|
ايه هو الالتزام من وجهة نظرك ؟
السلام عليكم ورحمة الله وبركاته ازيكوا يا جماعة ايه ااخباركوا يارب تكونوا بخير موضوع عباره عن سؤال ايه هو الالتزام من وجهة نظرك ؟ منتظركوا عشان فيه كلام كتير اوي هنا في امان الله |
ايه ده انا أول وحده هارد
هنور الموضوع طبعا:d المهم اقتباس:
كان نفسي أسأل السؤال ده لناس كتير اوي هنا في المنتدى يعني الموضوع جه في وقته بصراحه سؤال محرج:blush: ــ الالتزام مش وجهه نظر الالتزام يعني الالتزام في ناس كتير أوي بتفتكر ان هي ملتزمه وهي ولا حاجه (وانا وحده منهم:)) الالتزام مش ان الواحد يلتحي او يقصر البنطلون او يلبس نقاب لان الحاجات دي الوقت أصبحت موضه الالتزام هو اتفاق الداخل مع الخارج يعني القلب يتفق مع المظهر اول حاجه لازم نحب ربنا أوي ونفتكر لما نيجي نعصيه احنا بنعصي مين (بنعصي الله) صعبه اوي تاني حاجه نحب الرسول صلى الله عليه وسلم ونتبع سنته ونثق فيها ثقه عمياء وده هو الالتزام بجد لان الرسول كان كامل متكامل لو اتبعناه في كل حاجه هيكون ده قمه الالتزام تالت حاجه ان انا نرضى بقضاء ربنا في اي شئ ومنزعلش من قدرنا(زي نتيجه الثانويه العامه كده:d) بس كده دي وجهه نظري المتواضعه والله كان نفسي الموضوع ده يكون في قسم العام علشان نشوف رأي العباقره الي هناك:stickjo4: شكرا على الموضوع يا شريف |
مممممممممممممممم جميل سؤالك ياشريف هاقولك اول حاجة مين هو الملتزم لو جينا نشوف الاديان الاخرى مسيحية كانت او يهودية او بوذية او ايااااااااااا كانت هانلاقي ان كل الناس فيها ملتزمين كل مسيحي ملتزم عشان هو مسيحي ده مجرد مثل يبقى احنا بقى احق بان يكون كل مسلم هو ملتزم بمعنى انا مسلم ............اذا انا ملتزم وتكون قاعده حضرتك راجل محترم بتؤدي فروضك وكيس وفطن ورجل صوام قوام وانا رجل بيؤدي فروضه بس واخلاقي كويسة وده رجل بيؤدي فروضه لكن اخلاقة مش قد كده وده رجل بتسقط منه فروض احيانا كللللنا ملتزمين لكن بنختلف ف درجة الالتزام انت على درجة عالية من الالتزام انا على درجة اقل منها والللي بعدي على درجة اقل وفي ناس التزامهم بدا يموت بمعنى انهم فرطو ف اسلامهم بدرجه كبيرة جدا فمن وجهه نظري كل مسلم ملتزم ...نختلف في درجات التزامنا جزيت كل الخير السلام عليكم :078111rg3: |
عجبتنى اوى الجمله دى
اقتباس:
ان الانسان يصلى ويصوم ويبقى على درجه عاليه من الأخلاق والفطنه واسلوبه راق بما يكفى للتعامل مع الناس تعاليم دينه يحرص عليها .. مش بتكلم على اللحيه ولا ده خالص لأن فى اهم من كده بكتير .. يعنى قبل ما نحاول نطلق اللحيه ممكن نقول ان قدر من الأخلاق والذكاء هيبقى افضل من تربيتها مع عدم دول .. ان يكون المسلم عنده قدر من الوعى بدينه وبدنياه .. قدر من المنطق فى تحليل اموره قدر من الأستيعاب لآراء غيره . هو فعلاً الموضوع محتاج شرح كتير بس كفايه لحد كده . موضوع جميل جزاك الله خيراً |
اكيد الالتزام مش كلمة وبس الالتزام عمل وفعل مش لازم يكون في ظاهر الانسان ممكن يكون داخله كمان صراحة سؤال جميل الالتزام (سلوك ، صلاة ، عبادة ، عمل ، والله واشياء كتير ) بس الانسان الملتزم مش محتاج يعرف ايه مطلوب منه بجد شكرا على الموضوع ومتهيالي سؤال صعب الاجابة عليه |
