|
الريس نبوس راسه .. اما جزمته ؟؟!!
بسم الله الرحمن الرحيم بعيدا عن المقدمات السخيفه الطويله الا ان من الشخصيات المستفزه هو الصحفى -واحساسى الداخلى بان اعطائه لقب صحفى اهانه للصحافه والصحفيين- كرم جبر كثيرا ماكان هذا الشخص يثير اشمئزازى واشمئزاز الشعب المصرى ولان بالصدفه شفت برنامج الحياه اليوم النهارده وكان الصحفى العظيم كرم جبر ضيف الحلقه وبدأ كلامه بطريقته المعتاده والتى تصيب كل المستمعين بالغثيان وطبعا طريقه قلب الاتهامات واتهام الجرايد الخاصه بالعماله و و و وان الصحف القوميه هى رابعه العدويه التى تنشر مقالاتها بكل شفافيه وبدأت اضحك عندما تذكرت جمله بلال فضل اللى اتلسع من الرياده ينفخ فى الشفافيه المهم انى متفرجتش ع الحوار كامل الا ان الكلام المستفز والطبيعى لكرم اللى بسم الله ما شاء الله مقدمش اى حاجه للصحافه المصريه :d الا بعض الاشعار والكلمات المنمقه لشخص الرئيس الريس ع عينا وع راسنا من فوق احنا كشعب عارفين افضاله اللى مغرقانا من ساسنا لراسنا :) وممكن نبوس راسه كمان اما جزمته فعن نفسي كرامتى وكرامه اى واحد مصرى متسمحلوش بكده :) هو ده دور كرم فى الصحافه المصريه لعق جزمه السيد الرئيس ع مرأى ومسمع منا بما يطالعنا به من مقالات خايبه فى روزاليوسف التى لاتغنى ولاتسمن من جوع واتهامه الدائم بعماله الصحافه الخاصه معتدما ع سؤاله العقيم هى صحيفه بتبيع 3000 نسخه هتجيب الفلوس منين ؟؟!! انا الصراحه عاوزه اقله معذور والله لان واحد عارف المصدر الممول للصحافه القوميه من فلوس محتكر الحديد احمد عز ع سبيل المثال هو يحتكر الحديد واحنا نعيش ع الحضيض :d اكيد هيصاب بالتعجب من مسأله تمويل الجرايد الخاصه وان الحل الوحيد لضربها هو اتهامها بان تمويلها من دول بره مصر :) ومن اكتر الاشياء التى علقت فى دماغى لهذا الرجل -انا اسفه لكل الرجاله والله- :) هو مقالته اللى اتكلم فيها عن ناشط حركه كفايه محمد الشرقاوى اللى تم انتهاك عرضه من قبل ضباط الداخليه او بلطجيه الداخليه ان صح التعبير وجملته الجميله محمد الشرقاوى لا يستطيع ان يثبت ماحدث معه ؟؟!! لا والله :) والموضوع التانى واللى كان بيصيبنى بكريزه ضحك من الدرجه التالته هو لقائه مع عبد الحليم قنديل صاحب كتاب الايام الاخيره -معلش يا جماعه اللى يعرف طريق الكتاب ده يبقى يقولى نفسي اشوفه- فى برنامج القاهره اليوم مع الاعلامى عمرو اديب واحمد موسي باين المهم ان عمرو بدأ بسؤال من اسئلته الرخمه لعبد الحليم :d هو هل ان سبب مهاجمته للريس هو ماحدث له فى احد الشوارع من الاعتداء عليه وتقليعه هدومه فى الشارع؟؟ من الاخر يعنى والراجل رد بكل ادب :) من ناحيه تانيه بدأ كرم جبر كلامه بانه ذكر جمله عبد الحليم اللى بيقول انه بيشعر برغبه فى القىء عشان انت الرئيس الكلام موجه للسيد الرئيس اطال الله عمره وعمر ابنه وعمر اللى حواليهم كلهم قول امين :d وقاله انا اشعر برغيه فى التقيؤ لانك صحفى طبعا واضح مدى ركاكه اسلوب هذا الضحفى المخضرم ةطبعا عبدالحليم بلع الطعم وقاله انت عميل لامن الدوله والتانى انت دكتور بيطرى ومكانك فى حظيره الحيوانات وان الاول عبدالحليم خائن وعميل وان كرم حمار وحقير ومخبر وطبعا كان احسن من احسن ردح فى المناطق المهمشه او العشوائيات طبعا اصبحت روزاليوسف الان دار للمهاجمات سواء لمحمد حسنين هيكل ووصفه بالالعبان وخالد السرجانى بنتقد الصحيفه فى الدستور يتقال ع صفحته انها قليله الادب-متربتش- وانها بتهاجم الصحافه الشريفه ومعايرتهم للجميل بلال فضل باصوله اليمنيه!!! وغيرها كتير هل هتفضل الصحافه القوميه مقيده الاقلام بيقودها حبيب العدلى؟؟؟ الصراحه معرفش اسم نقيب الصحفيين ايه ومش عاوزه :d وهل زى مبيقول سي كرم ان الصحافه بتاعتنا هى الصحافه المقيده؟؟ ومتسألش ازاى :) اي نعم فى الصحف المستقله او المعارضه بيتم التطاول ع شخص الريس بس هو المطلوب يعنى ان احنا نقول ان الريس هو اكفأ من انجبت مصر؟؟ ***** اسفه ع اللخبطه دى بس انا الموضوع اتمسح اربع مرات وزهقت واخويا عاوز الكمبيوتر فكنت بكتب بسرعه معلش بئا لو فى اخطاء المهم هسيبه يعد شويه واجى اعدل لو فى حاجه :( |
كلامك واصل
اللى بيحبوا مصر بجد هما اللى بيفضلوا فى ذاكرة الناس أما المنافقين وماسحو الجوخ فمكانهم الطبيعى مزبلة التاريخ |
موضوعك اكثر من رااااااااااااااااااءع
لقد ابدعتى بس للاسف انا زعلان منك علشان انا فعلا زملكاوى اوى كمان وانتى للاسف اهلى ولاكن علشان نعرفكم ان الزملكاويه عندهم اخلاق بنرد اهو اهو |
اقتباس:
اقتباس:
|
مهو لازم يبوس عشان يتباس من الباقى
اومال هيمشى مصالحه ازاى يعنى الراجل دا اصلا ولا بطيئ اشوفه منوره يا بنوته بمواضيعك الجميله دى:d |
كرم جبر مع انى معرفوش ( لانى كنت معزول فى قنا ) بس واضح من كلامك انك بتعزيه جدا وواضح مان انه امعة وتقريبا يعمل على التضليل كباقى ضعاف النفوس اللى بيجرو ورا مصالحهم ليه حق يلعق جزمة الريس هو حد يقدر يقول حاجة عن الريس دا الريس 100 فل وعشرة اقتباس:
ولا اسف ولا حاجة معادتش فارقة اقتباس:
اقتباس:
ايوا كان لازم يتصور فيديو وينزلو المقطع على اليوتيوب الراجل ده شكله خياله واسع تبقا الحقيقة باينة وبيحط عوائق وخلاص اقتباس:
اقتباس:
ياريتك ما كنتى شوفتيه صدعتينا:d بس مجمل الموضوع مفهمتش منه حاجة يعنى ممكن تنزلى موجز للموضوع بدل احداث اربعة وعشرين ساعة اللى توهنا جواها دى عموما هو دا بقا حال الصحافة والاعلام تضليل الناس معدش فيه مصداقية ولا اى حاجة حقيقية ويسقط المطر فى الشتاء مسنى الموجز :d شكرا على الموضوع دمتم فى رعاية الله |
قبل مرد لتانى مره لان الرد الاول طار بسبب ان الكهربا اتهبلت فى البت عندنا اعتقد ان السبب معروف لان العيب مش فى كهربه المنطقه بتاعتكو واضح انه عمل معملك الموهم اقتباس:
اه حاجه زى كده هو من عينه اسامه سرايا اكيد عارفه اوى تقول لأ لحسن يزعل مبهدل نفسه الراجل كل يوم الصفحه بتاعه الحواديت بتاعه الف ليله وليله عن الاعمال الخرافيه للسيد الرئيس اقتباس:
وايهامنا بان البلد ماشيه زى الفل ولا مسروقه ولا منهوبه ولا مضروبه وان الناس سعيده والعيد فرحه وكل سنه وانت طيب اقتباس:
:) اقتباس:
انا قلت كده بردو اقتباس:
وحتى لو اتصور ممكن يقلك شغل جرافيك اقتباس:
اقتباس:
اقتباس:
اولا الموضوع التوهان ده تلوم فيه اخويا وانا مالى انا لو مكنش بيزن وعاوز يقعد كنت رتبت نفسي عامه هى الحدوته كلها نقد لنوع من انواع الصحافه القذره اللى بتتمثل فى كرم واسامه وعبدالله كمال او بودى جمال زى مالناس بتتريق عليه وكتير من الصحفيين اللى بيكتبوا بطريقه تحسسك انهم بيتكلموا عن بلد تانيه غير اللى انت عايش فيهم فى انتظار السبوبه وان نقد الريس حق لانه لا اله لا هو مجردانسان عادى راس الرئيس نبوسها لما نغلط فى حقه وهو يعتذر لينا لو غلط كنوع من تقديم القدوه الطيبه - اوى - اما جزمته فاعتقد ان الباشمهندس كرم كفيل بانه ينضفها كويس |
