رجاء من المدرسين ضرورى
 

السلام عليكم ورحمه الله وبركاته
لو سمحتم عايزة مشورتكم
انا فى الفيزيا مراجعه من نموذج الاجابة اللى نزلتوه فى الموقع
ولقيت اخرى انقص 1.5 لكن افاجأ انى جايبه 46.5
السنة اللى فاتت اتظلمت 5 درجات فرنساوى وسكت
السنة دى اسكت ولاايه
كل ما اقول لحد يقولى والله ما هتاخدى حاجه
لان كلهم راحوا السنة اللى فاتت وماخدوش حاجه
انا عايزة المدرسين يقولولى ايه رأيهم؟
وكمان عايزة اعرف توقعتهم لتنسيق صيدلة
واخر صيدلة يكون كام حتى لو اقاليم؟
اتمنى حد يساعدنى ارجوكم

الحمدلله على كل شئ
بس هو الاحساس بالظلم اللى صعب
بيعملوا فينا كده ليه
حرام عليهم
الحمدلله على كل شئ
بس ياريت اعرف توقعات حد ادنى صيدله حتى لو اقاليم يكون كام

انا السنة الي فاتت كت زيك وكنت حاسب اني هجيب 48.5 في الكمياء ولكن جبت 44 والناس كلها قلتلي متعملش مش هتاخد حاجة بص ولدتي اصرت وعملت وخت درجة انا راي اعملي ومش هتخسري حاجة

يا جماعة حرام مية جنيه على درجة (يمكن تاخدها اووووووووووو ماتخدهاش) واسال مجرب

وانا كمان عايزة اعرف ياريت لو عرفتى تقوليلى

انا كمان نازل فى الفلسفه واعايز اعمل تظلم ... جايب 44.5

و الله انا مقفل كيميا وفيزيا
بس للأسف جبت
49
و
49.5
الحمد لله
بس لو كنت خدت الدرجة و نص دول كنت جبت
100%

اوانا كمان اتظلمت اوي في الرياضه
انا لما رجعت من النماذج لقيت نفسي حنقص 1.5 بس في التفاضل والتكامل وباقي الفروع حجيب فيها النهائيه
بس اتفاجأت امبارح ولقيتها 44.5 بس ولحد دلوقتي عينيا ماشفتش النوم
ومش عارفه اتظلم ولا اعمل ايه
لان معظم اللي بيتظلموا مش بياخدوا حاجه
قدر الله وما شاء فعل

استفسار يا جماعه هوا انا لو عملت تظلم وطلع مش عندى درجات هتتضاف ممكن يتلككوا وينقصونى عن الدرجه الاصليه ,,,,

ولا عادى

وبعدين totti_pop_2008 ما احنا ياما دفعنا فلوس فى الدروس جات ع الميه جنيه دى .....

على ما أظن ما يقدروش ينقصوك
و الله أعلم

بصي شوفي انتي عايزه تدخلي كلية ايه واستني التنسيق
لو جبتي الكلية اللي انتي عايزاها خلاص
ولو فرقت على درجات بسيطه اعملي تظلم
وبالتوفيق

انا كمان اتظلمت في الفيزياء والأحياء
بس الحمد لله على كل شئ

ازاى يعنى ...........؟؟؟

ايه يا عم هو انا بتكلم ألماني
لو احتاجت درجات تعمل تظلم مش كيمياء يعني
شكلك انت كمان عايز تعمل تظلم مش كده؟.