شوية رخامة ع الماشى
 

*منقوووووول::::::::::::::::::::::::::::::::::::::: ::::::
في اسئلة بديهية مالهاش اي لازمة في الدنيا بنتعرض ليها كل يوم من كل الناس
خلونا نشوف امثلة:

*انت في اوضتك ع السرير وطافي النور ومتغطي ييجي اخوك الظريف ويفتح الباب عليك ويقول ايه ده انت هتناام ولا ايه ؟
اظن ان ده مش وضع الرقص وااضح ان انا هناام

*انتوا معزومين عند ناس ورحتوا لبيتهم واول ما فتحولكوا الباب يقول ابنهم الصغير انتوا جيتوا اااااا ؟
(((لا لسه )))

*انت لابس هدومك ومتانتك وعلى سنجة عشرة وريحة البارفان واصله لاخر الشارع وخلاص بتفتح باب الشقه يجي حد من اهلك وينادي بصوت عالي انت خاارج ولا اييييه ؟
(((لا دا انا لسه راجع )))

*او مثلا راكب العربية ودورتها وخلاص هتطلع يجيلك البواب ويخبطلك ع الزجاج وتقوله خير في حاجه ؟ يقولك انت رايح الشغل يا بيه ؟؟
(((لا العربية واحشاااني )))

*مثلا ماسك سماعة التليفون وقاعد تضغط الارقام يجي حد من اهلك ويقولك انت هتتكلم في التليفون ؟؟
(((لا بتفرج عليه )))

*مثلا ماسك كتاب وقاعد تحفظ ومتحمس (اول مرة بقى) يجي حد يقولك هااه قاعد تذاكر ؟؟
(((تقوم رامي الكتاب وتقول لاااااااااء )))

*ربنا هاديك كده ماسك سبحة وعماال تسبح يجي حد م البيت يعدي عليك ويقول هوانت بتسبح؟
(((لا هفرطها واسلقها )))

*ولا تعالوا شوفوا قنواتنا واسئلتهم البديهيه البايخة :
*برنامج اهدائات يتصل واحد يطلب اغنية ترد عليه ست الكوتكوته المذيعة بكل خفة ورشاقة انت بتحب الاغنية دي ولا ايه ؟؟
(((لاء طالبها اخنق على نفسي )))

*او مثلا في العيد
المذيع/هههههههههه هههههههه نتعرف بيك
المواطن/فلان الفلاني
المذيع/ههههههه هههههههههه بتقول ايه للاهل واصحابك ههههههه
المواطن/اقولهم كل عام وانتم بخير
(((اكيد يعني مش هيقولهم البقء لله )))

المذيعة الظريفه/وياترى بقى هتعملوا ايه العيد ده هتقضوه ازاي ؟
اكيد بيبقى زيارات الاهل والصحاب وتخرجوا تشوفوا مظاهر العيد في الشوارع وتفسحوا اولادكم ونتصل بالمعارف نعيد عليهم ونقول كل سنة وانتوا طيبين
(((سيبتيله ايه يقوله يا رخمة)))

الشلل الكبير بقى لما المذيعين يكلموا الاطفال
يقول المذيع للطفل انت بتحب بابا وماما ؟
(((يعني اساسي الواد لسه ماطلعلوش عرق الندالة عشان يقول لا ))

هههههههههههههههه
والله فى اكتر من كدا
دا الغباء مسيطر مسيطر يعنى

هههههههه
لا بجد جميلة جدا شكرا

هههههههههههههههههه
مرسى يا قمر على الموضوع الجميل

hhhhhhhhhhhhhhhhhh
thank u

ههههههههههه...ههههههههه

لا بجد جميلة جداااااا واسئلة رخمة بجد يعني مش اي حاجة...

ميرسي يا سارة..... تسلم ايدك

هي فعلا رخامة بالذات لما اختي ولا اخويا يجوا و انا نايمه و يقولولي انتي هتنامي ولا ايه بجد بكون نفسي ارميهم (من فوق السرير يعني :040vk0:)مش حاجة تانيه
ميرسي يا ساره على التوبيك

حاجات تشل فعلا
تسلم اديك ياساره

فعلا بتبقى حاجات تغيظ

ههههههههههههههههههه
موضوع جامد

هههههههههههه
موجود جامد

الله ينور
وفعلا الاسئله دى بسمع منها كتييييير