|
اتصالات ولا عماره؟؟؟؟؟؟
السلام عليكم ورحمه الله وبركاته طبعا سؤالي اكيد متجاوب علي في المواضيع الكتير الي موجوده بس معلش انا مش قدره ـأقرأها ويا ألاقيه يا ملقيهوش قسم اتصالات احسن ولا قسم معماري؟؟؟؟؟؟؟؟؟؟؟؟ وياريت الي يجاوب يكون بيفهم ويقولي مين اصعب فيهم ومين اسهل وأصلا الاقسام بتتحدد في اعدادي ولا أولى ويا سلام بأه لو موجز سريع كده عن كل قسم في الاثنين شكرا مقدما في رعايه الله |
:d باختصار في نقطتين اولاً التحديد بيتحدد ما بتخلصي اعدادي ثانياً عمارة تختلف تماماً عن كهربا يعني تدخلي الللى تحبيه اكيد ميولك مش حتكون للاتنين كهربا بتتكلم عن الدواير الكهربية وبتهتم بالفيزيا والرياضة عمارة بتهتم بالرسم ولازم صاحبها يكون عنده قدرة كبيرة عالتخيل والابداع والتفنن للتفاصيل اكتر عن كهربا وعمارة لمزيد من التفاصيل يرجى الاتصال بالرقم الظاهر لديكم اسفل الشاشة او زورو موقعنا على الرابط http://www.thanwya.com/vb/showthread.php?t=17061 |
اقتباس:
لسه هاقرأ موضوع من صفح كتير لالالالالالالالا طالما حضرتك تطوعت خلاص اقرأه انت واكتبلي ملخص:d انا مستنيه اهوه |
بعد اذنك يا بوسي اسمحيلي اني استغل موضوعك واسال انا كمان (اكيد سمحتي طبعا الف شكر:d)
انا عايز اعرف انهي الاحسن القاهره ولا عين شمس وبرده عايز اعرف ايه حوار الشيخ زايد ده للسنه الاعدادي وبالمره بقي عايز اعرف هندسه بترول بتاخد في حدود كام كده و شكرا علي اي حد هيفيدنا برايه واي حد مش هيفيدنا برده |
بص ياسيدى الموضوع ده كنا بنتكلم عن حوار عين شمس فهتلاقى حجات كتير عنها وانا راغى فيها يعنى :d
http://www.thanwya.com/vb/showthread.php?t=137900 وبالنسبه للقاهره فانت بتاخد سنة اعدادى فى الشيخ زايد وبعدين بتكمل بقية السنين فى الجامعه عادى وده اللى انا اعرفه من السنه اللى فاتت والله اعلم وهما بيحاولوا ينقلوها كلها الشيخ زايد يعنى هندسة بترول بقى معرفش وبالنسبه لحوار اتصالات ولا عماره دول اللى بفكر فيهم ولحد دلوقتى مش عارف هخش ايه :( وانا كان فى عماره بتتبنى جنبى نزلت وقفت مع البشمهندس بتاعها قعدت اتكلم معاه قعد يقولى ان اهم حاجه عشان تخش عمارة هو ال imagination وقعد يشدلى فى الكلمه دى لحد اما كان هيقطعها :d بس وانا اقوله بس عماره مالهاش شغل يقولى لا ده رزق من عند ربنا ان شاء الله المهم حكالى ان بتوع مدنى بيشتغلوا شغل عماره وبتوع عماره بيشتغلوا شغل مدنى فعلا وان فعلا مجال مدنى واسع فى الشغل وان دى حقيقه بالنسبه لعماره بقى فهى بتتكلم عن اننا نعمل تصميم لعمارة لفيلا لأى حاجه او مثلا التصميم الداخلى ليها او الديكور او بتتكلم عن ازاى التهوية والشمس تخش منين وبتاع وهو بيقدم ده كله للمهندس المدنى عشان ينفذه على ارض الواقع بس ده اللى اتقالى وحاولى تدورى ورا الموضوع ماينفعش الحاجه تجيلك جاهزه :) |
حضرتك أفضل قسمين للبنات هما إتصالات أو عمارة و مدني مينفعش للبنات و كيمو قال مدني بيشتغل شغل عمارة يبقي عمارة هي الأفضل أولا مفهاش مواد نظري غير مواد قليلة جدا لأن كلها رسم و في نفس الوقت مكلفة جدا عشان أدوات الرسم مكلفة ليا واحد صاحبي في أول ترم صرف 3 ألاف جنيه أدوات و لسه المشروع فلو في مقدرة يبقي أكيد عمارة هي عندنا في هندسة المنصورة الوحيدة اللي محتاجة تقدير علي عكس الباقي الي بيجيب مقبول بيدخل و مش عارف في الكليات التانية إيه النظام |
لا احنا عندنا يا ساى اكبر تقدير هو مقبول مرتفع كهربا
وبعديه عماره وبعديه ميكا وبعديه مدنى بالترتيب كده عموما هى بتفرق من كلية للتانيه طبعا وهى بتاخد تقدير كبير لان نسبة الطلاب فيها بتبقى قليله ومش بياخدوا طلاب كتير بس بجد حوار ال 3 تلاف جنيه ده؟؟ انا كده بدئت اتردد :d |
اقتباس:
هو اتصالاات ده بيبقى شعبة تبع كهربا يعني انتي في اعدادي حتختاري يا كهربا يا عمارة (ده حسب نظام كليتنا ومعظم الكليات) وبعدين داخل القسم الواحد يوجدد الشعبات المتخصصة كاتصالات داخل كهربا ده تعليق الحتة اللى مفهمتيهاش وابقى دوري بقى شوية القراية اسهل من الكتابة:d |
اقتباس:
واضح ان حضرتك بتكتب بسرعه اقتباس:
اقتباس:
اقتباس:
بس مش هاقرأ ياله الي يجيبه ربنا كويس وخلاص شكراااااااا |
معرفش انا كل كلامى واضح :d
انا فعلا بكتب بسرعه فممكن يكون كلامى مش مرتبط ببعضه لكن اقرى كل سطر لوحده هتلاقى كلامى زى الفل مايتعيبش :d عموما اى اسأله تانيه اتفضلوا .... بس انجزيشن بقى عشان قبل مانسى اخش المنتدى :d |
اقتباس:
لأ يا عمي إحنا عندنا إتصالات قسم و كهربا قسم و حاسبات قسم فعلا كلية عن كلية تفرق |
اقتباس:
بس بيتهيألي نظام الاقسام والشعب افضل لأنه بيديك فرصة تعرف اكتر عن القسم اللى حتخله وتعرف تختار بدل ما تدخل عليها من اعدادي وانت مش فاهم ابيض من اسود واللى بناخده ميعتبرش حاجة عن الاقسام |
خلاص خلاص بلاش رغي ووجع دماغ بعد تفكير قاتل واستفتاءات ومناقشات قررنا ان شاء الله عماره باذن الله ياله محدش يدخل موضوعي تاني عيزه أرش ميه قدام الموضوع اللي هيخش هيتبل:d |
| جميع الأوقات بتوقيت GMT +2. الساعة الآن 09:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.