بسم الله الرحمن الرحيم


شاب روش طحن

((المشهد الاول))

ماما صحت من النوم




أم سحلب :يا فتاح يا عليم يا رزاق يا كريم....يا حسنيه...حسنيه

حسنيه : أيوه يا ماما ثباح الخير

أم سحلب:صباح الفل يا يا حلوه....ياختى على جمالك.... ...قومى ياختى وصحى أخوكى سحلب علشان يروح الكليه

حسنيه: حاضريا ماما. ..بث حضرتك ثحى حثن يروح يشترى الفول والطعميه. ..

أم سحلب: لأ...صحيه انت هو كمان...أصل بنطلون أخوكى سحلب عاوز يتكوى. ..تصدقى ماخدش باله امبارح وهو بيتشرتيه انه له ركب.. .

حسنيه:حاضر يا ثت الكل. .. . . ثوانى بث...


طق طق طق طق

حسنيه: ثحلب....ثحلب ...قوم الثاعه بقت ثبع ونث. ..وحا تتأخر

سحلب: ايه فيه ايه. ...مين بيصرخ. ......هو انت...سرعتينى ...بس روحى أعملى لى نسكافيه.وأنا جاى وراكى

حسنيه: نثكافيه ايه ....احنا مقاطعين الكلام ده. ..حا أعمل شاى البراد الاثفر....مثرى وآخر حلاوه

سحلب: يووه.. ..أمال حا أقول ازاى بس صباح النسكافيه :angry:
-----------------------------------------------------------------------------------------------


((المشهد الثانى))

سحلب مقهور.....

أم سحلب: يا حسنيه .. ..

حسنيه:نعم يا ثت الكل

أم سحلب: روحى بسرعه افتحى الدولاب وهاتى حزام أبوكى. ..أصل الظاهر البنطلون حا يطلع واسع على أخوكى حبتين

سحلب: ايه ده.. ..ايه ده اللى أنا شايفه ده.. ...الحقونى. ...أااااااااه

أم سحلب: ما لك يا ابنى....مقهور ليه

سحلب: يا خسارة تعبى وشقاى

أم سحلب: ليه يا سحلب قطعت قلبى يا بنى

سحلب: ليه. ..ليه...ليه كويتيه . ..ده أنا مقرفص طول الليل علشان يبقى له ركب ....

أم سحلب: كده. ..الحق عليه عاوزاك تبقى مرتب وعليك القيمه

سحلب: هى دى الموضه يا ماما .كل الشباب الروش كده

أم سحلب:موضه ايه ...ده حتى جربان ...ولونه مش حلوكده ومزهزه

سحلب: ما أنا اللى غسلته بالكلور . وايدى اتهرت. ....ونقعته فى الشمس امبارح..علشان يجرب.يا خسارة تعبى :ph34r:



أم سحلب: اسمع كلامى بس وأدخل البسه كده وروح الكليه والبس حزام بابا. ...وحا تبقى كده

سحلب: حزام ايه...لأ.. ..هو لازم يبقى نازل كده. ..كأنه حا يقع. ... -_-

أم سحلب: ودى موضه دى كمان. ...طب ربنا يستر وما يقعش منك وانت بتعطس ;)

--------------------------------------------------------------------------------



((المشهد الثالث))
تسريحه تجنن


حسنيه: ثحلب....مالك يا خويا. ...شعرك ماله اتنفش كده :huh: . ...أخويا...انت اتكهربت واللا ايه

سحلب: اوعى انت كمان...ده جل

حسنيه: جل!!. ..طب تعال أثرح لك بث. ...ده أنا حثنيه اللولبيه

سحلب: لا يا ستى...كفايه أفكارك انت وماما. ...بوظتوا الروشنه ...ادخلى ياللا...هاتى لى الحظاظه

حسنيه: يعنى ايه!! :huh:

سحلب: الغويشه الجلد اللى على مكتبى .....ياللا بسرعه حا تأخرينى

أم سحلب: مع السلامه يا سحلب. ..ربنا يفتحها فى وشك.. ..هو بيقول ايه يا حسنيه

حسنيه: بيغنى يا ماما....((أمى مثافره وحا أعمل حفله. ..))

أم سحلب: يا ترى الواد مرووش ليه !!ومن ايه؟؟ :blink:
---------------------------------------------------------------------
تمت بحمد الله

ههههههههههه...

موضوع جامد يا ابو صفوت ..

زى كل مواضيعك ...

ثلام ..(زى حسنية)

ههههههههههههههههههههههه
ده انت الي سحلب يا عسل انت
شكرا على موضيعك الجامده

شكرا على الردود و على فكرة سحلب مشترك مع محمود فى القصة التانية
شكرا كمان مرة

احلى ما فى الموضوع الحظاظه علشان يمشى ينور فى الشارع
علشان لو تاه يعنى يلاقوه بسهوله
انا لله وانا اليه راجعون :P
ثانكس على الموضوع

:lol: :lol: :lol: :lol:
موضوع جميل خالص
اجمل ما فية اغنية (امى مثافرة وهعمل حفلة)
ما شاء الله على مفهوم الروشنة عند الشباب ربنا يهديهم
انا اللى مجننى ومضايقنى فى روشنتهم الجينز الساقط دة :P :P :P
لله يهدى

ههههههههههههههه

والله حاجه عجيبه
** يا خسارة تعبي وشقايا

ياعينى كل المجهودات دى علشان يبقي روش ..

والله شر البلية ما يضحك ..

شكرا ليك يا محمد على الموضوع ده وفى انتظار البقية ...

موضوع لذيذ اوي يا محمد يا ثفوت
بث حثنيه دي هيا اللي طلعت من دماغي في القثه دي كلها

عثوله اوي

تسلم ايد ك يا عم محمد
بجد موضوع حلو اوي

هههههههههههههههههههههههههههههههههههههههه

شكرا يا بوحميد

جميلة فعلا

صباح الروشنة ايه الجمال ده

جميل جميل جميل الموضوع خالث يامحمد :) :)
وبالذات حكاية البنطلون الساقط دي ;)
انا فعلا بتجنن من الحكاية دي مش عارفة ايه الروشنة فيها :lol: :lol:

شكرا على كل المجاملات و الردود الرقيقة دى..

موضوع حلو يا محمد يا ثفوت
ههههههههههههههههههه
شكرا على الموضوع :lol: :P

ههههههههههههه
جامد موت واللة تسلم يا صفوت

الموضوع حلوبس واللهى انا بشوف الولد اللى بيحب يتروش بيلبس اضيق بادى واوسع بنطلون واللى تحتيه لازم يكون مشجر او ابيض فى اسود ولازم يبان