بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   ارجو المساعده والرد السريع (https://www.thanwya.com/vb/showthread.php?t=139301)

marksman92 23-07-2009 06:46 PM

ارجو المساعده والرد السريع
 
اولا السلام عليكم ورحمه الله وبركاته
ثانيا انا جايب مجموع 80 في الميه وفي الانجليزي 41.5 وانا بتمني ادخل اداب انجليزي ورتبت الرغبات علي كده بس المشكله انا خايف مجموعي في الانجليزي مايخلنيش اقبل في الكليه وانا عايز اطمن اذا كانت درجتي في الانجليزي تخليني اقبل في الكليه ولا لآ عشان لو مجموعي في الانجليزي مش هخليني اقبل في الاداب اغيرها من الرغبات واخليها تجاره ولا اضمن الانجليزي .......؟؟؟؟ :av4056bb7jp3: وشكرا :av4056bb7jp3:

adel hasan 23-07-2009 06:55 PM

والله ياباشا مجموعك يحير فعلا ودرجة الإنجليزى برده تحير ، بس الأكيد إن الإنجليزى فى آداب بياخد أكتر من كدة بكتير وبالنسبة لكلية التجارة أنا مش عارف إنت أصلا هتحصل تجارة إنتظام ولا لأ والتجارة إنجليزى عايزة إنتظام فقط .......... مش عارف ومش عايز أفتى ... ربنا معاك بس حاول تمسك العصاية من النص وبرده إزاى؟ ......... مش عارف !!!

marksman92 23-07-2009 07:11 PM

شكرا يا باشا علي الرد بس انا كنت عاوز اعرف كان تنسيق الاداب انجليزي بياخد من كم السنه اللي فاتت

adel hasan 23-07-2009 07:13 PM

أنا أعرف إن آداب إسكندرية أخدت من 48 إنجليزى

ياسمينايا 23-07-2009 07:29 PM

والله نفس املى ..

-ameer- 23-07-2009 07:34 PM

علي ما اعتقد الاداب بتاخد في حدود 44 ل47 دة علي حسب ما عرفت السنة اللي فاتت يعني وبتختلف من كلية لكلية

marksman92 23-07-2009 07:50 PM

اوك شكرا يا امير علي الرد انت وعادل بس انا حيران برده ومش عارف اعمل ايه ممكن تساعدوني قبل ما مده التنسيق تخلص
وربنا معانا كلنا ويارب تحققي املك يا ياسمينايا

a7med_zd_4 23-07-2009 07:50 PM

خليها على الله

adel hasan 23-07-2009 07:59 PM

اقتباس:

المشاركة الأصلية كتبت بواسطة marksman92 (المشاركة 1434204)
اوك شكرا يا امير علي الرد انت وعادل بس انا حيران برده ومش عارف اعمل ايه ممكن تساعدوني قبل ما مده التنسيق تخلص
وربنا معانا كلنا ويارب تحققي املك يا ياسمينايا


شوف ياباشا : إنت مجموعك 80% أدبى ودرجة الإنجليزى 41.5 - بداية لو راحت منك أداب إنجليزى متزعلش لأن اللغة لم تعد مجال تخصص، ليه؟ لأن الطبيب لازم يجيد الإنجليزى وكذلك المهندس والمحاسب وهكذا. أنا من رأييى إكتب أول رغبة تجارة ........ جت إنتظام أهلا وسهلا ....... مجتش يبقى تجارة إنتساب وإنت على مدار سنوات التجارة الأربعة تاخد كورسات إنجليزى مية مية وأعتقد أربع سنوات هتخلليك أستاذ ......... والله أنا لو فى نفس مكانك هعمل كدة ............. وبرده اللى كاتبه ربنا هيكون وبالتوفيق.

marksman92 23-07-2009 08:12 PM

والله كلام 100 ميه ورد كويس وانا فعلا هعمل كده وكلامك صح وشكرا انا هغير الرغبات دلوقتي والف شكر يا عادل

adel hasan 23-07-2009 08:16 PM

مافيش بيننا شكر على الإطلاق إحنا كلنا إخوات وبنواجه ظروف واحدة ......... ولا خاب من إستشار ..... ربنا يوفق الجميع

adel hasan 23-07-2009 09:42 PM

الحمد لله ......... فى السراء والضراء

لولو خلاف 23-07-2009 10:32 PM

طيب انا بقى من غير كسوف بالصلاه عالنبى جايبه 74 فى الميه وهتجنن برضه على اداب انجليزى ومجموعى فى الانجليزى 45 من 50 قلولى تقوعاتكو يا خبرا

لولو خلاف 23-07-2009 10:33 PM

بس انا من طنطا ع فكره

marksman92 23-07-2009 10:47 PM

بصراحه يالولو بعيده عليكي الاداب عشان اقل حاجه في الاداب 80 في الميه وانتساب كمان انا اصلا مش ضامن اني ادخلها
وعلي فكره انا برده من طنطا انتي بصراحه انسب حاجه ليكي الحقوق وربنا يوفقك


جميع الأوقات بتوقيت GMT +2. الساعة الآن 06:31 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.