|
انت وزير التربية و التعليم للعام القادم
:bosyht9: تعلوا نحلم شوية و كل واحد يطلع اللي جواه هتعمل أيه لو انت وزير التربية و التعليم للعام القادم شوفوا الافكار اللي هتخرج من عقولنا يالله أول وزير هيعمل أيه ؟؟؟؟؟:stickjo4: |
احم احم بما انى وزيرة ناو اول القرارات اللى هاخدها هى تنظيف المدارس الحكومية ة ما حولها يعنى هاجدد الفصول و البوردس (السبورات) و الغرف بتاعة المدرسين كده يعنى و الشوارع اللى حول المدرسة لان الحاجات دى هتاثر على صحة الطلبة هتقولى ازاى الكلام ده هيحصل هاقول اتعاقد مع شركة نظافة و نعمل الموضوع ده تانى حاجة هاهتم بتغذية الطلاب جسديا و روحيا و عقليا و كل حاجة بحيث انى هاهتم بانى ادخل نظام جديد شوية فى الحصص بتاعة الالعاب دى يعنى ممكن استعين بمدربين او مش ضرورى مدربين ممكن اختار احسن كفاءات كليات التربية الرياضية هاخلى فيه حصة للقراءة غير الموضوعات بتاعة العربى دى بمعنى انهم يقروا كتاب و يناقشوه سوا هاعمل تعاون مع وزارة الصحة عشان الكشف الدورى على صحة الطلاب امممممممم ايه تانى كفاية كده ناو |
و الله قرار مش بطال
بس المشكلة أنك لو نظفتي حول المدارس طب مقالب الزبالة تبقى فيييييييين |
اناعن نفسي هلغي المدارس اصلا
اذا كنت انالسة رايحة 2ثانوي وزهقت اما هعمل ايه بعد كده |
انا بقى لو هابقى وزير التربية والتعليم
اول حاجه هلغى سنه سته ابتدائى تانى حاجه هالغى الحاسب الالى لغه اساسيه تضاف للمجموع واضع التربية الدينيه بدل منها ثالث حاجه نظام الثانوية العامه يكون على سنتين اعادة توزيع مقررات المناهج التعليمية بعدل وبدون ظلم وخاصة فصول مادة الاحياء لانها كتيره شوية خامس حاجه بقى وضع نظام مراقبه سريه على الفصول والمكاتب علشان اشوف الشغل سادس حاجه تنظيف وتجميل المدرسه وكل سنه وانتم طيببين استنونى فى عام 2050 لما ابقى وزير |
ميرسي على الكابوس دا ..اقصد ال(حلم)
و اللهي ان كان عليا انا ههد التعليم كله و ابنيه من جديد بالمواد الغبيه (الدراسية) و هكتر مرتب المدرسين الي عندهم ضمير و علم بس و هشيل الباقي و هلغي الدروس حقيقي مش (كلااااام) و ههد السناتر الي بقت اكتر من المدارس و هزور المدارس و اتابعهم بنفسي (فينك يا علي مبارك) و هعمل مكان مخصص لشكاوي الطلاب و اولياء الامور و هناقش معاهم القضايا المهمة و هعمل في كل مدرسة اقسام للترفيه و الذكاء و الاختراعات و العلوم و كده يعني اخلي في حركة و فكر في كل مدرسة(بيعملوا كده و اكتر في اي دولة تانية غير حبيبتي مصر) و هحط المدرسين الممتازين اوي في ابتدائي عشان يبقى التاسيس صح (مش تيجي تسال طالب ثانوي بتعرف تضرب ....x.... يقولك مخدنهاش ) بتحصل:friendsxs3: و اكتر و اللهي محتاجينه يتعمل بس احنا في حبيبتي مصر ربنا يتولنا برحمته جزاك الله خير |
اقتباس:
