|
الاجازة بين المتعة و الملل و الفائدة
http://www.kawakb.com/gal/3/53.gif الاجازة حاجة بنستناها من السنة للسنة طب يا ترى بنستناها ليه ؟ عايزين منها ايه؟ بنذل بعض عشان خلصنا امتحانات ليه ؟ عايزة اسال سؤال الاول يا ترى انت/ى خططت لاجازتك ؟ حاسين بمتعة فى الاجازة ؟ ولا بملل ؟ بتعمل حاجة مفيدة ؟ الاجازة دى اهم فترة فى حياتنا ده الوقت اللى بنحدده احنا بحريتنا الكاملة يعنى فى وقت الدراسة مثلا الدروس بتحدد وقتنا المدرسين هما اللى بيحددوا مواعيد الدروس و كمية المذاكرة و كذلك فى الجامعة و خصوصا فى الامتحانات تلاقى الواحد مخنوق الدكتور ده مستقصدنى و ورايا حاجات كتير اعملها و مفيش وقت http://smileys.smileycentral.com/cat/36/36_1_28.gif اما فى الاجازة انت مدرير نفسك انت المدرس انت الدكتور ليك حرية تقسيم وقتك ورينا بقى التنظيم اللى انت كنت ساخط عليه فى الدراسة هتنظمه انت ازاى ؟ http://smileys.smileycentral.com/cat/23/23_11_61.gif المهم الموضوع ده مش عشان كل واحد يدخل يقول بيعمل ايه لاء ده معمول عشان نتناقش فى خطط للاجازة الواحد ممكن يستفيد و ميحسش بالملل ازاى كل كام يوم هنزل خطة جديدة ان شاء الله و نتناقش فى اللى هنقدر ننفذه و ممكن نفكر فى مشروعات صغيرة لو حد عنده الفكرة و بالكتير كل اسبوع هنلخص افكارنا واللى نفذناه و اللى ناقص ننفذه ده شعار الموضوع :d http://www3.0zz0.com/2009/07/14/16/629590653.gif عايزة اعرف الفكرة هتعجبكوا ولا لاء و مستنية تفاعلكم فى امان الله http://www.al-wed.com/pic/8124.gif |
ردا على الموووضوع
شكــــ بلاك روز ــــــــرا .........
بصراحه الموضوع شوفته قبل كده 200 مرة بس مكانش فيه تفاعل او خطط بس طبعا بتختلف من شخص لاخر اكيد ان شاء الله يبقى موضوع حلو انا بصصراحه معنديش خطه معينه :romarioxp6: لكن بنزل النادى بس مش هكمل عشان انتى قولتى فووووق محدش يحكى :slap1qk6: هرجع تانى .... ......... :039uw8: |
احنا بنتعامل مع الأجازة زى حاجات كتير فى حياتنا بدون مانعرف اهميتها أو فايدتها
والمفروض الأهل يعودوا أبناءهم منذ الصغر على أهمية الأجازة وازاى يقضوها أهم حاجة هو التخطيط السليم لقضاء الاجازة قبلها بفترة كافية وكل واحد يسأل نفسه تلات أسئلة : (1) أنا عايز إيه من الأجازة (2) أنا ليه عايز الحاجات دى بالذات (3) هل هاستفيد من الحاجات دى على المدى القريب أو البعيد وبعد الإجابة على الأسئلة يتوكل على الله ويبدأ التنفيذ |
اقتباس:
واللـــــــــــــه العظيم كلام معقول مية فى مية وسهل التطبيق ويلا نبدا مع كومندا شكررا ليكـــ يامحمد بجد روعه فى امان الله :) |
أنا مبخططش بس طبعاً لازم أستفيد من الإجازه بالسفر أو قراءه الكتب أو المشاركه معاكم و شكراً لكى
|
والله حاولت كتيييييير اخطط للاجازة بس كل الخطط الحمد الله بتفشل....:d
فقررت مخططش تاني وتيجي زي ما تيجي احسن.... والنتيجة بتبقى بعض المتعة :d وشوية ملل برده.....:bosyht9: بس احسن في الاجازة بالنسبة لي هو اني مذاكرش بس ديه كفاية اوي اني ابقى سعيدة ومحتاجش اعمل اي خطط..:022yb4: شكرا بلاك روز على الموضوع الجميل......:d |