اقتباس:
شكرا يا بسمة علي مرورك بجد نورتي الموضوع في امان الله |
اقتباس:
جميل اوي ردك بس اختلف معاكي في ان كل مسلم ملتزم انتي عممتيها في قاعدة عامة متنسيش ان فيه مسلين مش بتقضي فروضها اصلا وده معناها ان هي كده مش ملتزمة انا عاوز منك تعريف للالتزام منتظر ردك شكرا يا هنا علي ردك في امان الله |
اقتباس:
شكرا جزيلا علي ردك بس ايه علاقة الذكاء بالالتزام ؟ واكيد طبعا الانسان لازم يكون عنده وي بس مش ذكاء بس حضرتك شايف ( ش عارف والله حضرتك بنت ولا ولد هتكلم علي اساس ولد ) حضرتك شايف ان الافضل ان الانسان يكون عنده اخلاق افضل من انه يربي لحيته ياريت توضيح في الحتة دي معلش وجزاكم الله خيرا |
اقتباس:
جزاكم الله خيرا علي رد حضرتك بس ممكن يوضيع للعبارة اللي فوق وجزاكم الله خيرا في امان الله |
///// ماشــاء اللـــه .......... كــــلام من ذهــــــب ........... لا ســــيما جملــة : أن يتفـــق الداخــل مع الخــــارج ......... هذا هو الالتـــــزام الحقيقـــــى ........... اللــه يفتــح عليكم ويبـــــارك فيكــــــم \\\\\
|
اقتباس:
ماشي في ناس مش بتقضي فروضها اصلا انا معاك ف دي لكن لو جيت قولتلو كل لحم خنزير او اشرب خمر يقولك لأ حرام الاسلام حرمه وانا مسلم احنا لو جينا نشوف حركة زي الوجودية هانلاقي ان سارتر كانت مؤلفاته اللي هيا نقد نقول عنها افكاره بيغلب عليها فكرة الالحاد او عدم الايمان بوجود اله ليه قال لان اليمان بإله او التقيد بدين يقيد حرية الانسان ويجعل له ضوابط وحدود ده سارتر اللي قال كده معنى كده ان مجرد الانتماء لدين ده في حد ذاته يعتبر التزام فين بقى درجة الالتزام دي ده موضوع تاني |
اقتباس:
يعني مش محتاج يعرف ايه المفروض يعمله سواء كان صح او غلط يعني مش مستني ان اي شخص يطلب منه عمل شيء معين لان من البديهي انه هيكون ملتزم بيه يا ريت تكون وضحت لحضرتك وجزاك الله خيرا على الموضوع |
انا رايي لو حبينا نخلص الالتزام في جمله هنقول ان الالتزام هو :
ان تنفذ ما امر به الله ورسوله وتجتنب ما نهي عنه الله ورسوله صلي الله عليه وسلم واللهم اجعلنا كلنا يا رب من الملتزمين واهدينااااااا قولو امين |
الالتزام يعنى شياكه جمال فى اللبس جمال فى اسلوب الكلام تواضع لاى حد صلاه لله مش للناس ان الواحد يعيش حياته صح يخلى الحياه كلها عباده الالتزام = فهم الدين صح |
السلام عليكم
علشان يطلق عليك لقب ملتزم لازم اهم حاجة انك تتطيع الله ورسوله فى كل شئ يعنى فى ناس بتقول ان الالتزام مش فى اللبس لا الالتزام ايضا لازم يدخل فيه جزئية اللبس والمظهر لان ده من طاعة الله ورسوله ايضا وفى حاجة تانية وهى وان تكون عارف ان افعالك دى نابعة من صدقك مع نفسك ومع الله عز وجل وانك متكنش منافق فيها وبتعملها بغرض انك تظهر للناس كدة وبس تقبل رائيى المتواضع وجزاكم الله خيرا على هذا الموضوع |
| جميع الأوقات بتوقيت GMT +2. الساعة الآن 06:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.