمحلي ادخل مره ثانيه للتعليق على قصيدتك الرائعه لانك ابدعت وتألقت بها ولو اقراها مائه مره فاني لاأمل من قراءتها دمت مبدعا ومتألقا تحياتي |
| جميع الأوقات بتوقيت GMT +2. الساعة الآن 02:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.