|
مين ...انت بتسالني انا!!
السلام عليكم اول يوم في الجامعه الجو جميل بشر جداد اسلوب جديد انتقال من مرحلة سنيه صغري الي مرحله سنيه كبري وطبعا اول يوم في الجامعه هو بمثابة القلم الي هترسم بيه الخطوط العريضه في حياتك المهم دخلت انت الجامعه بصيت يمين وشمال لقيت اشخاص جداد عليك منهم الي غني ومنهم الي متوسط ومنهم الي فقير واثناء ما انت بتبص ع الناس وتفكيرك مشغول بالحياه الجديده لقيت ايد جايه من وراك وقطعت تفكيرك واستقرت علي كتفتك وصاحبها صوت غريب بالنسبالك بيقولك السلام عليكم ازيك عامل ايه انا اسمي ومعاك هنا في الكليه ما تيجي تقعد معانا بدل ما انت قاعد لوحدك المهم رحت وتبادلتم الضحكات والهزار وجه سؤال كده ما صحيح انت والدك شغال ايه يا .......؟ والسؤال ده كان بمثابة السيف علي رقبة الانسان لان والدك شغال عامل نضافه مش عارف تكدب ولا تقول الحقيقه ولكن استقر علي انه يقولهم ........... ياريت من كل عضو حابب يرد علي موضوعي يكمل مكان النقط الي في الجمله الاخيره ب هل انت هتكدب ولا هتقول الحقيقه ولو كدبت ليه ولو هتقول الحقيقه ياريت تقولنا برضه ليه :) |
بصراحة يا محمد موضوع ممتاز
بس الانسان برده بيعيش تحت ظروف هو مش ليه اي ذنب فيها وكل واحد بياخد نصيبه ولازم يرده بيه وبلاش موضوع التجامل والكلام الفاضي ده لان مفيش حاجة نسناهل بس الانسان يحاول يصلح من نفسه ويجتهد بقدر الامكان علشان يحسن مستوى المعيشة بس لو انا اكمل مكان النقط هقول الحقيقة وبكل صراحة والسبب وضحته شكرا مرة ااخرى على التوبيك في رعاية الله |
هقول عامل نظافه وبكل فخر لان الانسان هو اللى بيجبر الانسان اللى قدامه يحترمه لو قال عامل نظافه وهو وشه جايب الوان هيسخروا منه لكن لو قالها عادى هما بردوا هيخدوها عادى لكن الكدب طبعا ده مرفوض تماما لانه هيتكشف هيتكشف:slap1qk6: |
طبعا هقول عامل نظافة ومن غير كدب لان الانسان ملوش ذنب قى حاجة
ودة نصيبو وال ملوش خير فى اهلو ملوش خير فى اى حاجة ولازم يتفخر باهلة واصلو شكرا على الموضوع |
هقول الحقيقة عامل نظافة عادي من غير اي حرج
لان عامل النظافة دي مهنة شريفة زي اي مهنة تانية والحقيقة لازم هتتعرف في النهاية |
طبعا هأقول الحقيقة
لأن عامل النضافة زيه زي اي وظيفة بيكسب رزقه من عرق جبينه احسن من ناس تانية .. احم :d |
طبعااااااااا هقول عامل نظافة ... هو اللي صرف عليا ورباني وعلمني احسن تعليم لحد ما جبني هنا ....
احسن من ناس تانية وطرق تانية .... شكرااا على الموضوع الجميل........ |
اقتباس:
يعنى يكون رد جميلى لبابا اللى تعب عشانى |
بتختلف من شخص لاخر يا محمد فى ناس هتتحرج تقول عامل نظافة وفى ناس هتقولها ووشها يحمر وفى ناس هتقولها كأن باباهم وزير بس ليه نكدب لازم تفتخر بوالدك مهما كان متنساش ان عامل النظافة اللى هو والدك هو بردو اللى وصللك للجامعة اللى انت فيها وهو اللى دفع دم قلبه وطلعك احسن منه ودا كان هدفه فى الاخر وبعد دا كله تستعر منه ليه مفيش حاجة اسمها انى لا اكذب ولكنى اتجمل زى ما احمد زكى ماقال وفى النهاية بتختلف من شخص لاخر فى ناس هتقول وفى لا وفى هيدارى وفى هيتوه من الكلام عموما النظافة من الايمان ومعا لتجميل بيئتنا زى ما مكتوب على سور المدرسة :d حلو الموضوع ده يا واد يا محمد مقولتليش والدك شغال ايه :d دمتم زى منتم |
حاسة انى بقالى كتير مبشوفكش يا محمد او بشوفك بش مش ف مواضيع حمدالله عالسلامة موضوعك حلو بس هقولك لو انا مكانه اكيد هسكت افكر شوية مش هقولك شعارات و انا فخورة بكدا ابقى بكدب عليك لكن اكيد هفكر و اكيد تفكيرى هيرسى على انى هقول وانا بهزر و بضحك و اقول الحقيقة عشان ادارى التوتر اللى حصلى لكن ابعد حاجة انى اكدب و انا عارفة ان مفيش كدبة هتفضل مستمرة و اكيد شكلى هيبقى اوحش لو اتعرف انى بكدب بس بصراحة المفروض الواحد يتكلم بخر لان ده مش عيب يعنى عامل النظافة ده كافح و دخلتى الكلية اللى عايزاها و خلانى متساوية بابن الوزير و مفيش حد احسن من حد :028ja7: و اكيد كمان هقول انه اعظم انسان فى العالم عشان اعود نفسى انها تتواضع و انتوا عارفين ان اصعب شئ مواجهة النفس شكرا عالموضوع يا محمد فى امان الله |
مش عارفه ساعتها هعمل ايه؟
بس اللى متأكده منه انى اكيد مش هكدب بس بعيد عن الموضوع ده انا مش عارفه هعمل ايه بجد اول يوم ف الجامعه ؟ مش عارفه هصاحب ازاى ؟ هقعد فين؟ هفضل ماشيه لوحدى؟ ربنا يعدى اليوم ده ع خير وحد م اثحابى يبقى معايا ف نفس الكليه |
اقتباس:
بجد والله انتى بتفكرى نفس تفكيرى هل هنلاقى اصحاب زى بتوع ثانوى وهل هيكونوا مخلصين مش عارفين بس اكيد هنلاقى اكيد .......وشكرا يامحمد على الموضوع انا هحط مكان النقط اهم اهم اهم عشان مكدبش عليكــ انا ممكن فى مواقف ومواقف لا اصلا اكيد برده احنا بنتحرج بس والله كلها مهن مفيدة جدا ومفيهاش اى عيب بس العيب فى المجتمع........تقبل مرورى يابوب |
اللي ملوش خير في ابوه مش ليه خير في حد خالص
هقول الحقيقة وكلي فخر شكرررراااااااا ع الموضضوع |
اكيد طبعا نقول الحقيقة حلو الموضوع يارصاصة الرحمة :d
|
اخى الكريم السلام عليكم ورحمة الله وبركاته
الكذب مباح فى امرين امام الله الاول الحرب ضداعدا الله والثانى لاصلاح بين الناس فهل هناك ثالث تقبل مرورى |
| جميع الأوقات بتوقيت GMT +2. الساعة الآن 10:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.