بوابة الثانوية العامة المصرية - لـــســان مصر .. قصيدة مؤثرة جدا

القصيدة هى " مش باقى منى " للشاعر / جمال بخيت و هى من أجمل ما كــُتب عن مصر

بعض كلماتها غناها أحمد سعد لفيلم دكان شحاتة لكن اما اتغنتش كاملة عشان طويلة

بس مؤثرة جدا جدا و دى بعض مقتبسات منها //

اقتباس:

مش باقى منى
غير شوية ضى فى عنيا
انا حديهملك وأمشى بصبرى فى الملكوت
يمكن فى نورهم تلمحى خطوة
تفرق معاكى بين الحياة والموت
مش باقى منى غير شوية نبض فى عروقى
خدى وعيشى و أفتحيلى تابوت

اقتباس:

مش باقى منى
غير شوية لحم فى كتافى
بلاش يتبعتروا فى البحر
بلاش يتحرقوا فى قطر الصعيد فى العيد
بلاش لكلاب الصيد تناوليهم
خدى الى باقى من الأمل فيهم
وابنيلى من عضمهم فى كل حارة مقام
وزورينى مرة وحيدة لو كل الفين عام

اقتباس:

مش باقى منى
غير شوية قوة
فى ارادتى
على شوية شعر
من خطى
حاسبى عليهم
وانتى بتخطى
وانتى فى صبح الدلال
بتعطرى شطى

القصيدة كاملة بإلقاء الشاعر الكبير // جمال بخيت

الإلقاء الذى جعل كل من سمعها يبكى حبا لمصر

شـــــــاهـــــدها هـنـــــــــا