السلام عليكم و رحمة الله و بركاته
الأول و قبل كل حاجة
سيب نفسك و كل حاجة شغلاك
وركز معايا هنا
اتفقنا؟؟اتفقنا.
------------------


طبعا كلنا بنمشى فى الشارع....بنشوف الشباب....شباب الثانوى و الكليات...وأكيد كلنا ملاحظين حاجة
يمكن انا لوحدى اللى ملاحظها.. و يمكن غيرى كمان ملاحظها..مش عارف بس حبيت اكتب الموضوع ده يمكن أكون أنا صح و يمكن أكون غلط.
معلش طولت عليكم
أكيد و انت ماشى او و انتى ماشية "بتتفرجوا" على الناس
اللى أنا ملاحظ ان الشباب بينقسم لعدة أقسام:نبدأ بالرجالة الأول:- :)
1-واحد معاه فلوس و لده مستشار أو وكيل نيابة أو أو أو.......وطبعا ماشى وشكله غريب كده عامل شعره حاجات غريبة واقفة كده "زى ما يكون طالع من الفرن بالظبط :huh: "و لونه احمر و بمبى "آه و الله بمبى....."و لابس بنطلون نازل من على وسطه-مش عارف ليه!!يمكن يكون نسى حزامه فى البيت!!-و لابس تى شيرت قصير جدا وكمان البنطلون بتاعه متقطع من على الركبة-و سألت قالولى دى الموضه :blink: -و طبعا مغرق شعره جل و ماشى بلا هدف فى حياته يلف فى الشوارع و يعاكس البنات و خلاص دا طبعا غير اللى معاهم عربيات و تلاقيهم كاتبين عليها - روش طحن - وحاجات زى دى... و كمان معلى الكسيت على الآخر زى ما يكون بيقول للناس أنا عندى كاسيت استريو و انتم معفنيين-لا مؤاخذه!!-معندكوش!!.
كمان الأخ ده مش بيروح جامعات حكومية علشان هو منفض أصلا-بلغة الشباب يعنى-وكمان الجامعات الحكومية (سوفاج ) فهو بيروح جامعة بفلوس دادى و بعدين دادى يسفره بره ياخد الشهاده الكبيرة و يرجع-دا لو رجع-!!
-----------------
2- نوع تانى زى اللى فوق بالظبط بس بيزيد حاجة انه مش منفض بس-طبعا شرحنا معنى الكلمة دى-دا منفض و منفض و منفض و مقضيها سجاير و بانجو و .. و....و.....
--------------------------
3- نوع ثالث نفسه يعمل زى اللى فوق دول بس ظروفه مش مساعداه فبيتعايش مع الظروف و يحاول يمشى حاله و دا بيكون ساخط على نفسه و تمشى تلاقيه بيكلم نفسه و مكشر و قرفان من حياته و عمال يشتم فى البلد و فى حـ....(بلاش علشان أمن الدولة بس!!)
-----------------------
4- نوع رابع لا يهمه الناس اللى فوق و لا اللى تحت محدد هدفه و ماشى عليه زى القطر بالظبط لا بيروح لا يمين ولا شمال....
لا بيعاكس بنات... ولا بيحط جيل...ولا بيلبس بنطلون نازل من على وسطه....عارف ربه و يخاف انه يعصيه...و بيبكون متأكد ان جواه طاقة هائلة تخليه يعمل اللى هو عايزة لان هو عنده ثقة بنفسه...
-------------------------------------------------------------------------------------------------------
نيجى بقى للآنسات...
بس أنا معرفش حاجة عن الآنسات....فهسيب نقطة الآنسات دى لأى آنسة محترمة تكمل الموضوع....
ويا ريت لو أى حد شايف صور تانية يمكن انا مشوفتهاش يقول لنا ...
بس عايز أسألك سؤال...تحب تكون أى واحد من اللى فوق دوول؟و ليه؟
مستنى الردود و متكسلوش علشان مزعلش <_<

هههههههههههههههههههههههه
انت لخصت الموضوع وجبت من الاخر
هههههه
موضوعك حلو جدا
شكرا يا حبي

شكرا ليك يا غالى بس أنا كنت عايز اعرف رأيك انت عايز تكون أى واحد فيهم؟؟

الانسات

نوع معاهم فلوس وعايشين فى ارقى الماطق ومامى بتاعتهم بتشترلهم الهدوم من باريس ...والاكسسورات من لندن ...وبيروحوا طبعا الجامعات اللى بفلوس يتميصوا ويتدلعوا

وطبعا الجامعه مصاريفها نار بس مسيرها فى الاخر هتتجوز ممكن تشتغل وممكن ماتشتغلش وضيع فلوس جوزها فى الخروجات مع اصحابها او فى النادى


نوع تانى مش اغنيه اوى ..يعنى بيشتروا الهدوم من اكبر المولات اللى فى مصر بس ..ومعاهم طبعا عربيات ...بس النوع ده تلاقيه فى الجامعات الحكوميه او الخاصه

ودول بيكون ليهم شله بيروحوا الجامعه علشان الشله ويتفرجوا على هدوم بعض وموبيلات بعض ....وبعد الجامعه يروحوا ياكلو فى اى مطعم ..او يروحوا النادى


