|
ذكريات الثانويه العامه
انا قررت اعمل الموضوع ده بالذات علشان نقول لبعضنا المواقف المضحكه والحزينه التي مررنا بها في الثانويه العامه ولا شك ان فتره الثلاث سنوات حاقله بالنوادر والاحزان وياريت اسمع بعضها منكم
|
احلى اصحاب واحلى ايام واحلى شقاوة
:( |
فعلا ايام الثانويه دي ايام جامده بالنسبه ليه كان عندنا مدير حشاش وكان بيحب يبعت العيال بتوع الثانويه يجيبوا عيش وطعميه وبسكوت وفي يوم كان واحد من الطلبه دول جاي متاخر عن الطابور والمدير موقف العيال علي البوابه وبيضربهم فصاحبنا فكر ان المدير مش هيضربه علشان بيبعته يجيب فطار وبسكوت اللذي منه لكن صاحبنا لقي المدير بيقوله افتح ايدك فصاحبنا مستغرب قام جري بره وجاب طوب وظل يلقي المدير بالحجاره والمدرسين وكان يوم مسخره المديره جري علي الدور التاني وكانت حادثه مضحكه
|
بسم الله الرحمن الرحيم ماكنش فيه ايام حلوه غير الايام اللي كنت بروح فيها المدرسه و دي كانت نادره اوي بالنسبه لي :d كنت دايماً انا و اصحابي بنزوغ من الحصص و محدش بيقول لنا حاجه كان المدرسين بيشغلونا عندهم زي انهم يقولوا لنا تعالوا يا بنات هاتوا لي الجرنال معرفش من مستر مين او روحي قولي للداده تعملي شاي و كلام من ده كتير او كنا بنروح في حته كده مسمينها حارة المزوغاتيه و محدش يستغرب .. كنا بنقعد عالأرض و بنشغل اغاني عالموبايل و نضحك و عادي جدا و كان عم ربيع بيطب علينا و يقعد يضحك معانا بدل ما يبلغ عننا و كان بيقولنا لو فيه حد جاي او كده عشان نهرب :av4056bb7jp3: بس ماكنتش بخاف من حد اد الداده فايزه .. محدش يفكرنيىىىىىىىىىىىىىىىىىىى :abdoog8: شكراً اوي للموضوع رجعتني لايام رخمه اكتر ما هي حلوه |
بالنسبه ليا أيام عدت بالعافية
|
مش فاكر حاجه
كل اللى فاكره هوا البلايستيشن مفيش درس الا ولازم يتختم بكام ماتش بلايستيشن يييييه مش فاكر حاجه تانى بس لما افتكر هكتب تانى |
بصراحه أوحش حاجه قبلتنى فى الثانوية هو إن زميلى كانوا دائما بيخبوا على بعض إنهم بيذكروا وبيخترعوا قصص إنهم مثلا طول الليل بيسمعوا أفلام أجنبى والحاجات الهقص دى مش عارفه والله الحاجات دى عندنا بس واللا إنتوا أبلتوا العينات دى بردو ياريت حد يرد عليا ومع العلم أناكنت مشتركة قبل كده فى المنتدى بس مدخلتش من زمان علشان الثانوية والمذاكرة ونفسى أتعرف بكم وإدعولى أجيب مجموع حلو
|
طب النسيان موجود ليه علشان مش افتكر
الفتره دى تانى وكويس انها خلصت على كده واكيد الحاجه الوحيده ال حفضل افتكرها اصحابى وبس |
كانت ايام
فيها الحلو وفيها الوحش بس بجد ايم مش هتتكرر ف 2 ثانوى كنت انا وصاحبتى اللى قاعده جنبها معرفش مفيش اى حجد يخش تربيه عملى الا ويهزقنا (معرفش كنا عملينلهم ايه) بس بجد كنا بنعمل حاجات انا بيتهيقلى ان احنا كنا قالبين المدرسه دى قهوه كنا بنجيب كوتشينه واونو وضومانا (كان ناقصنا الطاوله) ونقعد نلعب ده غير بينجو والغمزة واللذى منو يلا ايام لما افتكر حجاه تانى هخش اكتبها مش عارفه الذكريات طارت م دماغى مره واحده ليه مع انى كنت محضاراها علشان كنت ناويه اعمل الموضوع ده وشكرا ع الموضوع |
احلى مرحلة عدت عليا ف حياتى بالرغم من الضغط والتعب اللى فيها واللى لسة مستمر لحد دلوقتى ويمكن اكتر من الاول بس وحشتنى اوى المدرسة والمدرسين واصحابى ( حتى المديرة ) :d الايام دى كلها على بعض وحشتنى اوى عمرها ما هاترجع تانى :( |
ياااااااااه كانت ايام جميله والله كل لما افتكرها اقعد اضحك بالرغم الضغط الى فيها والمدرسه الى كنت باروحها كانها فسحه والمدرسين لا بجد ايام حلوه اوى والحمد لله انها عدت على خير الثانويه العاميه ديه وان شاء الله الفتره الجايه هتكون احلى لما ندخل الكليه ويارب كل واحد يدخل الكليه الى عاوزها
|
وحشتني صاحبتي الانتيم اوووووووووووووووي
مش فاكرة حاجة من ثانوي بس كانت سنة جميلة |
دى كانت مرحلة رخمة اوى من الضعط وكل حاجة بس بردو كانت مرحلة حلوة فى حياة الواحد واكيد بنحن ليها
بس انا مش فاكرة منها حاجة ربتا مع كل الناس ال لسة فيها |
شكراااا على الموضوع اولا ام المواقف فا هى كتير بس مش فاكر منها الا ان انا كنت بروح المدرسة متاخر(وده كان طبيعى بالنسبالى)بس فى يوم الناظر كان مشدد حبيتين وعاوز يعمل ان هى مدرسة منضبطة وانا داخل وكانت الساعة تسعة الا ربع مع العلم اان المدرسة من سبعة ونص قالى مش هدخلك قولتله معلش والحركات ديه قالى: (لآ غووووووور ياض ) وكان غيابى حوالى تسعة وعشربن يوم طبعا بعد ما خصمولى تلاتة ايام قلت اعمل ايه مفيش غير انط من على السور لفيت عند الباب التانى وهب !!! الحمد لله رجلى اكسرت ههههههه مقصدش يعنى اكسرت اكسرت انما معرفتش امشى عليها حوالى تلاتة اسابيع وديه كانت نهاية اللى يحب يخش المدرسة من على السور !!!!!:blush::blush::blush:
|
بس إنتوا عارفين أحلى حاجة إيه كنا بعد الطابور بيكون فى زحمة على السلم وكان المدير علشان يطلعنا على الفصول بسرعة كان بيفتح خرطوم الميه ويرشنا بيه وكان بيعمل كده برده لما يلاقينا كسلنين
|
| جميع الأوقات بتوقيت GMT +2. الساعة الآن 03:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.