|
مفيش دعم فنى = مفيش منتدى الثانوية
السلام عليكم ورحمة الله وبركاته هتكلم بهدوء و برود فظيع .. مع إن جوايا نار كافية تحرق المنتدى أكتر ما هو محروق دلوقتى كل ما تحصل مشكلة يقولوا مشكلة دعم فنى و هنكلم المدير .. ولا بنشوف مديرين بيعملوا حاجة و الوضع بيزداد سوء أكتر من الأول منتدى طويل عريض مافيهوش قدرة إنه يكبر التوقيع ال4 سطور يكبر الصورة الرمزية اللى قد السمسمة تحرير المواضيع ممنوعة عند المشرفين أعضاء مالهمش صلاحية فى وضع مواضيع المنتدى نفسه بيقع فى الساعة 7 مرات و فضل يوم كامل واقع بعد النتيجة .. عمرها ما حصلت إنه يقع فى وقت زى ده؟!! بالنسبة ليا بقى بالإضافة لما سبقوا فضلت يوم بحاله مش عارفة أنزل ردود فى أى موضوع فضلت يومين فى اجتماعيات ممنوع عنى إنى أحذف ردود بدخل العام الاقى الصفحة حولتنى لقسم الصور!! و بقالى يومين دلوقتى مش عارفة أنقل مواضيع لا فى العام ولا إجتماعيات فين الدعم الفنى يا إدارتنا الموقرة ؟؟ أنا نفسى استاذ عصام أو أستاذ محمود سرحان يردوا عليا؟!! لحد إمتى هنفضل كده .. بجد الناس بدأت تمل و أنا أولهم مش دى الإدارة اللى اتوقفنا و شفنا أيام وحشة علشانها أنا لو كنت أعرف إن حال الموقع والإدارة هيبقى بالشكل ده ماكنتش فكرت لحظة إنى أنضم لناس غيروا سياسة المنتدى !! بتهيقلى الكلام ده كفاية .. أنا حبيت أعرض الموضوع ادام الأعضاء كلهم لإن مفيش حد بيدخل حجرة المشرفين غير محمود طه و يا ريت يكون فى حل .. مش هنفضل نتكلم وبس !! فى رعاية الله |
والله يا مها عندك حق
الحال من بعضه بس فعلا عيب أوى كده ده انتو بتقولو ان الموقع هو الاول ف مصر والعالم العربى امال لو كان السادس كان عمل ايه ؟ فين الاداريين ؟ الله اعلم ............. |
اقتباس:
سلامتها ام حسن من العين ومن الحسد والله انتى زهقتى كلام فى الموضوع ده ونا زهقت نقل للكلام ده وشبعت تنفيض اعمل ايه يعنى مفيش حد بيعبر كل يوم يقولولنا بكره لا بعده المشكلة مش فى الادارة يا مها المشكلة فى المسئول عن الدعم الفنى واظن بردو انه احد افراد الادارة مفيش حد بيعبر اصلا وموضوعك هتلاقى ردود طويلة عريضة عليها لكن فى النهاية ايه اللى هيحصل ولا حاجة هيجى واحد اسمه محمود طه هيقول كلوزد مغلق يعنى المنتدى دا علمنى حاجة وفكرنى بمقولة الدرش الشهير لا يأس مع الحياة ولا حياة لمن تنادى وسلمولى على الدعم الفنى دا اذا قابلتوه دمتم زى منتم |
اقتباس:
ههههههههه محمود طه .. محمود طه اسمك بيجى كتير ف كل حتة انا بدات اغير :d |
صحيح الدعم الفنى سيىء للغاية انا زهقت فعلا والله
كل شوية database error زى ما نكون بنعمل لها اعلانات هنا فين يا جماعة الناس اللى فى الحاسبات والمعلومات او الهندسة ؟؟ اكيد فيهم ناس تعرف حاجات فى الدعم الفنى دى حاجه تحرق الدم بجد مش معقول اللى بيحصل ده . موقع ومنتدى كبير يحصله اللى بيحصل ده ياريت نشوف حل بجد وينزل موضوع من الادارة يعرض تفاصيل الحل ده وشكرا |
انا عرفت السبب يا مها
مدام سها عملت موضوع تهنئة بتقول ان المنتدى طلع الاول اكيد مبقاش كدا من فراغ اكيد بعد تعب سنة مذاكرة وسهر فى الثانوية بس المنتدى حقق نجاح باهر فالبتالى لازم يرتاح علشان كدا هتلاقى عنده كسل وخمول بعد ما طلع الاول ودا حقه انا لو طلعت الاول هنام ستين يوم متواصل مش بتريق على فكرة :d |
لنا الله
لن يحدث اى تطور قبل انتهاء الصراع الجارى حاليآ ....! |
هههههههههههههه
فعلا انتو عالم معندهاش دم عايزين كل حاجه بجد ايه يعني الموقع بيقع 17 مره ف الدقيقه بتحصل ف اكبر المواقع ف العالم :d lمحسود الموقع دا :d ايه يعني مش عارفه تحذفي ردود عادي برضه مش لازم تحذفي ححري ردود مش عارفه تحرري ضيفي :d كل صرح عظيم لازم يكون فيه بعض الخلل احنا حنتكلم كتير فالموضوع دا وبعدين بطلوا بقي الموقع بقاله خمس دقايق شغال :d |
عادي تلاقي القاعدة فيها مشاكل . هبعتهولكم يصلحها
|
بتحصل فى احسن العائلات
والله بجد انا اتخنقت واتكلمنا فى الموضوع ده بردوا مفيش فايدة ربنا يهديه ويقومه من وقعته بالسلامة وجزاكم الله خيرا |
انا بحسدكم بجد اه والله بجد بجد:d
هو انتم لما بتجيوا تردو مش بيقع معاكم :angry2: كل ديه ردود ياااااااارب ردي يوصل اشمعني انا :) |
تم عمل موضوع في مجلس الادارة لعمل اللازم بعون الله
|
اقتباس:
وحصلت حالا وانا ببعت الرد ده وعلق وعملت ريفيرش 7 مرات وفى الاخر بعتها عشان كده اضطريت اعدل المشاركة واكتب الكلام الاحمر ده مش عارف ايه ده كمان الرد مش هعرف اكتب رد دا اكتر من مرة يعلق ويقول عفوا مشاركتك قصيرة جدا لابد ان تملا 15 مش عارف ايه كده دا انا شغال بالفيرفوكس امال لو كنت شغال بالاكسبلورر كان ايه اللى حصل ؟ واعتقد يا استاذ محمود طه القانع ان الادارة نفسها عانت من الامر ده وعارفه الكلام ده مش غير ما حضرتك تعمل موضوع ولكن شكرا لك على ذلك قد يكون الموضوع غير معروف لهم |
اقتباس:
من قبل النتيجة بساعة و هو ع الحالة دي ربنا يعينه :( لازم بجد نشوف فين الدعم الفني في الاول كانت كل المواقع التعليمية المصرية كدة و لكن امبارح كانت كلها متصلحة الا الموقع ده لنا الله .. في الانتظار |
المشكلة تتمثل في أن أحد رامات السيرفر حدث بها عطل من يوم النتيجة بسبب الضغط الذي كان يوم النتيجة فقمنا بمحاولة إصلاحها فللأسف لم تستجيب فجاري الآن تغييرها فإن شاء الله خلال اليوم سيتم إصلاح كل شئ وغداً بإذن الله سوف يرجع الموقع لإستقراره الذي كان عليه قبل يوم النتيجة
|
| جميع الأوقات بتوقيت GMT +2. الساعة الآن 01:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.