النوع التالت هى البنات اللى مش اغنيه اوى يعنى حالها متوسط اهلهم بيشقوا ويتعبوا علشان يحسنوا حالهم وبيحلوا يخليهم مبسوطين ...ودايما تلاقى البنــات دى

عندها هدف وعايزه تكون حاجه كويسه ...ودول بيشتروا هدومهم من اى محل ...بس المهم عندهم ذوق الهدوم وطلاما هم مقتنعين وراضين ماتهمهمش حاجه فى الدنيا



النوع الرابع هى البنات اللى بتعلم علشان نفسها تغير مستوى الاجتماعى بتاعها ودى غالبا مش بتهتم بالمظهر قد مابتهتم بالعلم ...والبنات دول هما اكتر ناس بينجحوا

شكرا يا Basmala على تكملة الموضوع
و فى صورة أنا بشوفها كتيير
وهى ان البنت تكون ماشية جنب والدتها
بس فى تناقض كبيير
الوالدة محجبة و أحيانا تكون مخمرة كمان
بس البنت لبسها ما يعلم بيه غير ربنا
يا ريت اعرف رأيك و رأى باقى الأعضاء فى هذه الصورة أيضا
و شكرا على التفاعل :)

اعتقد ان مفيش انسان يقدر يوصف نفسه والا عيبقى وغرور فلازم الانسان ناس توصفه وتتكلم عنه ولا ايه رأيك انت ؟؟
شكلرا

لا يا غالى انت فهمتنى غلط
انا قصدى
انت تفضل اى الشخصيات فى دول
بس
وشكرا على المناقشة :)

طبعا افضلهطبعا افضلهم النوع الرابع
وهو نوع نادر وجوده جدا جدا
وطبعا كلنا نفسنا نبقى زيه بس مش للدرجه دي
انا ممكن اعمل اي حاجه وبرضه انزل البنطلون ومعايا فلوس بس في نفس الوقت مقعش في الغلط وكمان معصيش ربنا وكمان ومنساش حق ربنا عليا

ردك جمييل فعلا يا غالى
ميرسى ليك

أنا بقى افضل ان اكزن نفسي ولا مجال لتخيل اي نوع من الشخصيات

ده طبعا رايي
واشكرك على الموضوع

<div class='quotetop'>إقتباس(محمد صفوت @ Sep 5 2006, 12:40 AM) [snapback]210869[/snapback]</div>والصوره دى كمان انا شوفتها قبل كده ...بس تقريبا ان البنت بعد كاام سنه هتتخمر زى والدتها

او ماماتها سيباها تعيشلها يومين وخلاص ....بس انا مش عارفه افسرها الصراحه

شكرا يا بسملة للتفاعل و ربنا يهدى الجميع..... :)

يعم محمد لا...انا مش متفق معاك اطلاقا....
خصوصا فى أول نقطة دي..انت عممت نظرية لا تعمم ...( اشمعنى يعنىا بن مستشار و لا وكيل نيابة :angry: )..مش لازم و الله ..مش لازم اى انسان متيسر انه يكون منحل و ماشي على هواه...دة فئة محدودة من الشباب أبناء ذوي المراكز العليا وفى أمثالهم كتيير بيهدفوا إلى الأصلاح و بيستغلوا مراكز اباءهم بطريقة جيدة....

شكرا يا بو حميد


بص يا بشمهندس هقولك كلمة

التعميم بكدا يكون خطأ بس انتا بتقول الأغلبية

فيه أخ بيقول النوع الرابع قليل قوي لا بالعكس دامنتشر قوي قوي


وانا احب اني اكون محمد البري وبس انا نفسي لا والدي ولا مركزه ولا فلوسي انا شخصيتي وبس

وفي نظر الناس ميهمنيش اني اكون حلو او وحش انا ليا ربنا وبس انه يكون راضي هنا واني مش اعصيه ابدا

لان لو انا كنت زي النوع الرابع صحابك ايوه يا عم الشيخ ........... وتريأة والذي منو


لو النوع الأول او التاني او التالت سوري يعني هحتقر نفسي جدا وهحس اني مليش اي كيان فافي يعني

والحمد لله انا مش غني قوي ولا والدي مليونير :D ولا وكيل نيابة ولا كدا

وع فكرة انا والدي في نظري أعلى من أي انسان ولو الريس

وكله برضو كدا وانا بفتخر قوي ان انا والدي كدا

وفخور بشخصيتي قوي والحمد لله


ومحدش بيحكم ع شخصياته او الناس اللي بتحكم عليه لأ


أفعالك = مفتاح شخصيتك



شكرا يا بشمهندس ابو صفوت

<div class='quotetop'>إقتباس(محمد البري @ Sep 5 2006, 01:50 PM) [snapback]211208[/snapback]</div>السلام عليكم
الأخ محمد البرى
فعلا عندك حق فى نقطة التعميم دى
كمان أحسن حاجة ان الواحد يكون راضى عن نفسه و مقتنع باللى بيعمله
وميهموش أى حد
عموما شكرا ليك و شكرا لكل من مر على الموضوع :)