إيه 2 جند دى ؟
 

انا قريت انه لازم اجيب 2 جند, طيب دى تتجاب منين و إزاى ؟؟؟
انا معفى من الجيش كده كده لأنه مليش اخ ذكر, اعمل إيه بالظيط بقى ؟ اروح فين ؟ يبقى معايا كام ؟ إيه الورق اللى يبقى معايا ؟ هتاخد وقت قد إيه عشان تطلع ؟
ياريت تفاصيل و من ناس مجربة..انا من عابدين..

دي مش لازم تجيبها دلوقتي
لما تيجي تقدم للكلية ان شاء الله اللي حتتقبل فيها
وتجيبها حتى لو ملكش جيش

بتتجاب بقى من اي قسم فيه مكتب تجنيد
و ممكن تلاقيها في مكاتب البريد بس السنة اللي فاتت مكنتش هناك

و دي حتة ورقة اساسا بتشتريها وتمشي مجرد تتحط في ملفك

حضر كده نص جنيه او 75 قرش

:d:d:d:d

السلام عليكم ورحمة الله وبركاته
 

اخى الكريم اللى اعرفه عن 2 جند دى يعنى لازم تيجيبه من مكتب تجنيد التابع انت له
يعنى تروح مكتب التجنيد اللى انتا تابع له وهناك هتلاقى ناس من سنك هناك بتاخد نفس البطاقه دى طبعا هناك الضابط المحتص بيقولك على اللى هتعمله
اما بالنسبه لانك وحيد ومفيش ليك اخوات ده عادى انتا بتعمل كشف عائله علشان تخروج من الجيش وانا تحت امرك لاى استفسار
فى رعاية الله

مكتب التجنيد اللى هو بيبقى فى القسم ؟ انا تابع لقسم عابدين

إنت لسة شفت حاجة

دة بس مجرد استفتاح

أما الكلية فدة شئ تانى حيث الطلبات العديدة والدلع الماسخ من شئون الطلاب

هى كلمة يا فؤاد عود نفسك على الطلبات الكتيرة والأوراق والدمغات من دلوقت

وياريت بجد يكون معاك مخزون استراتيجى دائم من :

(1) الطوابع والدمغات من مختلف الفئات

(2) دوسيهات من الصفرا الكبيرة أم 50 قرش

(3) صور كتيرة من أصول الأوراق وصور شخصية كمان

أصل الإنسان فى البلد شوية ورق ودمغات وطوابع وأختام !!!

وعذراً على الإطالة وعام سعيد إن شاء الله ...