|
الشاعر احمد فؤاد نجم
طبعا مش انا اللى كاتب القصيدة دى
بس انا شايف انها بتعبر عن الواقع الحالى وهى بعنوان هما واحنا هما مين وإ حنا مين.. ؟ هما الأمرا والسلاطين.. هما المال والحكم معاهم.. و إحنا الفقرا المحرومين حزر فزر شغّـل مخك شوف مين فينا بيحكم مين ؟ .............. إحنا مين وهما مين.. إحنا الفعلا البنايين إحنا السُنة وإحنا الفرض إحنا الناس بالطول والعرض من عافيتنا تقوم الأرض.. و عرقنا يخضر بساتين حزر فزر شغّل مُخك شوف مين فينا بيخدم مين..؟ ................ هما مين وإحنا مين ؟؟ هما الامرا والسلاطين هما الفيلا والعربية و النساوين المتنقية حيوانات استهلاكية شغلتهم حشو المصارين حزر فزر شغّل مُخك شوف مين فينا بياكل مين..؟ .................... إحنا مين وهما مين إحنا قرنفل علي ياسمين إحنا الحرب : حطبها ونارها و إحنا الجيش اللي يحررها و إحنا الشهدا بكل مدارها منكسرين أو منتصرين حزر فزر شغَّل مُخك شوف مين فينا بيقتل مين..؟ ................ هما مين وإحنا مين هما الأمرا والسلاطين هما مناظر بالمزيكا و الزفة وشغل البوليتيكا و دماغهم طبعاً أستيكا بس البركة بالميازين حزر.. فزر شغل مخك شوف مين فينا بيخدع مين..؟ ..................... هما مين وإحنا مين هما الأمرا والسلاطين هما بيلبسوا آخر موضة و إحنا بنسكن سبعة في أوضة هما بياكلوا حمام وفراخ و إحنا الفول دوخنا وداخ هما بيمشوا بطيارات و إحنا نموت بالأوتوبيسات هما حياتهم بامبي جميلة هما فصيلة وإحنا فصيلة حادي يا بادي يا عبد الهادي يا اللي عليك قصد الغنوادي لما الشعب يقوم وينادي يا إحنا يا هما في الدنيا دي حزر فزر.. شغل مخك شوف مين فينا حيغلب مين مينا |
اقتباس:
اول ما قريت السطر الاخير جه المقطع ف دماغى فقولت اكتبه والف شكر على الاضافه دى وكفايه انها لاحمد نجم |
اقتباس:
واسف على الغلطة الكيبوردية دى |
تحيه لحضرتك
اختيار موفق
ينم عن ذوقك واحساسك الجميل الف شكر ليك تحياتي |
مشكورة اوى يانغم على تقييمك الرائع ده
|
أب و ابن .. ذنب و ذنب .. كلب وكلب .. حزر فزر شغل مخك اللى قالها يقصد مين ؟
شكرا على أختيارك المميز للرائع أحمد فؤاد نجم .. تقبل مرورى .. |
اقتباس:
|
|
و النساوين المتنقية
حيوانات استهلاكية نو كمنت |
| جميع الأوقات بتوقيت GMT +2. الساعة الآن 12:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.