|
فريق هنتغير بجد
بسم الله الرحمن الرحيم بعد الحمد لله والسلام على الحبيب المصطفى ؛؛ فريق هنتغير بجد فريق شبابى :028ja7:و بناويتى :bosyht9: :039uw8: فريق شامل و له فى كل حاجه :friendsxs3: يعنى بيتكلم عن كل حاجه وبيتكلم فى كل حاجه :049gc0: وطبعا لازم كلنا نشتغل مع بعض وعلشان تشتغل معنا لازم تشترك فى قسم من الاقسام او حتى فى كل الاقسام وهى عباره عن فرق صغيره وهى 1) فريق المراسلين ودول قسمين (محررين هنتغير بجد ) ودول كل اللى هيعملوه هجيبو لنا اخبار من كل حته فى كل مجال بس طبعا مش هينقل الاخبار كروبى وبست لاء هتقرأ الخبر مع نفسك وهتكتب لنا اللى انت فهمته يعنى ملخص الخبر وبأسلوبك هتجيب اخبار سياسيه ورياضيه واخبار طريف وغريبه والقسم التانى (مراسلين هنتغير بجد ) ده شغله قريب من شغل المحررين بس هيتخيل نفسه فى حوار معنا يعنى احنا بنتصل بيه وهو بيرد علينا يعنى مثلا مراسل هنتغير بجد الرياضى يقول لنا مثلا النادى الاهلى هيبدأ بالتشكيله فلان وعلان و الشوط الاول انتهى بالتعادل وفلان عمل هجمه حلوه بس ضاعت وكده طبعا كل ده هتلاقيه على المواقع ولو انت اشتركت معانا هنقولك على مواقع تجيب منها الاخبار ولو عندك مواقع تانيه هات منها 2) فريق البيت ده للبناويت بس وده هيجيبوا طرق للطبخ يعنى اكلات بس مش عاوزين استهبال علشان اللى هتجيب طريقه عمل الفول واللى هتجيب لى طريقه عمل اكله من الهند مش عارفين نقرا اسمها اساسا عاوزين اكل يتاكل مش نتفرج عليه ونجوع على الفاضى و اللى مالهاش فى الطبخ (يعنى بتحرق الاكل ) تقول لنا ازاى بتروق البيت يعنى نصائح منزليه او نصائح فى الاكل حتى لو من بره يعنى نقلها مش مشكله او اى حاجه تانيه انا بجيب عناوين وانتم دوروا 3) الفريق العلمى وده هيجيب لنا اخر اخبار الابحاث العلميه والحاجات العلميه كلها والتنميه البشريه 4) الفريق الادبى ده لو حد بيكتب شعر او يجيب قصه حياه شخصيه سياسيه دينيه رياضيه عامه اى حاجه ويجيب كتب حلوه قراها (طبعا مش هيجيب الكتاب كله ) لا لو الكتاب ده قراه على النت يجيب الرابط بتاعه او يكتب الملخص الشديد له او بيتكلم عن ايه 5) الفريق العام ده هيجيب هل تعلم معلومات شامله اى حاجه المهم حاجات تفيدنا وهيجيب المواضيع العامه يعنى موضوع قريته فى منتدى فى موقع موضوع فى اى جزء والالغاز والفوازير والمسابقات 6) فريق الاعلام الهادف وده هيجيب موقع مفيد مش شرط دينى ممكن رياضى او سياسى او اخبارى بس مش اى موقع موقع محترم مفيد او يجيب تردد لقنوات فضائيه مع نبذه عن القناه قناه دينيه رياضيه سياسيه شبابيه بس نخلى بالنا من الاعلانات بتاعتها لان فى اعلانات اى كلام لاء عاوزين قناه مفيده حقا يجيب برامج على النت برامج مفيده فى اى قسم او برامج على التلفزيون برنامج حلو هتجيب اسم البرنامج والميعاد بتاعه وبيتكلم عن ايه ؟ هتجيب لنا روابط لاناشيد اوحلقات مفيده او هيبعت رسايل خاصه للاعضاء بكل جديد واللى هيشترك معانا ياريت يملى البيانات فى الموضوع ده وهى... الاسم اللى هيشتغل بيه ممكن اسمه الحقيقى او اسم مستعار ( اسم اليوزر ) والاقسام اللى هيختارها وهيشتغل فيها واول ما نبعت له رساله خاصه يبدأ على طول شغله عاوزين شغل من حديد:028ja7: شغل من نار :abdoog8: عاوزين نثبت للناس كلها ان مهما نكون احنا مين برضه فينا خير :039uw8: عاوزين نورى كل الناس ان الجيل ده مهما يكون بعده عن ربنا فى امل فيه وبعون الله وحده هنعمل حاجه :friendsxs3: هنتغير و هنغيّر يلا نبدأ ... يلا نبدأ ... يلا نبدأ ... يلا نبدأ ... يلا نبدأ ... يلا نبدأ ... |
