القلق هايموتني
 

مش تقلق حضرتك..
ان شاء الله تلحق طب..بدوون مجامله..
انا سمعت ان اقصاها 97 ..
ربنا مع الكل ان شاء الله..

احمد هدي نفسك خالص
مجموعك ماشاء الله كويس قووووي
وان شاء الله تلحق طب اللي انت عاوزها كمان
و لو مش كده التحويل سهل جداااااااااااا

متقلقش واطمن خير ان شاء الله

انت ترتيبك كام على شعبتك؟؟ يعني لو من اول 5-6 الاف اطمن و ربنا حيسهل ان شاء الله

أنا مش عارف أجيب ترتيبي على الشعبه (علمي علوم)
بس ترتيبي على الجمهوريه

(علمي رياضه + علمي علوم + أدبي)

بدون المستوى الرفيع

6300

يا جماعة انا محتارة ...........انا جايبة 402.5 يعني 98.1%
انا محتارة بين طب وصيدلة ياريت تقولوا ارائكم
وتقولوا ايهما افضل

الصراحه انا نفسي ادخل طب
بس بالنسبالك انصحك بطب
الصيدله طبعا كليه تحفه ورائعه
بس إللي دخلوها بقوا كتير أوي
وبمعنى أصح اتحرقت
من خمس سنين فاتوا كان كل خريجي صيدله بيشتغلوا علطول ومش أي شغل(بمرتبات عاليه جدا)
دلوقتي معدش الكلام ده
فما بالك بخمس سنين لسه قدام
مش معنى كلامي إن كل إللي بيدخلوا صيدله دلوقتي مبيشتغلوش
ومش معنى كلامي برده إن كل إللي بيدخل طب بيشتغل
بالعكس ده شغل طب أصعب بكتير لأن عشان تبقي حاجه في طب بعد ما تتخرجي لازم تخدي الماجيستير (تلات امتحانات) على الأقل
غير الإمكانيات الماديه للعياده (إللي هي مشكله كبيره لكتير من الطلبه بس انا الحمد لله مش واحد منهم) ده غير عدد سنين الدراسه الأكتر
بس في مميزات كتيره لازم تخي بالك منها وهي إن أول 100 على الدفعه بيتعينوا في الكليه معيدين
غير إن الدراسه فيها صعبه بس أسهل من صيدله بكتيييييييير ده غير المكانه الإجتماعيه العاليه أوي للطبيب البشري
ياريت أكون عرفت أوضحتلك الصوره أكتر
بس المهم المجموع ميجبرناش على كليه فيهم:)

انتى احسنلك صيدلة الطب مشوارة طويل هتقعدى سبع سنين تدرسى وسبعة كمان عشان تفتحى عيادة وبتاع عشر سنين عشان يجيلك عيانين يعنى هيكون عندك بتاع خمسين سنة لكن الصيدلة تشتغلى على طول
فى كمان خبر حلو موجود فى صيدلة القاهرة لنك بعد اما تتخرجى ممكن تدخلى كورس سنة اسمة الصيدلة الطبيةclinical pharmachology يعنى ممكن تشتغلى فى مستشفى ويبقى ليكى مكتب وممكن كمان تكشفى وتوصفى العلاج يعنى مفيش دكتور هيقول علاج الا اما ياخد رايك لان الدوا ممكن يعالج حاجة ويبوظ حاجة تانية

وربنا يوفقك

متقلقش خالص إن شاء الله طب متنساش إن أساسًا عدد الطلبة قليل لأنهم متصفيين من ستة ابتدائى
ده غير إن فيه مجاميع مش تمام أوى يعنى
متقلقش و اعرف إن الله لا يضيع أجر من أحسن عملاً
ويلا بقى سلام يا دكتور

ان شاء الله انا جايب زيك وان شاء الله طب

انت ان شاء الله تلخق طيب انا ياجماعه جايبه 97.8 تتخيلو ممكن الحق طب ولا ايه وممكن طب اسنان بالله عليكو حد يريحني