اقتباس:
عامه ولا جميله ولا حاجه ده نوع من انواع الفضفضيشن مش اكتر |
اقتباس:
هههههههه علشان تبطلى تريقة على خلق الله اقتباس:
ههههههههههه من مواليد 24 مارس 1952 فى مدينة المنصورة محافظة الدقهلية. عمل محررا اقتصاديا بجريدة الأهرام عام 1975 تولى الإشراف على الصفحة الاقتصادية للعدد الأسبوعى لجريدة الأهرام فى عام 1988 عين رئيس لقسم الاقتصاديات العربية بالأهرام فى عام 1992 مدير مكتب الأهرام فى السعودية 1993 – 1997 مدير معهد الأهرام الإقليمى للصحافة 1992 – حتى تاريخه رئيس تحرير مجلة الأهرام العربى 1997 – 2005 تولى رئاسة تحرير الأهرام فى يوليو 2005 عضو فى مجلس نقابة الصحفيين المصريين لمدة ثلاث دورات متتالية . سكرتير عام نقابة الصحفيين المصريين شارك فى تأسيس الحزب الوطنى الديمقراطى. مثل الأهرام فى العديد من الموتمرات العربية والدولية ::::::::::::: لسة جايب السيرة الذاتية المنيلة بستين نيلة من على الجوجل ولمعلومة اللى بالاحمر دى كفيلة بانى اعرفه ال حزب وطنى قال اقتباس:
من النوعية دى كتير حمل وعبى يا حج بيفكرنى بفيلم وش اجرام لما محمد هنيدى قال الحياة ذبادى فى الخلاط الا قوليلى هو مصرى :d لانه لو مصرى هيقول زى ما الشاعر محمود طه قال :d عن مصر أم الدنيا قال التاريخ حكايات قال فيها ظلم كتير وشعب فى النفايات قال فيها ناس بتموت م الذل والتوبيخ انا قولتله اسكت بطل كلام يا تاريخ اللى فهمته من الموجز ان كلامك عن التضليل الصحفى اللى بتمثله فئة فاسدة من المجتمع عادى بقا مهو مش معقول الكل هيلعن فى الريس وفى الحكومة ماشيين بمبدأ عيش منافق تموت مستور لو كان الكلام بفلوس مكانش امثال الفئة دى اتكلمو اساسا بس اهم هتيفة للريس واتباعه ينطبق عليهم البيت ده قوم اذا صفعت النعال وجوههم شكت النعال باي ذنب نصفع ربنا يستر على ولايانا رديت مرة تانية كتزويد للمشاركات ليس الا :d وهو منكم نستفيد |
احم هو انا عاما مش اعرف الراجل ده
بس عاما هو ده حالنا يا بنتى وبت يا سمنه انتى بالراحه اليومين دول لحسن هاغرم عيش وحلاوة |
ردح عروبجى مع وثنجى
جبتلكوا مفاجأة علشان الموضوع يكتمل
مقطع اليوتيوب بتاع الموقف ده يا سلام على الاخلاق اخلاق وا.......... بصرحة انا اصبت بالغثيان وانا بتفرج على المشهد من قلة الادب المتناهية للسادة الافاضل http://www.youtube.com/watch?v=ALZks7jNK6I ادخلوا وشاهدوا واحكموا |
اقتباس:
بلاش السواد ده اقتباس:
اه الحزب الواتى الديموقراتى بس طلع بلديات واوكستاه يلا عامه موش فارقه م اقتباس:
بس حلوه والله يا باشمهندس خليفه صلاح جاهين فى الملاعب اقتباس:
اه والواحد رد عليك من باب الرخامه اشمعنى انت تزود مشاركاتك [/quote]هو عامه الموضوع مش محتاج كلام خليه للقرايه فقط اقتباس:
يلا ياريت قبل مالنتيجه تطلع حتى عشان اصعب عليهم |
على فكرة انتي
شجاعة اوي وموضوعك هادف وجميل جدا |
موضوعاتك دايماً جميلة وبتحبي تدخلي سياسي على طول :049gc0:
بس المشكلة عندك عيب واحد الخط صغير :d وسيبك من البرنامج اللى كنتي بتشوفيه ده حديكي برنامج تاني بيعمل موضوعات اصغر شوية :) اقتباس:
|
اقتباس:
:blush::blush::blush: دمتم بود موضوع رائع وهادف :bosyht9::bosyht9::bosyht9: |
| جميع الأوقات بتوقيت GMT +2. الساعة الآن 12:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.