قراراتك جميلة جدا وهيه لما تتنفذ ها تاخد كام سنة همه من ايام الفراعنة لحد دلوتى ماعرفوش يقضوا على القمامة تعاقدوا مع شركات مصرية واجنبية وبرده ما عرفوش يا ريت تركز على النظافة وتقولى ها تعملى ايه ( بالضبط ) |
اقتباس:
قراراتك جميلة جدا وانا لو كان فى ايديه السلطة كنت عينتك انت ولمى وزراء للتعليم مناصفة واعطيكم مهلة سنة واقيم النتيجة بعد السنة دى تتخيلوا هايكون التقييم ايه؟ |
انا عن نفسى اول حاجه هعملها
لازم تبقى الفصول منظمة ونظيفة ونخلى المدارس مش مشتركة اعمل مناهج جديدة تعتمد على العقل المفكر و ا قسمها بالتساوى جدول الامتحان يكون كالاتى :فى اليوم مادة واحدة و بين كل يومين يوم فاضى عشان الطلاب يذاكروا كويس احط كاميرات مراقبة فى المدارس من غير ما المدرسين يعرفواواشوفهم بيعملو ايه بالظبط مياخدوش فلوس كده ع الفاضى من غير ما يشتغلو ده حرااااااام اخلى المدارس فترة واحدة وابنى مدارس جديدة يعنى اخلى ع الاقل فى كل قرية مدرسة واحدة من كل نوع(ابتدائى -اعدادى-ثانوى) عشان الازدحام اللى فى الفصول يقل والتلاميذ اللى فى المدرسة يحافظوا على نظافة المدرسة والا يدفعوا غرامة كبيرة منع الضرب فى المدارس |
أولا بشكرك على الفكرة دى إلى ضيعتها عليا لأنى كنت نويه أنزلها فى موضوعى تخيل لو...؟ عموما حصل خير
أما بقى لو بقيت وزيرة التربية والتعليم هعمل عمايل 1 - هلغى الرياضة المعقدة دى وهخلى الجمع والطرح والقسمة الحاجات إلى ممكن نستخدمها بس 2 - هلف مدرسة مدرسة طول السنة مش هقعد فى مكتب وأشيل المدرسين إلى أصلا مش مدرسين 3 - هخلى شئون الطلبة من الطلبة ومجلس الأمناء كمان هخلى الطلبة هى إلى تختار المدرسين لى يدرسولهم كفاية كدا بقى أحسن أنا سرحت قوى فكرة جميلة |
هاستقيل عشان يقولوا
ياااااااااااااه دة أول وزير يبقى عنده دم ويستقيل !! |
هخلى يوم الاحد أجازة لانة يوم ممل وهوزع على الطلبة وجبات مجانية وهزود حصص الالعاب وهلغى التاريخ والجغرافيا لانهم عقدونى
وكل طالب لية مصروفة يعنى هعيشهم |
انا عن نفسى هلغى التعلييييييييييييييم عشان الجيل ده جيل الكمبيوتر والتكنولوجيا وبيتعلموا لوحدهم وانا مش مستعدة يبقى يبتعلموا بالعافية وبيذاكروا بالعفاية انما هيبقى التعليم كله لذيذ كله تكنولوجى وبالتالى هيحبوا التعليم.....
ميرسى عالتوبيك الجامد ده |
احم ..... احم
ايها السيدات والساده انتخبوني وسوف ........ :d اه المهم يعني ممكن هعمل حملات تفتيشيه علي المدراس واشوف مستوي المردس وبيشرح بضمير ولا لا يعني .... ممكن كمان لما ولادي يحبوا يغيوا ادي مصر كلها اجازة :D ولاد وزير بقي |
اقتباس:
اؤيد الفكرة جدا فعلا احنا جيل الانترنت والتكنولوجي لانحتاج اي شيء فكرة جميلة شكرا على الموضوع |
| جميع الأوقات بتوقيت GMT +2. الساعة الآن 08:41 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.