بوابة الثانوية العامة المصرية

السلام عليكم إخوانى الأعزاء و أخواتى العزيزات

أنا عضو جديد , تشرفت بالانضمام لكم و لمنتداكم الغالى

و أتمنى أن أكون عضواً فاعلاً و مؤثراً بشكل مرضٍ

حابب تكون أولى موضوعاتى ذات قيمة , و تحوز على رضاكم و تفاعلكم

من استقرائى للمنتدى الموقر و أقسامه المختلفة خطرت على بالى خاطرة

ليه ما نستغلش العدد الرهيب ( ماسك الخشب أهه ) الموجود فى المنتدى ؟

نستغله فى تقديم يد العون لباقى الأعضاء قى كل المجالات بقدر الإمكان

مش كفاية إننا نفيد بعض فى المجال التعليمى و التثقيفى و بس

بالنسبة لى شخصياً بيهمنى فى المقام الأول بناء الشخصية السوية من الداخل

و من بنود هذا البناء توفير الجو النفسى الملائم ليكون الإنسان سوى

فمن كل الرغى اللى أنا رغيته ده نوصل لإيه ؟

حابب نعمل تواصل تام بيننا كلنا بحيث اللى عنده أى عائق نفسى ( و لو بسيط )

ممكن يدخل الموضوع ( المتواضع ده ) و يفضفض عن اللى جواه و كلنا نفهم شكواه

و كل واحد مننا يحاول يخفف عنه متاعبه بالطريقة اللى يشوفها

غرضى من كل ده يزيد التواصل بينا و تزيد درجة الحميمية و التفاعل المثمر فى حياتنا

من الآخر كده , الكل يدخل موضوعنا و يشرفنا و يفضفض براحته

عارفين ليه ؟ عشان [ البيت بيتك ] .

تعليق .... أتمنى تدعولى و محدش يدعى علىّ ( هأحس بيه )