خاص لطلبة علمى علوم
 

انا اسف على هذه الاخبار بس هو دا المكتوب

نقابة الأطباء تحذر طلاب الثانوية من الالتحاق بكليات الطب .. و«الصيادلة» تطالب بتخفيض أعداد المقبولين بنسبة 15% http://ecc.07770500.com/NewsSports/N...%20Elsayed.jpg
دكتور حمدي السيد حذرت نقابة الأطباء طلاب الثانوية العامة وأسرهم من مستقبل مهنة الطب، وأكدت أن الالتحاق بكليات الطب لن يحقق الأحلام الوردية التي تراود الأبناء والآباء، خاصة أن عدد أطباء مصر تجاوز «205 آلاف طبيب» بالإضافة إلي أن عدد الخريجين يصل إلي عشرة آلاف طبيب سنويا من الكليات الحكومية والأزهرية والخاصة.

وأكدت النقابة في بيان لها ان وزارة الصحة لن تكلف في عام 2014 أكثر من 3500خريج بما يعني أن الأعداد المقبولة لن تجد من يتحمل مسئولية تدريبها وإعدادها للممارسة المهنية.

موضحة أن أحوال شباب - بل أغلب - كبار الأطباء في تدهور مستمر في ظل الأزمات الاقتصادية والغلاء المتزايد وما زالت النقابة تبذل قصاري جهدها لزيادة رواتب وحوافز الإخصائيين والاستشاريين.

ومن جهة أخري، طالبت النقابة د.أحمد الطيب ـ رئيس جامعة الأزهر ـ بتخفيض أعداد المقبولين في كليات الطب الأزهرية هذا العام.

وأعربت النقابة عن ترحيبها بقرار المجلس الأعلي للجامعات بتخفيض نسبة أعداد المقبولين بالطب بنسب تتراوح بين 12-15% من الأعداد التي تم قبولها العام الماضي، وذلك تنفيذا لقرار محكمة القضاء الإداري في 24 سبتمبر2007 في الدعوي رقم 32416 لسنة 61 ق والذي قبلت النقابة أن يتم تنفيذه بصورة تدريجية علي مدار أربع سنوات.

وشددت النقابة علي ضرورة التنسيق بين أعداد المقبولين وطاقة الاستيعاب والتدريب في كليات الطب وبعد التخرج لضمان الحصول علي مستوي جيد للتعليم الطبي المطابق لمعايير الجودة، حيث إن الطبيب يحتاج إلي 5-7 سنوات لإعداده مهنيا.

من ناحية أخري، أكد د. سيف الله إمام ـ أمين عام مساعد نقابة الصيادلة ـ أن النقابة تلقت خطابا من وزير الصحة د.حاتم الجبلي أوضح فيه أن حاجة قطاع الصحة في عام 2014 من الصيادلة سيبلغ 3500 صيدلية فقط وهو مايعني وجود فجوة حالية بين أعداد الخريجين التي تقدر بـ10 آلاف صيدلي من 24 كلية حكومية وخاصة وبين حاجة القطاع الصحي التي تصل إلي 6500 صيدلي وهو مايهدد ببطالة الصيادلة خاصة أن النسبة العالمية لأعداد الصيدليات مقارنة بالسكان تصل إلي صيدلية لكل 5 آلاف نسمة بينما تصل في مصر إلي ضعف النسبة العالمية، مشيراً إلي مقاضاة النقابة وزارة التعليم العالي لتخفيض أعداد المقبولين بكليات الصيدلة مناشداً المجلس الأعلي للقبول بالجامعات تخفيض أعداد المقبولين بكليات الصيدلة بنسبة 15 % علي مدار الخمسة أعوام القادمة.

المصدر:الخبر منقول من الدستور ليوم الثلاثاء الموافق 21 من يوليو 2009
http://www.elostaz.com/nat2009/than/nrank.jpg
مع تحيات محمد خيرى محمد محمد جبريل

كلام كل سنة

حتى الصيادلة هيكلموه

هى الدنيا خربت كده ليه

اتهدوا بقى يابتوع الصيادله
مش حبك السنه دى
السنه اللى جايه اعملوا اللى نفسكوا فيه

عييييييييييني

مليش فيه
انا رايح علوم باذن الله

حتي نقابة الحرامية بتحتج علي التنسيق

لان هناك فوق 40 الف لن يكون لهم مكان في الجامعات او المعاهد المتوسطة

يعني حيلعبوا علي القهوة ويجيبوا منين حق البانجو سوي بالسرقة ويبداوا يدخلوا في المهنة بتاعتهم


حتي الحرامية بتحتج

ومين بقى نقابه الحرميه دى؟؟؟؟؟؟؟

كل ده عشان الجامعات الخاصة :(

طب يرخصوها :)

ليس لنا الا الله

هئ كوسة

انا نفسي اعرف اشمعنا الحل بيجي من طرف الجامعات الحكومية مش الخاصة يعني الطب في الحكومي 98% والخاص 90% واللي عنده فلوس يدخل ابنه يدخله فين العدالة وتكافؤ الفرص اللي بيقولوا عليها ؟ وجايين الوقتي بيقدموا نصيحة لاولياء الامور ميدخلوش اولادهم طب او صيدلة عشان مش هيحققوا الاحلام الوردية اصلهم بالتنسيق المجنون ده مش بيحطموا الاحلام الوردية لآلاف الاسر المصرية

مالها تجاره.؟
والله عال العال و بيشتغلوا و بيقبضوا بالدولار
احسن من الشحططه دي
بلا ارف

السبب فى بطالة الاطباااااااااااااااء وسوء احوالهم هى ان مش كل الدكاتره الخريجين ليهم فى الطب وللأسف نسبه كبيره منهم بيكونوا فى امتياز ومش عارفيييين اى حاجه.
انا مش بقول الكلام ده من دماغى انا بقوله نقلا عن طبيب خبير

إنا لله وإنا إليه راجعون

أنا داخله طب المنصورة وربنا يستر

نرجع ونقول علي راي جورج وسوف
بيقولوا الصبر طيب وكفاية العمر عدي وانا واقف مكاني واللي اديتهم زماني نسيوا زماني في ثواني .................دنيا

انا بصراحة دمى اتحرق اول ما قريت كلمه(( تحذر)) دى
يعنى هو حرام الواحد يبقى عنده طموح و نفسة يبقى حاجة كويسة
و بعد كل المذاكرة دى يقولولنا بلاش طب وبتاع ...ندخل ايه يعنى؟؟
ما كل الكليات مستقبلها زى الزفت.. دا اذا كان ليها مستقبل اصلا

اللهم ابعدنا عن الطب والصيدله وادخلنا العلوم او الفنون الجميله ياااااااااااااااااااااااارب