بالنسبة للتظلمات
 

تكون في البنك قبل الساعة 11 علشان هتاخد وقت علي ما تدفع وبعدين تطلع علي الكنترول المهم يكون قبل الساعة واحدة علشان تلحق تقدم الايصال وتستني دورك
انا راجعت احياء ولقيت مهازل واللة وانصحك تاخد موبايل معاك وتصور الورقة من غير ما حد ياخد بالة لانهم هيعطوك صورة الورقة وتاخد نموذج الاجابة ويسيبوك براحتك تراجع وتكتب الاسئلة اللي معترض عليها وانا عارف انهم مش هيعطونا حاجة علشان كدة هقابل وكيل الوزارة يوم السبت وهشوف بقي اية اخرتها معاهم

طب بالنسبالي انا عايز اكشف على 3 مواد

1 - عربي ناقص 3 درجات
2 - رياضة ناقص 2.5 درجات
3 - انجليزي ناقص 1 درجة

وراجعت نمازج الاجابة من موقع الاستاذ معنديش ولا غلطة
لو رحت وكشفت ع ال3 مواد ممكن اجيب درجات ف مادة ايه وممكن مجبش في مادة ايه وياريت السبب يا جماعة

انا دفعت الفلوس فى البنك بس لسا مروحتش المدرسه

كان المدرس مصحح وحش ولا ايه ؟؟

وازاي تقابل وكيل الوزارة ؟؟ و هيفرق لو قابلتو

انا هعمل في العربي بردو

السنة اللى فاتت عملت في الفرنساوي والله اجابات زي نموذج الاجابة مديني نصف الدرجه وكان فى فقرة مش متصححه اخدت درجة السؤال اللى مش متصحح فقط اما الاسئلة التانية مزدتش حاجه

نصيحة : مش هتلاقى درجات

المشكلة فى نموذج الاجابة

بصى على العموم براحتك

روحى البنك الأهلى و ادفعى 100 جنية و بعد كده روحى المدرسة اديهم الوصلو هيدوكى ميعاد

حضرتك بتروحي البنك الاهلي
تدفعي الـ 100 جنيه
و هتاخدي ايصال فيه اسم المدرسة اللي هتروحي فيها
لو انتي كنترول القاهرة هتروحي المدرسة السنية او التوفيقية ف السيدة زينب
الايصال ده هيقوللك اليوم اللي تكوني متواجدة فيه
غالبا يفضل انك تبقي متواجدة الساعة 9
و عموما مش بيدخلوا حد قبل الساعة 10
انا عن نفسي دخلت الساعة 12 و نص:d

انا كان عندي 3 درجات و نص
كان ليا فيهم درجتين و نص
الموضوع كاتبه تمام خالص راح المصحح منقصني درجة و نص
و فيه سؤال مش متصحح اساسا زي نموذج الاجابة !! :d
بس ما أخدتش حاجة
نصيب !!

وانا السنة اللى فاتت دخلت 1 :d

ما التصحيح بيبقى بالحظ !!!!
انا كل الناس قالولي مش هتزيدي بس الحمدلله زدت درجة بحالها !!! من 5 درجات

ان شاء الله تدخل الكلية اللى عايزها

بص انا هقولك حاجه انت لو كشفت على ورقك هما مش هيصححوا تانى هما بس هيعيدوا تجميع الدرجات
ومش هتاخد منهم حق ولا باطل انت بس قول حسبنا الله ونعم الوكيل عليهم والخيره فيما اختاره الله
بس بردوا لازم تشوف ورقك وياريت تاخد معاك حاجه تصور بيها ورقك يعنى الموبيل مثلا علشان لو مظلوم تعرف تاخد حقك

]انا راجعت احياء ولقيت مهازل
لو سمحت ايه المهازل اللى لقيتها؟

انا كنت رايح مش علشان اجيب درجات ودي اول مرة اراجع درجاتي في اي سنة بس انا كنت رايح علشان اريح ضميري يعني مثلا الاقي سؤال انا نسيتة او حاجة انا اتلخبط فيها واعرف وخلاص انما لما رحت ولقيت التهريج دة انا اتصدمت بصراحة وانا وريت الورقة ونموذج الاجابة لواحد كان معايا هو رياضة بس خليتة يقارن بين الاجابات ويشوف و هو اما ان المصحح اعمي او انة مبيشوفش وفي الحالتين انا ضعت بسبب خطأ واحد معندوش ضمير
اللي بيسال هقابل وكيل الوزارة ازاي واحد قريبي يعرف مديرة مكتبة واخدتلي معاد معاة وهروح يوم السبت هو كان ممكن اروح النهاردة بس النهاردة اجازة رسيمي وانا رايح علشان اقولة كلمتين بس وامشي وعارف انة مش هيعملي حاجة

انا ممكن ارد عليكى يعنى مثلا ممكن تلقى مصحح بيستهبل وشطبلك على الاجابه وكاتب بالعربى العريض صفر عادى يعنى حصلت

او ممكن سؤال مش متصحح اصلا

ولو كان رياضه يبقى انتى اكيد مش كتبه القوانين حتى لو كتبها انتى هتعرفى اكتر من الحكومه

والقنون اللى عليه نص هتنقصى عليه 2 واكيد هيضيفوا عليه النص طبعا

دي كلمة مهازل قليلة عليهم يعني مثلا الاقي اجاباتي زي النموذج بالظبط وهو بكل سهول كاتب صفر مش في سؤال واحد في اكتر من سؤال وزي مقلت انا وريت ورقة الاجابة لواحد من رياضة ووريتة النموذج وهو اللي ميعرفش حاجة لو كان صحح كان عطالي الدرجة كاملة وعطالي فوقيها درجة هدية انا عارف اني خطي وحش شوية وكنت عارف انة هيعملي مشاكل في الاحياء بالذات بس متوصلش للدرجة دي يعني دة اساسا مقراش الاجابة