يااااه انا اول واحد :049gc0: (طبعا انا نزلت الموضوع وجريت علشان ابقى اول مشاركه) انا اسمى MAHAMAD الاقسام اممممممممممم انا هختار كل الاقسام :028ja7: ومستنى من نفسى رساله خاصه علشان ابدأ :078111rg3: |
الاسم bosy3
الاقسام خليني في قسم الطبيخ بس مش عرفه الاقسام دي فين؟؟؟؟؟؟ |
هنا هاتى الموضوع وحطيه هنا
فى نفس الموضوع يعنى الناس مش هتطلع من الموضوع ده الا على النوم عدل وبعدين طبيخ بس ليه !!! خدى كمان 6 اقسام ولا حاجه |
خلاص فريق البيت والفريق العلمي والمراسلين
ومقدرش على اكتر من كده |
ماشى يا بوسى
بس عاوزين شغل من نار |
وانا معاكم
حكون مراسل الاخبار السياسية و الدينية و الرياضية يلا |
معاكم ان شاء الله
انا إسمى جهاد وان شاء الله هاكون فى الأقسام الأتيه: محررين هنتغير بجد فريق البيت الفريق العام والإعلام الهادف وممكن الفريق الأدبى بس هاجيب اشعار والدى يبألفها ممكن؟؟؟؟ جزاكم الله خيرا |
اقتباس:
طبعا ممكن يلا بقى عاوزين نعمل حاجه وهنعمل ان شاء الله |
((((مراسلى هنتغير بجد )))) :022yb4: http://www.manbaralrai.com/files/images/تعبيرية_94.jpg انا:الو ...الو + ايوه اتكلم يا محمد احنا سامعينك انا :الو .... اذاعه هنتغير بجد انتى فبن ؟؟ +ايوه معاك الاذاعه انا :انتم سامعينى .... +ايوه معاك وسامعينك اتكلم بقى انا : انا جبت كام خبر من الاخر الاول ان بعثه النادى الاهلى هتوصل بكره بالليل بعد لما خلصت المعسكر بتاعها اللى كان فى المانيا وقائدها الكابتن حسام البدرى المدير الفنى الجديد وامبارح النادى الاهلى كسب الوداد المغربى فى البطوله الوديه 2/0 وفى اخبار عن رحيل المعشوق كابتن محمد ابو تريكه وفى كذا نادى عاوزينه وعارضين مبالغ ضخمه بس القيعى وخشبه بيقولوا ان مفيش اى عروض لحد دلوقتى ....(رصيدك الحالى لا يكفى لاتمام هذه المكالمه ).... +ايه ده يا جماعه الرصيد خلص مراسلين آخر زمن :bosyht9: معلش يا جماعه هنحول رصيد ونتصل بيه تانى ;) طبعا احنا قايلين ان كل واحد بأسلوبه وده من اسلوبى :p |
ايه ده انت مش قلت ننتظر رساله خاصه مفيش حاجه وصلت وبدأت لوحدك يعني نبدأ ولا لأ؟؟؟؟؟؟؟؟؟ |
معلش ابدأو
انا كنت مشغول وبعدين الرساله اللى هتتبعت علشان تساعنا فى الشغل يعنى مواقع اخبار مواقع للتنميه البشريه للطبخ وكده |
Top Ten
Top10 كل 3ايام هنعمل استفتاء على احسن 10 اغانى واناشيد دينيه واحلى اغنيه بتحب تسمعها تصوت عليها (يعنى تكتب مشاركه بأسم الاغنيه اللى اخترتها من الاغانى الموجوده) السباق الاول 1)مالك غير الله (محمد الحداد) 2)عن مصر ماتسألنيش(عمر الصعيدى) 3)انوار احمد(يحيى حوا) 4)أحلى حياه(فرقه AIM) 5)الحبيب المصطفى (مشارى) 6)لا عاد (مشارى) 7)الله الله (عبد القادر قوزع) 8)عيونى تشتاقلو(محمد بشار) 9)فليقولوا عن حجابى (احمد بوخاطر) 10)انا مش عارف اتغير (تامر حسنى ) اختار الاغنيه اللى بتحب تسمع كلمتها او عاوز تسمعها :049gc0: ومستنينكم ؛؛؛ :078111rg3: |
انا هختار 1) مالك غير الله (محمد الحداد) |
بصراحة الفكرة روووووعة لأنى بحب التعاون وأنا ممكن أشترك فى قسم المراسلين والبيت
|
| جميع الأوقات بتوقيت GMT +2. الساعة الآن 05:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.