اقتباس:
انا ماعنديش اى افكار بس هاتابع افكاركم .. |
موضوع جميل جدا جدا جدا وشكرا لصاحبة الموضوع المفيد ان شاء الله انا عن نفسى بقضى كل اجازة فى كورسات سواء كانت دايفنج او كمبيوتر او لغات بس الاجازة دى باخد دورة اماديوس و فرنش و دايما احب انصح الشباب اللى زيى ياريت لو يخدوا دورات فى الاجازات لانها مفيدة جدا لهم فى المستقبل زى icdl و humman resourses و الصيانة و اى لغة بتحبها ودى المتطلبات الاساسية لاى عمل سواء بالداخل او الخارج وشكرا |
أنا خططت قبل الاجازه وكتبت كل اللي انا عايزة في ورقة .... ونفذت جزء منها
وان شاء الله هنفذ الباقي |
اسفة عالتاخير فى الرد بس معلش عندى ظروف ان شاء الله اول ما الظروف دى تخلص هرد على كل واحد |
والله فكرة حلوة اووووى
وخصوصا انا مش بستفيد خالص بالاجازة مقضيها كمبيوتر وكورة وبلاى ستيشن ودول طبعا ملهمش لازمة معدا الكمبيوتر سعات بقرا حجات من ع الانترنت انا معاكى متابع |
ماشى ع البركة ياشرين
بس اعتقد دة مكانه مش هنا مكانه حوارات على مااعتقد |
ههههه حلو الموضوع ده يا شيرين الاجازة محتاجة تخطيط شديد وعزم من حديد لازم نخطط ليها كويس بس لازم الواحد ينام كويس مش اقل من اتناشر ساعة يعوض ساعات المذاكرة والسهر اللى سهرناها كدا نص اليوم طار ما شاء الله :d بس مش مشكلة فى نص تانى نقضيه ازاى بقا لازم يبقا فى وقت للترفيه عن نفسى بلعب تنس وساعات بلى :d هنقول ساعتين مثلا ولازم بقا تروحى لصحابك اللى انعزلتى عنهم فى الدراسة هنقول مثلا اربع ساعات مع صحابك وساعتين اكل وساعة صلاة لاننا فى عصر السرعة باقى تلات ساعات دول بقا نت ايون لازم يبقا فى تواصل مع صحاب النت بردو وبكدا يكون الوقت خلص هنجيب وقت منين يعنى ياللا اجازة سعيدة :d دمتم فى رعاية الله |
تخطيط ايه بس .. الاجازة خلصت خلاص كل سنة وانتو طيبين رمضان داخل و مش هنقدر نعمل حاجة غير إننا نجوع بس :d هههههه .. موضوع لظيظ يا شيرى و نفسى بجد أقضى أجازة كلها مفيدة |
اقتباس:
شكرا على مشاركة حضرتك [quote=komanda;1413679]احنا بنتعامل مع الأجازة زى حاجات كتير فى حياتنا بدون مانعرف اهميتها أو فايدتهاو ان شاء الله الموضوع يكمل حضرتك عندك حق بس لازم ننمى من شخصيتنا شوية والمفروض الأهل يعودوا أبناءهم منذ الصغر على أهمية الأجازة وازاى يقضوها أهم حاجة هو التخطيط السليم لقضاء الاجازة قبلها بفترة كافية وكل واحد يسأل نفسه تلات أسئلة : (1) أنا عايز إيه من الأجازة (2) أنا ليه عايز الحاجات دى بالذات (3) هل هاستفيد من الحاجات دى على المدى القريب أو البعيد وبعد الإجابة على الأسئلة يتوكل على الله ويبدأ التنفيذ[/ quote] حلو اوى كلام حضرتك [quoteيبقى ده اول حاجة نبدا بيها عايزين كله يجاوب عليها اقتباس:
بس اعتقد ان لو حضرتك خططت هتستفيد اكبر قدر من الاجازة مش كدا ؟ اقتباس:
خلاص خليكى معانا و حاولى تخططى معانا اقتباس:
منورة يا منص :p |
| جميع الأوقات بتوقيت GMT +2. الساعة الآن 12:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.