هل أنت متدين هاوى أم محترف؟؟؟؟؟؟؟
 

السلام عليكم ورحمة الله وبركاته

عايز كل واحد يقرأ الكلام ده ينزّله على نفسه

بلا إسقاط على الآخرين وإنما يكون كل همّك .....

أنا ...............أنا هاستفيد إيه فعلا من الكلام ده ؟

عشان الشيطان لما بيلاحظ إنك ممكن تستفيد –

دينياً- من أي موضوع بيشوّش عليك ويخليك تقرأ

الموضوع بأي نيّة تانية المهم إنها تكون لغير الله.

فاقرأ لله ....... والله هاتحس بفرق ........ يمكن يا

أخي مجرى حياتك كلها يتغير بسبب كلمة قرأتها !!
آسفه للمقدمة الطويلة ..... ولكن كان لابد منها عشان أبدأ

لأنه موضوع حياة أو موت !
أقصد حياة أو حياة برضه !!!:angry2:
لأنها إما حياة في الجنة أو حياة تانية في النار

في ناس هاتقفل الموضوع هنا
Close وريّح دماغك:abdoog8:
ايه الغم ده عالصّبح ؟!!

وفي ناس هاتقول : تعالى لما نشوف الراجل ده بيبيع ايه ؟

إلى هؤلاء .... وهؤلاء فقط أقول :

هناك فرق بين لاعب الكرة المحترف ....... ولاعب الكرة الهاوي
!

لاعب الكرة المحترف ....... متفرغ للكورة ........ وقته كله كورة ...... بينام بدري عشان يصحى يتمرن كورة .... بياكل أكل معين عشان الكورة ...... متابع لأحدث التمرينات والحركات والترقيصات والتنطيطات و...و...و...
وعشان كدة سعره عالي عند الناس اللي بتقدّر الكورة
طيب ....
والهاوي ؟!!:d
الهاوي مش متفرغ للكورة ...... ممكن يكون لما بيفضى بيلعب كورة ........ مش متابع أحدث التمرينات ....
وبالتالي سعره طبعا مش عالي ...... وممكن يكون مالوش سعر أصلاً .

السؤال هنا :هل أنت متديّن محترف أم متديّن هاوي ؟؟؟؟؟؟:confused:

ولا مش متديّن أساساً ؟!!!;)

هل أنت متابع لأحدث الأمراض التي تتغلغل بداخل قلبك ؟

هل تعالجها؟

هل تحاول حتى؟

هل الدين أهم شيء في يومك ؟ .........ولا لما بتفضى ؟........... ولا مابتفضاش ؟

هل تجاهد عينك البصباصة ؟:028ja7:

هل تسمع أصوات أقلام الملكين وهما يكتبان ذنوبك ؟

هاتعمل ايه لو واحد صديقك صوّر صحيفة أعمالك 200 نسخة ووزعها على كل الناس اللي حواليك؟

يا ترى سعرك كام عند ربنا ؟ سعر المحترف ؟؟..... ولا سعر الهاوي ؟؟.......... ولا انت اللي عليك فلوس ؟؟!!;)

هل لا زلت تشعر أنك لا تحتاج أن تتوب؟

لافعلا محتاج تتوب كل يوم ع الاقل قبل النوم

صلى ركعتين لله وتوب فيهم متقولش مش هينفع

كل يوم لاانت مع ربنا ارحم الراحمين الذى قال

(خير الخطائيين التوابين)


بسم الله الرحمن الرحيم


(قل ياعبادى الذين اسرفوا على انفسهم لاتقنطوا من رحمة الله ان الله يغفر الذنوب جميعا)

للاسف مش بعرف اشكل بارك الله فيكم

بقلم شهد الجنة

جزاكي الله خيراا
موضوع رائع والله
واسلوب جميل جدااا
ربنا يكرمك يارب

ايه ده شلة الانس كلها هنا

نورتونى بجد وبارك الله فيكم

ما شاء الله لا قوة الا بالله
موضوع اكثر من رائع
جزاك الله خيراااااااااااااااا

جزاكى الله خيرا ياسماااااسم

وبارك الله فيكى

جزاكي الله خيرا
بجد موضوع شيق جدا

ايه الجمال ده
موضوعك ممتاااااااااااااازه
والله فوق الوصف
بجد لازم نتوب ونراجع نفسنا كل يوم
بجد كلنا مقصرين في حق ربنا
نفسنا نعمل حاجه وكل حاجه للاسلام
ربنا يوفقنا جميعا لخدمه الاسلام
وربنا يبارك فيك ياغالي علي موضوعك